llais y sir

Gwastraff ac Ailgylchu

Dweud eich dweud ar ailgylchu a newid gwastraff

Ers i ni lansio arolwg ar ein newidiadau ailgylchu a chasglu gwastraff arfaethedig, mae dros 1,300 ohonoch wedi dweud eich dweud.Recycling Logo

Mae llawer ohonoch wedi cymryd rhan yn y ddadl; mae rhai ohonoch yn gwbl gefnogol, mae eraill yn gweld sut y bydd yn gweithio mewn egwyddor ac mae eraill wedi mynegi consyrn.

Rydym am weithio gyda chymunedau i gynyddu'r her a deall beth yw'r rhwystrau, gyda'r bwriad o fynd i'r afael â'r materion hynny cyn i'r system gael ei chyflwyno (pe bai wedi'i gymeradwyo).

Mae'r Cyngor yn hysbysu eu preswylwyr am gynigion newydd i gynyddu cyfraddau ailgylchu a lleihau gwastraff yn y sir ac mae eisiau gweithio gyda chymunedau er mwyn wynebu’r her.

Yn hanesyddol mae gan y sir un o’r cyfraddau ailgylchu gorau yng Nghymru ac mae preswylwyr wedi chwarae rhan hanfodol yn y llwyddiant hwn. Er gwaethaf yr holl ymdrech, mae mwy na 5,000 tunnell o ailgylchu yn parhau i gael ei daflu trwy gasgliadau gwastraff cyffredinol sy’n costio £500,000, y gall yr arian fod yn cael ei wario ar wasanaethau cyngor angenrheidiol.  Mae hon yn her arwyddocaol ac mae'r Cyngor angen ailgylchu mwy a lleihau costau gwaredu diangen. Yr unig ffordd i wneud hyn yw newid y ffordd y mae’r gwasanaeth gwastraff gweithio a thrwy newid y ffordd mae preswylwyr yn ailgylchu.

Y newidiadau arfaethedig i’n gwasanaethau ailgylchu yw:

  • casgliad newydd wythnosol ar gyfer deunyddiau y gellir eu hailgylchu fel papur, gwydr, caniau a phlastig
  • casgliad wythnosol ar gyfer gwastraff bwyd
  • casgliad newydd bob pythefnos ar gyfer dillad ac eitemau trydanol bychan

BinsGyda 64% o wastraff yn cael ei ailgylchu’n barod a chyda casgliad ailgylchu wythnosol gyda mwy o le, ychydig iawn o wastraff na ellir ei ailgylchu bydd ar ôl.

Felly mae’r Cyngor yn cynnig newid y casgliad o wastraff na ellir ei ailgylchu i bob pedair wythnos.  Yn hytrach na’r biniau du 140 litr presennol, bydd y Cyngor yn darparu biniau du mwy, newydd, 240 litr yn eu lle.

Ar y cyfan, bydd gan gartrefi 35  litr o le ychwanegol bob wythnos er mwyn rheoli eu gwastraff ond mi fydd y sylw ar ailgylchu, er mwy rhwystro deunyddiau a ellir eu hailgylchu rhag cael eu rhoi yn y bin du heb fod angen.  Mae hyn yn well i’r amgylchedd ac yn helpu i ddiogelu gwasanaethau rheng flaen bwysig eraill.

Mae’r Cyngor yn credu y bydd cynyddu maint y biniau i’r rhai mwy, newydd a chyflwyno casgliadau wythnosol ac ailgylchu, wedi’u cefnogi gan gasgliadau arbennig eraill, yn diwallu anghenion y preswylwyr.  

Gall y rhan helaeth o gartrefi yn Sir Ddinbych gael eu symud i’r drefn newydd.  Mae’r Cyngor wrthi’n adnabod y cartrefi hynny lle gall y drefn newydd fod yn anaddas.  Lle bo angen, gallai’r Cyngor gyflwyno modelau amgen o gasgliadau.

Dywedodd y Cynghorydd Brian Jones, Aelod Cabinet Arweiniol Priffyrdd, Cynllunio a Theithio Cynaliadwy: “Mae gan Sir Ddinbych un o’r cyfraddau ailgylchu gorau yng Nghymru. Mae mwy na 64% o wastraff yn cael ei ailgylchu. Diolch am wneud gwahaniaeth mawr.

“Fodd bynnag, mae angen i ni gyrraedd targed o 70% erbyn 2025 , ac mae trafodaethau yn mynd rhagddynt i gael targedau uwch, o bosib 80% yn y dyfodol.  Felly, mae angen cymryd camau i ddatblygu’r model cywir ar gyfer Sir Ddinbych a gwastraffu llai.   I wneud hynny, rydym eisiau deall anghenion ailgylchu pobl, clywed am unrhyw effaith posibl y gall y newidiadau hyn ei gael ar gartrefi a gweithio gyda chymunedau i reoli’r newidiadau arfaethedig.

“Rydym yn hyderus y gall cartrefi Sir Ddinbych wynebu'r her, ond mae rhai sefyllfaoedd lle gall hyn fod yn anoddach. Felly, rydym yn edrych ar gasgliadau clytiau; biniau ychwanegol ar gyfer teuluoedd mwy a pharhau i gynnig casgliadau cymorthedig i’r rhai sydd eu hangen.

“Dros yr wythnosau nesaf, bydd staff y Cyngor yn mynd o amgylch ein cymunedau, lle bydd cyfle i bobl glywed yr hyn a gynigir a siarad gyda swyddogion yn uniongyrchol.  Byddwn yn trefnu ystod eang o brosiectau addysgol i gefnogi trigolion gyda ymdrechion ailgylchu.  Bydd manylion yn ymddangos ar safleoedd cyfryngau cymdeithasol y Cyngor, ar y wefan ac yn y cyfryngau.

Mae’r Cyngor hefyd yn annog preswylwyr i gwblhau arolwg ar-lein ar www.sirddinbych.gov.uk/ailgylchumwy fel y gall ddeall patrymau ailgylchu pobl a pha gamau sydd eu hangen i baratoi pobl ar gyfer y newidiadau arfaethedig. Gellir dod o hyd i gopïau o’r arolwg mewn llyfrgelloedd, canolfannau hamdden a prif dderbynfeydd ar draws y sir.

Gellir hefyd dod o hyd i gwestiynau cyffredin a manylion o oriau agor parciau ailgylchu, ynghyd â rhestr gyflawn o ba eitemau a ellir eu hailgylchu ar y wefan: www.sirddinbych.gov.uk/ailgylchumwy

Byddai’r Cyngor yn disgwyl cyflwyno’r drefn newydd yn ystod 2020. 

Ardal o Harddwch Naturiol Eithriadol

Y Gylfinir Cymreig angen eich cymorth!

Y Gylfinir yn un o rywogaethau adar mwyaf eiconig Prydain. Mae ei gân groyw ac atgofus yn sŵn cyfarwydd; yn gennad Gwanwyn sydd yn gynhenid o fewn ein diwylliant.Welsh Curlew

Yn anffodus, mae’r Gylfinir o dan fygythiad difrifol, ac yn wynebu dyfodol ansicr trwy gydol Cymru ac mae’n prysur brinhau.

Mae tystiolaeth yn awgrymu bod Cymru wedi colli dros 80% o’i gylfinirod bridio ers 1990au. Efallai bod cyn lleied o 400 o barau bridio ar ôl yng Nghymru heddiw, ac erbyn hyn dyma flaenoriaeth gadwraeth adar mwyaf dybryd yn y DU. Cafodd ei roi ar ‘Restr Goch’ Adar o Bryder Cadwraethol Cymru a’r DU (BoCC).

Heb ymyrraeth, mae lle i gredu y gallai Gylfinirod bridio ddiflannu o dirlun Cymru o fewn pymtheg mlynedd gyda’r gyfradd bresennol o ostyngiad. Mae angen i ni weithredu rŵan i'w atal rhag bod ar ei ffordd i ddifodiant.

Sut allwch chi helpu?

Mae’n hanfodol gwybod lle mae’r Gylfinirod. Rydym angen cymaint o gofnodion ag sy’n bosibl i wybod lle mae’r Gylfinirod yn ystod y tymor bridio (rhwng Ebrill a Mehefin). Os fyddwch chi’n dod ar draws unrhyw ylfinirod - neu os ydych chi wedi gweld neu glywed rhai dros yr ychydig fisoedd diwethaf, gadewch i ni wybod.

Os ydych chi eisiau dysgu mwy, anfonwch e-bost at Vicky Knight o AHNE Bryniau Clwyd a Dyffryn Dyfrdwy, vicky.knight@sirddinbych.gov.uk neu ffoniwch 01824 712729.

Wythnos eithriadol ym mis Medi

Friends of the Clwydian RangeMae mis Medi erioed wedi bod yn fis eithriadol yn ein cefn gwlad wrth i’r cynhaeaf gael ei gasglu’n ddiogel, coed a dolydd yn dechrau troi’n lliwiau hydrefol, yr awyr yn cynnig palet llawn o arlliwiau, mwg coelcerthi’n aros yn awyr y nos a thawelwch croesawgar i ymwelwyr. Mae mis Medi yma fodd bynnag, yn addo i fod hyd yn oed yn fwy eithriadol!

Mae Teulu’r Ardal o Harddwch Naturiol Eithriadol wedi cydweithio i drefnu rhaglen o ddigwyddiadau wythnos o hyd (ac ychydig mwy), a chael eu hysbrydoli gan Ardaloedd o Harddwch Naturiol Eithriadol Prydain (AHNE).

Mae’r digwyddiadau yn dechrau ddydd Sadwrn 15 Medi ac yn parhau tan ddydd Sul 23 Medi, ac mae'r digwyddiadau i'w gweld ar http://www.landscapesforlifeevents.org.uk/.

I ddathlu’r Wythnos Eithriadol, mae Ardal o Harddwch Naturiol Eithriadol Bryniau Clwyd a Dyffryn Dyfrdwy yn arwain 3 taith gerdded ar hyd pob darn o Safle Treftadaeth y Byd Traphont Ddŵr Pontcysyllte a Chamlas Llangollen. Bydd y cyfanswm o 11 milltir yn cael eu cerdded dros dridiau. Bydd pob taith gerdded yn mynd allan ac yn dychwelyd ar lwybr llusgo'r gamlas sy'n wastad ac yn addas i bawb. Os byddwch yn cwblhau’r dair daith gerdded, byddwch yn teithio tua 22 milltir! Fel arall, mae rhai o’r teithiau’n hygyrch i o leiaf ddychwelyd rhan o’r ffordd ar gludiant cyhoeddus. Bydd y teithiau cerdded yn cael eu harwain gan Swyddog yr AHNE a’u cefnogi gan Gyfeillion Bryniau Clwyd a Dyffryn Dyfrdwy (http://www.friends.cymru/).

Cliciwch ar y ddolen isod i lawrlwytho eich copi o ‘O Gwmpas’ http://www.clwydianrangeanddeevalleyaonb.org.uk/digwyddiadau/

TAITH 1 Dydd Llun 17 Medi Cyfarfod:  10am

Maes Parcio Grîn Llantysilio (talu ac arddangos)

GR 198 433 (tua 8 milltir)

TAITH 2 Dydd Mercher 19 Medi Cyfarfod:  10am

Tu allan i Ganolfan Wybodaeth y Draphont Ddŵr

Tua 6 milltir

TAITH 3 Dydd Gwener 21 Medi Cyfarfod:  10am

Tu allan i Ganolfan Wybodaeth y Draphont Dŵr

GR 271 422 (tua 8 milltir)

 

 

 

Llenwch eich blwyddyn gyda hwyl teuluol cyfeillgar!

Mae O Gwmpas yn AHNE Bryniau Clwyd a Dyffryn Dyfrdwy a Chefn Gwlad Sir Ddinbych allan!Out and About Cover Welsh

Mae ein rhaglen ar gyfer 2018 yn cynnig amryw o ffyrdd i fwynhau tirlun godidog a threftadaeth cefn gwlad anhygoel y sir. O deithiau cerdded i glybiau ar ôl ysgol, mae yna rywbeth at ddant pawb.

Wyddoch chi fod yr awyr mewn rhannau o Fryniau Clwyd ymysg y tywyllaf yn y DU? Os hoffech ganfod mwy am yr Awyr Dywyll pam nad ewch i un o’r llu o ddigwyddiadau yn ein rhaglen, o deithiau cerdded Ystlumod i Wibfeini a’r Nos.

Pam na roddwch her i chi eich hun a chymryd rhan yn Her y Mynydd at y Môr? Mae Gwasanaeth Cefn Gwlad Sir Ddinbych wedi llunio cyfres o deithiau cerdded a ddechreuodd gyda chyflwyniad yn Llyn Brenig. Byddwn nesaf yn archwilio pwyntiau amrywiol ar hyd yr Afon Clwyd wrth iddi lifo ar hyd cwrs 35 milltir, gan ostwng 1,200 troedfedd i’r traeth enwog yn y Rhyl.

Monitro Gloÿnnod Byw

Mae Ardal o Harddwch Naturiol Eithriadol Bryniau Clwyd a Dyffryn Dyfrdwy wedi bod ar genhadaeth i fonitro ein gloÿnnod byw.Butterflies 1

Mae monitro gloÿnnod byw yn bwysig oherwydd y gellir defnyddio’r data a gesglir i fesur llwyddiant rheolaeth cynefinoedd lleol. Mae cylch bywyd gloÿnnod byw yn un cyflym iawn ac maent yn hynod sensitif i amodau amgylcheddol.  Mae eu dibyniaeth ar rywogaethau penodol o blanhigyn a chynefinoedd yn rhoi syniad da i ni o’r mannau lle mae angen i ni gyfeirio ein hymdrechion cadwraeth ac asesu llwyddiant gwaith cadwraeth sydd eisoes yn digwydd. 

Enghraifft dda o rywogaeth o löyn byw sy’n ddibynnol ar ei gynefin a’r rhywogaethau eraill yn y cynefin hwnnw yw’r glöyn byw glas cyffredin.

Bydd gloÿnnod yw cyffredin yn dodwy eu hwyau ar blanhigyn bwyd eu lindys, fel arfer y feillionen hopysaidd gyffredin. Ymhen tua 8 diwrnod bydd yr wyau yn deor a bydd y lindys yn bwydo ar y planhigyn hwn.

Tra bydd y lindys yn bwydo, bydd yn secretu melwlith sy’n denu morgrug. Yn gyfnewid am y cyflenwad cyson o felwlith bydd y morgrug yn diogelu’r lindys rhag ysglyfaethwyr.  Ar ôl tu 6 wythnos bydd y lindys yn troi’n grysalis ar y ddaear neu wrth droed ei blanhigyn bwyd.  Bydd morgrug sy’n dod o hyd i’r crysalis yn aml iawn yn ei gladdu, sydd unwaith eto yn ei ddiogelu rhag ysglyfaethwyr.

Ar ôl pythefnos bydd glöyn byw yn dod allan o’r crysalis fel oedolyn. Byddant yn paru a bydd y cylch yn dechrau eto. Dim ond am tua 3 wythnos y bydd glöyn byw o’r rhywogaeth hwn yn byw.

Heb y feillionen hopysaidd a’r morgrug ni fyddai’r math hwn o löyn byw yn gallu goroesi.

Mae arolygon gloÿnnod byw yn cael eu cynnal ym Mharc Gwledig Loggerheads a Gwarchodfa Natur Bryniau Prestatyn.Butterflies 2

Sefydlwyd llwybr arolygu Loggerheads ym mis Chwefror 2017 a chafodd ei fonitro drwy gydol y tymor. Cofnodwyd 22 o wahanol rywogaethau gyda 3 ohonynt yn Rhywogaethau Pwysig Iawn.

Sefydlwyd llwybr arolygu bryniau Prestatyn ddiwedd 2017. Cafodd pobl leol eu hyfforddi ac mae’r llwybr yn awr yn cael ei fonitro gan wirfoddolwyr.  Bydd y data a gesglir yn cael ei ddadansoddi ddiwedd tymor 2018. 

Y gobaith yw y caiff rhagor o lwybrau arolygu eu sefydlu yn yr AHNE gan wirfoddolwyr wedi’u hyfforddi. Mae dechrau cynnwys gwirfoddolwyr wedi gwneud yr arolygu yn fwy cynaliadwy ac wedi addysgu cynulleidfa newydd am bwysigrwydd ein gloÿnnod byw hardd.

Os oes gan unrhyw un ddiddordeb mewn arolygu gloÿnnod byw yn eu hardal, cysylltwch â Vicky Knight trwy e-bost Vicky.knight@sirddinbych.gov.uk

Hyfforddiant Codi Waliau Cerrig Sychion

Dry Stone Walling 

Oes gennych chi ddiddordeb mewn sut i godi waliau cerrig sychion?

Eleni fe fyddwn yn cynnal cyfres o gyrsiau hyfforddi am ddim i ddysgu sut i godi waliau cerrig sychion a sgiliau gwledig eraill, a hynny o ganlyniad i gyllid gan Cadwyn Clwyd.

Bydd y rhan fwyaf o’r cyrsiau yn cael eu cynnal yn ardal Corwen, ond byddant hefyd yn cael eu cynnal ar Foel Famau ac yn Rhuddlan. Byddant yn rhoi cyfle i ddechreuwyr llwyr neu rai sy’n fwy profiadol mewn codi waliau i ddod draw i hogi eu sgiliau. Bydd y cyrsiau’n cael eu harwain gan hyfforddwyr sydd wedi cymhwyso mewn codi waliau cerrig sychion a byddant fel arfer yn rhedeg am 3 diwrnod ar y tro – gallwch aros cyhyd neu am gyfnod mor fyr ag y dymunwch. Dewch â’ch cinio a’ch diodydd eich hun os gwelwch yn dda a sicrhewch fod gennych ddillad addas (gan gynnwys dillad glaw / hetiau). Dylid gwisgo esgidiau gyda blaen dur os yn bosibl.

Os hoffech gael rhagor o wybodaeth ffoniwch Ros Stockdale os gwelwch yn dda ar 01824 712794 neu e-bostiwch ros.stockdale@sirddinbych.gov.uk

Mae’r prosiect LEADER hwn yn rhan o Raglen Datblygu Gwledig – Cymunedau Gwledig Llywodraeth Cymru 2014 – 2020, sydd wedi ei gyllido gan Lywodraeth Cymru a Chronfa Amaethyddiaeth Ewrop ar gyfer Datblygu Gwledig.

Bryniau ClwydCadwyn ClwydWelsh Government

O Gwmpas 2018

Mae llyfryn rhaglen gweithgareddau AHNE Bryniau Clwyd a Dyffryn Dyfrdwy a Gwasnaethau Cefn Gwlad y Cyngor Sir ar gael mewn print ac ar lein yma ...http://www.clwydianrangeanddeevalleyaonb.org.uk/digwyddiadau/AONB Welsh

Os ydych angen copiau, cysylltwch gyda Pharc Gwledig Loggerheads ar 01824 712738 neu ebostiwch ceri.lloyd@sirddinbych.gov.uk

 

Twristiaeth

Beth sy'mlaen yn Sir Ddinbych? Peidiwch a methu dim!

Mae sawl peth yn digwydd yn Sir Ddinbych. Beth sydd ymlaen

Mae’r canllaw Beth Sydd Ymlaen yn rhoi’r newyddion diweddaraf I chi ar ddigwyddiadau sy’n cael eu cynnal o arfordir prydferth Gogledd Sir Ddinbych I’r enwog Dyffryn Dyfrdwy a’r holl drefi marchnad ar y ffordd.

Bydd ein rhifyn nesa yn cynnwys digwyddiadau yn mis Hydref 2018 yn cynnwys yr anhygoel Gwyl Fwyd Llangollen. Bydd modd I chi lawrlwytho’r rhifyn digidol arbenning hwn o’n gwefan yn syth I’ch dyfais, am fisoedd gaeaf ni fydd y fersiwn argraffedig arferol ar gael, felly gwnewch yn siŵr eich bod wedi cael eich fersiwn digidol. Ar gael o www.discoverdenbighshire.wales/symlaen

Ac os ydych chi’n dilyn ein cyfryngau cymdeithasol byddwch yn cael yr hysbysiadau arferol ynghylch ein digwyddiadau i ddod.

Oherwydd nid ydym eisiau i chi methu dim.

Ysbrydoliaeth gwyliau’r haf

Summer Activites

Edrych am ddigwyddiadau a mannau i ymweld â nhw dros wyliau’r haf?

Ewch i www.northeastwales.wales am syniadau ar bethau i'w gwneud a'r digwyddiadau diweddaraf ar draws Gogledd Ddwyrain Cymru.

Ar gyfer digwyddiadau a syniadau am ddyddiau allan yn Sir Ddinbych ewch i www.discoverdenbighshire.wales

Gobeithio y cewch wyliau’r haf gwych yn chwilio o amgylch ein hardal brydferth!

Fforwm Twristiaeth - cadwch y dyddiad!

Oes gennych chi ddiddordeb mewn twristiaeth?

Mae Fforwm a sefydlwyd i ddarparu gwybodaeth gyfredol i fusnesau twristiaeth, myfyrwyr ac unrhyw un â diddordeb mewn twristiaeth am y datblygiadau diweddaraf yn y diwydiant yn cael ei gynnal fis Hydref.

Cynhelir Fforwm Twristiaeth nesaf Sir Ddinbych ar ddydd Mercher 10fed Hydref yng Ngwesty’r Oriel House, Llanelwy.

Mae’r digwyddiad am ddim hwn yn cynnig cyfle gwych i gynrychiolwyr rwydweithio a rhannu profiadau, gwybodaeth a syniadau.

Manylion pellach a manylion archebu lle i ddilyn.

Ewch ar ein tudalen Facebook (@DiscoverDenbighshire) a Twitter (@DiscoverDenbs) am holl ddiweddariadau twristiaeth. Neu, gallwch ymuno â’n rhestr bostio am ddim i dderbyn y diweddariadau twristiaeth busnes diweddaraf – anfonwch ebost at tourism@denbighshire neu ffoniwch 01824 706223.

Taflenni twristiaeth am ddim yn uniongyrchol i’ch drws

Oes gennych chi fusnes?Distribution

Hoffech chi ddarparu taflenni twristiaeth am dim i’ch gwesteion / ymwelwyr. Mae taflenni’n cynnwys Llwybrau Tref, Canolfan Grefft Rhuthun, Beth sy’n Digwydd a Thaflen Treftadaeth Sir Ddinbych.

Cysylltwch â’r Tîm Twristiaeth am fwy o fanylion – twristiaeth@sirddinbych.gov.uk neu ffoniwch 01824 706223.

Edrych am antur i’r teulu?

Mythfest Welsh

Mae MythFest Wales yn antur hud, awyr agored, sy’n ymdrochi teuluoedd mewn straeon, cerddoriaeth a chrefftau naturiol yn seiliedig ar chwedlau Cymru.

Mae’r theatr unigryw, byw i’r teulu hwn yn cael ei gynnal ddydd Sul, 16 Medi yng Nghlocaenog a dydd Sul, 30 Medi yn Llaneurgain.

Dywedodd Vanessa Warrington, Rheolwr Prosiect MythFest, “Mae MythFest Wales yn ddigwyddiad cyffrous i’r teulu. Rydym wedi cymysgu rhai o’n hoff bethau; theatr awyr agored, adrodd straeon, cymeriadau gwallgof a thechnegau ysgol y goedwig i ddod ag antur hud i chi.”

Am fwy o wybodaeth ac i archebu tocynnau, ewch i: http://www.mythfestwales.co.uk/

Adran Busnes

Prosiect i helpu pobl yn ôl i waith yn cael ei lansio gan y Cyngor

Trechu tlodi drwy helpu pobl yn ôl i waith oedd canolbwynt digwyddiad lansio arbennig yn ddiweddar.

Mae'r Cyngor wedi lansio Sir Ddinbych yn Gweithio sy’n cynnwys prosiectau OPUS, ADTRAC a Chymunedau dros Waith.

Maent yn cefnogi preswylwyr 16 oed a throsodd sydd bellaf o’r farchnad lafur yn ôl i addysg, cyflogaeth a hyfforddiant, sydd i gyd yn flaenoriaethau allweddol yng Nghynllun Corfforaethol newydd y Cyngor.

Roedd y digwyddiad, a gynhaliwyd yng Nghanolfan yr Optic yn Llanelwy ar Ebrill 12, yn arddangos y prosiectau i dros 100 o bobl oedd yn bresennol o sefydliadau perthnasol gan ddarparu gwybodaeth am gymorth cyflogadwyedd.

Working Denbighshire

Dywedodd y Cynghorydd Hugh Evans OBE, Arweinydd y Cyngor: “Mae’r Cyngor wedi ymrwymo i ddull newydd o ddatblygu a chreu cymunedau cryf ar draws yr ardaloedd mwyaf difreintiedig, gyda ffocws mwy llym ar drechu tlodi drwy ddarparu cymorth sy’n helpu pobl i waith, yn symud rhwystrau i gyflogaeth ac yn rhoi’r dechrau gorau mewn bywyd i blant.

“Fel rhan o’r blaenoriaethau a gaiff eu cynnwys yn ein Cynllun Corfforaethol, rydym yn anelu i gynnig y cyfle i ddatblygu sgiliau ar gyfer bywyd a gwaith gan sicrhau fod Sir Ddinbych yn lle y mae preswylwyr a busnesau yn gryf ac yn cysylltu'n dda ac â chyfleoedd i gael sgiliau a swyddi, gan arwain at fywydau llwyddiannus a boddhaus.”

Caiff ADTRAC, Cymunedau dros Waith ac OPUS eu cyllido’n rhannol gan Gronfa Gymdeithasol Ewrop drwy Lywodraeth Cymru.

Dywedodd Mark Drakeford, ysgrifennydd cyllid Llywodraeth Cymru: “Mae Llywodraeth Cymru yn benderfynol o helpu pobl i gael gafael ar y sgiliau a’r hyfforddiant y maent eu hangen i gael swydd o ansawdd dda. Mae’r prosiectau hyn yn enghreifftiau pellach o ba mor bwysig fu cyllid Ewropeaidd i Gymru ac yn dangos pa mor bwysig yw i Lywodraeth Prydain sicrhau fod cyllid ar gael yn ei le ar ôl Brexit fel y gallwn barhau i gefnogi pobl a'u helpu i sicrhau dyfodol llewyrchus."

Os oes angen unrhyw wybodaeth bellach neu gymorth arnoch cysylltwch â sirddinbychyngweithio@sirddinbych.gov.uk

Ydych chi wedi cofrestru eich eiddo ac adeiladau busnes bwyd?

Yn ôl Cyfraith Bwyd mae’n ofynnol i bob safle bwyd fod wedi ei gofrestru gyda'n Tîm Diogelwch Bwyd. Mae yna ddirwy o hyd at £5,000 am y drosedd o beidio â chofrestru eich safle bwyd.Food Safety

Pwy sydd angen cofrestru?

Os ydych chi’n rhedeg sefydliad bwyd sy’n darparu unrhyw fath o fwyd i’r cyhoedd (drwy werthu neu beidio) mae’n rhaid i chi ddweud wrthym am unrhyw safle y byddwch yn ei ddefnyddio ar gyfer storio, gwerthu, dosbarthu neu baratoi’r bwyd a ddarparwch chi e.e. caffis, cantîn staff, gwely a brecwast, stondinau marchnad a stondinau eraill, arlwywyr cartref, masnachwyr symudol, busnes dros dro neu achlysurol.

Pa bryd y bydd angen i mi gofrestru? 

Ewch i’n gwefan am fwy o wybodaeth.

Beth fydd yn digwydd i’r wybodaeth a roddir ar y ffurflen? Mae’n rhaid i chi ofalu fod gennym y gwybodaeth diweddaraf am eich sefydliad busnes bwyd ac mae’n rhaid ein hysbysu (yn ysgrifenedig fyddai orau) o fewn 28 diwrnod o unrhyw newid sylweddol mewn gweithgareddau, neu gau. Os bydd yna newid gweithredwr fe ddylai gweithredwr newydd y busnes bwyd hysbysu’r Cyngor o hynny.

Beth os byddaf i’n newid fy ngweithgareddau?

Mae’n ofynnol i ni gynnal rhestr o sefydliadau busnes bwyd sy’n gofrestredig â nhw a’i rhoi ar gael i’w harchwilio gan y cyhoedd yn gyffredinol ar bob adeg resymol. Bydd y rhestr yn cynnwys enw, cyfeiried a pha fath o fusnes bwyd ydi o.

Sut mae cofrestru?

Dylech gofrestru eich sefydliad busnes bwyd o leiaf 28 diwrnod cyn i’r gweithrediadau bwyd ddechrau.                

Addysg

Gwaith yn mynd rhagddo ar safle newydd ar gyfer Ysgol Carreg Emlyn

Mae gwaith wedi dechrau i ddatblygu ysgol safle sengl newydd ar gyfer Ysgol Carreg Emlyn, a leolir ar hyn o bryd ar ddau safle yn Clocaenog a Cyffylliog. Ysgol Carreg Emlyn

Bydd yr adeilad newydd wedi'i leoli ar safle newydd sbon gyferbyn â safle presennol Clocaenog.

Er mwyn nodi dechrau’r gwaith ar y safle, mynychodd disgyblion a staff yr ysgol ynghyd a Chynghorwyr a'r Cynghorau Cymuned ddigwyddiad torri’r dywarchen ar y safle.

Meddai’r Cynghorydd Huw Hilditch-Roberts, Aelod Arweiniol y Cyngor dros Addysg, Plant a Phobl Ifanc a’r Gymraeg: “Mae’r ffaith fod gwaith yn dechrau ar yr ysgol newydd yn newyddion ardderchog i ddisgyblion yn Ysgol Carreg Emlyn ac i genedlaethau’r dyfodol sy’n byw yng Nghlocaenog, Cyffylliog a’r ardaloedd o amgylch.

“Roedd yn wych gweld disgyblion, athrawon ac arweinwyr cymunedol yn ymuno ar gyfer torri’r dywarchen ar safle’r ysgol newydd.

“Rydym yn cydnabod bod hyn wedi bod yn hir yn digwydd, ond rydym yn gwireddu ein haddewid i fwrw ymlaen â’r cynlluniau uchelgeisiol hyn.

“Mae gwneud Sir Ddinbych yn lle y bydd pobl iau am fyw ynddo a sicrhau bod ganddynt y sgiliau i wneud hynny yn flaenoriaeth yn ein Cynllun Corfforaethol ac mae’r ysgol newydd hon yn ein helpu i gyflawni hyn.”

Yn ystod yr wythnosau nesaf bydd gwaith yn symud ymlaen i greu sylfeini'r adeilad a bydd y gwaith torri a llenwi y tir yn cael ei gyflawni i'r ardaloedd allanol. Mae'r prosiect yn cael ei ariannu gan y Cyngor Sir a Llywodraeth Cymru trwy ei Raglen Ysgolion a Rhaglen Gyfalaf Addysg yr 21ain Ganrif.

Wynne Construction yw'r prif gontractwyr a benodwyd i wneud y gwaith.

Gwaith adeiladu i ddechrau ar safle yr ysgol newydd 3-16 Catholig yn Y Rhyl

Mae gwaith galluogi wedi eu cwblhau gan Kier Construction ar safle yr ysgol newydd 3-16 Catholig yn Y Rhyl sydd yn agor y ffordd i’r prif waith adeiladu ddechrau. Mae’r lluniau isod yn dangos y cynnydd ar y safle a mae palisau wedi eu codi rhwng Ysgol Gatholig y Santes Fair ac Ysgol Gatholig y Bendigaid Edward Jones.

Catholic School

Bydd yr Esgobaeth Wrecsam a'r Cyngor Sir yn gweithio’n agos â’r ddwy ysgol i reoli’r cam hwn o’r prosiect er mwyn sicrhau fod y gwaith yn tarfu cyn lleied ag sy’n ymarferol bosib ar y disgyblion.

Bydd yr ysgol 3-16 newydd ar gyfer Esgobaeth Wrecsam yn cymryd lle Ysgol Mair / Ysgol Gynradd Gatholig y Santes Fair ac Ysgol Uwchradd Gatholig y Bendigaid Edward Jones. Bydd yr ysgol newydd yn ysgol Saesneg ar gyfer 420 o ddisgyblion llawn amser rhwng 3 ac 11 oed a 500 o ddisgyblion 11 i 16 oed.

Bydd y prosiect yn cael ei ariannu gan y Cyngor a Llywodraeth Cymru, drwy’r Rhaglen Gyfalaf i Sicrhau Addysg ac Ysgolion ar gyfer yr 21ain Ganrif.

Carreg filltir arbennig i Ysgol Llanfair DC

Mae seremoni torri tywarchen wedi nodi cam cyntaf adeiladu ysgol newydd ar gyfer Ysgol Llanfair Dyffryn Clwyd a ddechreuodd gael ei adeiladu ar y safle ar ddechrau mis Mehefin.

Bydd yr ysgol newydd yn cael ei adeiladu ar dir cyferbyn â Bryn y Clwyd, Llanfair gan ddefnyddio cyllid gan raglen Addysg ac Ysgolion ar gyfer yr 21ain Ganrif Llywodraeth Cymru, yn ogystal â buddsoddiad gan y Cyngor Sir.

Dywedodd y Cynghorydd Huw Hilditch-Roberts, Aelod Cabinet Arweiniol ar Addysg, Plant, Pobl Ifanc a’r Iaith Gymraeg: “Mae hwn yn ddiwrnod pwysig iawn yn hanes Ysgol Llanfair Dyffryn Clwyd.

“Rydym wedi cydnabod bod y cyfleusterau presennol wedi dyddio a’u bod gwir angen moderneiddio.  Mae pryderon hefyd wedi codi am brinder maes parcio, ardaloedd staff, ardaloedd cyhoeddus a hygyrchedd i’r ysgol, sydd wedi’i leoli ar ffordd brysur yr A525 yng nghanol y pentref. Dyma’r rheswm bod y Cyngor, sy’n gweithio mewn partneriaeth gyda Llywodraeth Cymru, wedi buddsoddi’n sylweddol yn y prosiect hwn ac rydym yn falch iawn o weld y gwaith yn dechrau.

“Mae hyn yn datgan cyfnod newydd i genedlaethau o ddisgyblion yn Llanfair Dyffryn Clwyd ac edrychwn ymlaen at weld cyfleusterau o’r radd flaenaf yn cael eu datblygu ar y safle dros y misoedd nesaf”.

Mae cynnydd gwych wedi bod ar y safle hyd yn hyn ac yn ystod yr wythnosau nesaf bydd cynnydd yn y gwaith tiroedd ar gyfer yr adeilad, maes parcio a maes chwarae newydd.

Cronfeydd cymunedol i'w hennill ar gyfer prosiectau addysg

Mae cyfanswm o £70,000 o gyllid wedi'i godi ar gyfer prosiectau addysgol yn Sir Ddinbych a gwahoddir ceisiadau yn awr.Community Foundation in Wales

Bydd cronfa addysg ar gyfer Dinbych a'r cyffiniau a chronfa ar wahân ar gyfer cymunedau ehangach Sir Ddinbych yn cefnogi addysgu unigolion a mentrau addysg penodol sy'n cefnogi grwpiau i gynnwys:

  • Prosiectau sy'n cefnogi'r addysgol cyrhaeddiad / datblygiad plant a phobl ifanc 11-25 oed;
  • Prosiectau mewn ysgolion/colegau sy'n cefnogi hyfforddiant galwedigaethol, materion iechyd a byw'n iach; a
  • Prosiectau cynhwysiant addysg gyda chymorth i fyfyrwyr unigol drwy fwrsariaethau, ysgoloriaethau, cymorth teithio ac ati.

Ar gyfer Cronfa Dinbych, mae myfyrwyr rhwng 11 a 25 oed sydd ar hyn o bryd yn byw yn Ninbych neu yn ardaloedd Nantglyn, Henllan, Bodfari, Aberchwiler, Llandyrnog, Llanrhaeadr yng Nghinmeirch, Llanynys, Llanefydd a Llansannan yn gymwys i ymgeisio, fel elusennau, grwpiau a sefydliadau sy'n rhedeg prosiectau a gweithgareddau er budd plant a phobl ifanc yn y cymunedau hyn.

Dywedodd y Cynghorydd Mark Young, Aelod Arweiniol y Cabinet dros Safonau Corfforaethol, ac sydd hefyd yn aelod o banel y gronfa addysg: "Rydyn ni i gyd yn gwybod bod addysg yn gwella ac yn newid bywydau felly mae'n bwysig iawn ein bod ni'n dyrannu'r arian hwn sydd ar gael i helpu plant a phobl ifanc yn yr ardal.

"Byddwn yn gofyn i'r gymuned roi eu syniadau ar brosiectau hyfyw a dod o hyd iddynt, er mwyn sicrhau ein bod yn defnyddio'r holl arian sydd ar gael ac i wneud hynny'n ddoeth fel bod pobl ifanc yn gallu elwa ar y pot arian a ddyrannwyd inni."

Am ragor o wybodaeth, cysylltwch â'r sefydliad cymunedol yng Nghymru, ar 02920 379580 neu e-bostiwch:  info@cfiw.org.uk

Cynllun Addysg Gymraeg wedi cael sêl bendith

Mae’r Cabinet wedi cymeradwyo cynlluniau i ddatblygu addysg Cyfrwng Cymraeg yn y sir dros dair blynedd.

Mae Llywodraeth Cymru hefyd wedi cymeradwyo Cynllun Strategol Cymraeg mewn Addysg (2017-2020) Sir Ddinbych, sy’n nodi sut bydd y Cyngor yn ceisio cyrraedd targedau a osodwyd yn genedlaethol.

Mae’r Cynllun yn nodi sut bydd yr awdurdod yn:

  • Sicrhau a datblygu digon o leoedd cyfrwng Cymraeg mewn ysgolion ledled y Sir
  • Cefnogi’r cynnydd mewn sgiliau cyfathrebu ar lafar a sgiliau deall Cymraeg ym mhob lleoliad blynyddoedd cynnar
  • Codi'r safon a chynyddu faint o Gymraeg a addysgir mewn ysgolion cyfrwng Saesneg
  • Cynyddu cyfran y dysgwyr sy’n astudio’r Gymraeg fel iaith gyntaf
  • Gwella cyraeddiadau yn y Gymraeg ac mewn pynciau a astudir drwy gyfrwng y Gymraeg ym mhob cyfnod allweddol ym mhob ysgol
  • Datblygu gweithlu cynaliadwy er mwyn cynnal darpariaeth y dyfodol

Meddai'r Cynghorydd Huw Hilditch-Roberts, Aelod Cabinet Arweiniol Addysg, Plant a Phobl Ifanc a’r Gymraeg: “Mae gwella ansawdd addysg ac ansawdd ein hadeiladau ysgol yn dal i fod yn flaenoriaeth allweddol i’r Cyngor ac rydym wedi buddsoddi’n sylweddol mewn addysg cyfrwng Cymraeg dros y blynyddoedd diweddar, a gellir gweld manteision hyn ar draws y sir.

“Rydym am i holl blant a phobl ifanc y Sir adael addysg llawn amser gyda’r gallu a’r hyder i ddefnyddio'r Gymraeg a'r Saesneg.

“Rydym hefyd wedi gwneud ymrwymiad cadarn drwy Strategaeth Iaith Gymraeg y Cyngor i barhau i ganolbwyntio ar addysg cyfrwng Cymraeg a gweithio’n ddiflino i chwarae ein rhan o ran cyfrannu at darged Llywodraeth Cymru i sicrhau miliwn o siaradwyr Cymraeg erbyn 2050”.

Daw’r Cynllun hwn yn dilyn cyhoeddi adroddiad arolygu Estyn o wasanaethau addysg y sir, a oedd yn canmol dull y Cyngor o ddatblygu gwasanaethau drwy gyfrwng y Gymraeg.  Roedd wedi canfod: “Mae cynlluniau’r awdurdod ar gyfer cynyddu canran y dysgwyr mewn darpariaeth cyfrwng Cymraeg yn briodol uchelgeisiol, yn unol â’r targedau i gynyddu canran y pynciau a addysgir trwy gyfrwng y Gymraeg mewn ysgolion sy’n addysgu llai na 50% ar hyn o bryd. Mae digon o leoedd ym mhob sector ar gyfer dysgwyr sy’n dewis addysg cyfrwng Cymraeg.”

Newyddion

Cyfarfod y Prif Weithredwr newydd

Dyma'r Prif Weithredwr yn siarad yn ei blog cyntaf ..........

 

£90 miliwn o fuddsoddiad i ysgolion Sir Ddinbych

Mae buddsoddiad o £90 miliwn i ysgolion y Sir wedi gweld mwy na 3,500 o ddisgyblion yn elwa o gyfleusterau gwell.Matt\'s article on schools

Mae cam cyntaf rhaglen Ysgolion yr 21ain Ganrif Llywodraeth Cymru a'r Cyngor wedi gweld ysgolion newydd yn cael eu hadeiladu yn ogystal ag ail-ddatblygu sylweddol o safleoedd presennol gyda chwarter o ddisgyblion y sir yn gweld trawsnewid yn eu profiad addysgu.

Mae cam cyntaf y rhaglen wedi gweld ysgol newydd gwerth £24 miliwn gyda 1,200 o lefydd ar gyfer Ysgol Uwchradd Y Rhyl ac Ysgol Tir Morfa, estyniad ac adnewyddu Ysgol Glan Clwyd yn Llanelwy gwerth £16.5m, a safle newydd ar y cyd gwerth £10.5 miliwn i Ysgol Stryd y Rhos ac Ysgol Pen Barras yn Rhuthun.

Mae gwaith arall yn cynnwys estyniad ac adnewyddu saith ystafell ddosbarth gwerth £3.5m gydag ardal dderbynfa a neuadd newydd yn Ysgol Gymunedol Bodnant, Prestatyn yn ogystal ag estyniad ac adnewyddu tair ystafell ddosbarth gwerth £1.4m yn Ysgol Bro Dyfrdwy, Cynwyd.

Mae gwaith bellach wedi’i ddechrau ar y tri prosiect olaf yn y cam cyntaf, adeiladu ysgol newydd gwerth £5m i Ysgol Carreg Emlyn, Clocaenog, adeiladu ysgol newydd gwerth £5.3m i Ysgol Llanfair ynghyd â’r Ysgol Gatholig 3-16 yn y Rhyl gwerth £23m.

Mae ail gam o’r rhaglen genedlaethol sydd i’w ddechrau ym mis Ebrill y flwyddyn nesaf ar hyn o bryd yn y cam datblygu ar ôl i’r amlinelliad strategol gael ei gymeradwyo gan Lywodraeth Cymru ym mis Tachwedd.

Bydd y ffocws bellach ar ddatblygu prosiectau unigol am gyllid.

Meddai’r Cynghorydd Huw Hilditch Roberts, Aelod Arweiniol Addysg, Plant a Phobl Ifanc: “Mae’r buddsoddiad wedi altro’r amgylchedd addysgu yn llwyr i filoedd o ddisgyblion. Mae dysgu disgyblion mewn ystafelloedd hen ffasiwn wedi hen fynd a bellach mae ganddyn nhw ardaloedd pwrpasol a newydd sy’n ateb y gofynion.

“Mae’r dystiolaeth eisoes yn dangos fod hyn wedi newid ymateb y disgyblion i ddysgu ac yn eu helpu nhw i gyflawni mwy nag erioed yn yr ysgol.

“Mae gwneud yn siŵr fod gan bobl ifanc y sgiliau cywir yn flaenoriaeth allweddol o'n Cynllun Corfforaethol a byddwn yn parhau i fuddsoddi yn ysgolion y sir wrth i ni edrych tuag at y cam nesaf o raglen Ysgolion y 21ain Ganrif gyda Llywodraeth Cymru.”

Mae contractwyr sydd wedi bod yn gweithio ar yr ysgolion sef Willmott Dixon, Reed Construction, Wynne Construction a Kier Construction wedi bod yn defnyddio cadwyni cyflenwi a gweithwyr lleol i wneud y gwaith.   Fel rhan o hynny mae yna bwyslais ar gaffael canran uchel o wariant o fewn yr ardal leol ac mae nifer fawr o isgontractwyr lleol yng Ngogledd Cymru wedi cael eu cyflogi i helpu gyda chyflawni’r prosiectau hyn. 

Penderfyniad wedi'i wneud ar ddyfodol Canolfan Dydd Hafan Deg

Mae gweithrediad canolfan gofal dydd yn y Rhyl wedi’i drosglwyddo i ddarparwr gofal.Hafan Deg

Gwnaeth Cabinet y Cyngor gyfarfod ar 24 Ebrill i drosglwyddo’r gwaith o redeg Canolfan Dydd Hafan Deg, sy’n darparu gweithgareddau a grwpiau i’r henoed, i’r cynigydd a ffefrir ar gyfer y contract, KL Care.

Mae’r Cyngor wedi dilyn proses dendro i ddod o hyd i gontractwr a allai ddangos sut gallai gwasanaethau o Hafan Deg gynyddu nifer y bobl sy’n gallu aros yn eu cartrefi am gyfnod hwy, cynyddu nifer y bobl hŷn sy’n cael rhyngweithio cymdeithasol yn ogystal â’r mathau o wasanaethau sydd ar gael.

Dywedodd y Cynghorydd Bobby Feeley, Aelod Arweiniol Lles ac Annibyniaeth Sir Ddinbych: “Mae diogelu dyfodol Hafan Deg a chynyddu’r cyfleoedd a’r manteision i bobl hŷn sy’n defnyddio’r ganolfan yn flaenoriaeth i’r Cyngor.

“Bydd trosglwyddo’r safle i’r cynigydd a ffefrir yn caniatáu parhad gwasanaethau gofal dydd yn yr adeilad a galluogi asiantaethau trydydd sector i ddarparu gweithgareddau ymyrraeth gynnar i bobl hŷn sy’n lleihau arwahanrwydd cymdeithasol, cefnogi annibyniaeth a hyrwyddo cadernid.

“Dan ein Cynllun Corfforaethol, mae’r Cyngor wedi’i gwneud yn flaenoriaeth i gefnogi unigolion i ddatblygu cadernid, gan eu galluogi i aros adref, wedi’u cysylltu â’u cymunedau a’u cefnogi mewn amgylchedd deniadol ac mae diogelu a gwella gwasanaethau yn Hafan Deg yn helpu preswylwyr i wneud hynny.”

Cynhaliwyd ymgynghoriad cyhoeddus ar ddyfodol y safle eisoes, ac roedd ymatebion yn bwydo i mewn i gynlluniau.

Fel rhan o fanyleb y contract, disgwylir i’r darparwr ddatblygu Fframwaith Sicrhau Ansawdd cadarn a bydd y Cyngor yn gofyn am adborth gan deuluoedd, budd-ddeiliaid a staff.

Mae’r cytundeb am ddechrau o Mis Medi.

Mae KL Care Limited yn ddarparwr gofal cartref wedi’i gymeradwyo gan Arolygiaeth Gofal a Gwasanaethau Cymdeithasol Cymru yn ardaloedd Sir Ddinbych a Chonwy.

Newyddion da ar gyfer deiliaid bathodynnau glas

Os ydych chi'n ddeiliad bathodyn glas yn byw yn Sir Ddinbych, fe fyddwch nawr yn gallu parcio ym meysydd parcio cyhoeddus y Cyngor am awr ychwanegol.Blue Badges

Yr ydym yn rhoi yr awr ychwanegol ar ben yr amser sy'n dod i ben wedi'i argraffu ar eich tocyn talu ac arddangos.

Ystyrir yr awr ychwanegol fel "addasiad rhesymol" o dan Ddeddf Cydraddoldeb 2010 ac fe'i gweithredwyd hefyd gan rai cynghorau eraill sy'n codi tâl am ddeiliaid bathodyn glas am barcio.

Bydd swyddogion gorfodi sifil sy'n gweithio mewn maes parcio yn caniatáu awr ychwanegol i'r amser a ddangosir.

Nid yw'n hanfodol i ddeiliaid bathodynnau glas barcio mewn bae anabl i dderbyn yr awr ychwanegol. Fel arfer, mae mwyafrif y deiliaid bathodyn glas yn parcio mewn mannau anabl gan fod llefydd fel arfer ar gael ac maent fel arfer yn agosach at fynedfeydd i gerddwyr. Fodd bynnag, os nad oes lleoedd ac mae angen iddynt barcio mewn mannau parcio eraill, bydd yr awr ychwanegol yn berthnasol.

Edrychwn ymlaen i’r cynllun hwn ddechrau a byddwn yn monitro ei lwyddiant.

Am fwy o wybodaeth cyffredinol am y cynllun bathodyn glas, ewch i'n gwefan.

Arolwg trigolion – diolch yn fawr iawn

Hoffem ddweud diolch yn fawr iawn i'r rhai ohonoch a gwblhaodd ein harolwg trigolion.Thumbs Up Image

Ymatebodd mwy na 2,500 ohonoch ar nifer o faterion, gan gynnwys ansawdd gwasanaethau'r cyngor, byw mewn cymunedau ac adborth ar eich profiadau o ddelio â'r Cyngor.

Mae'r canlyniadau bellach yn cael eu dadansoddi a byddwn yn cyhoeddi'r canfyddiadau ar ôl yr haf.

Beth sydd ymlaen

Mwy o arddangosfeydd wedi’u cyhoeddi ar gyfer Sioe Awyr y Rhyl 2018

Bydd awyren a ddefnyddiwyd yn y ffilm a enillodd Oscar, Dunkirk, yn cymryd rhan yn Sioe Awyr y Rhyl yr haf hwn.

Bydd y Bristol Blenheim olaf yn y byd yn ymuno â’r Red Arrows yn y digwyddiad sydd am ddim, a gynhelir yn yr awyr uwchben y Rhyl ddydd Sadwrn 25 a dydd Sul 26 Awst.Team Raven

Y Cyngor sy’n trefnu Sioe Awyr Y Rhyl, gyda chefnogaeth Cyngor Tref y Rhyl fel partneriaeth allweddol y digwyddiad.

Roedd tua 50 o awyrennau Blenheims, bomwyr ysgafn, wedi cymryd rhan yng ngwacau Dunkirk, trwy aflonyddu lluoedd y gelyn ym 1940, ac mae’r awyren sy’n dod i'r Rhyl wedi ymddangos yn y ffilm yn 2017 yn serennu Tom Hardy.

Dywedodd y Cynghorydd Hugh Evans OBE, Arweinydd y Cyngor: “Dyma’r tro cyntaf i’r Bristol Blenheim gymryd rhan yn Sioe Awyr y Rhyl.

 “Yn ogystal ag Awyrennau Cofeb Brwydr Prydain, mae’r cyhoeddiad am yr awyren hon yn dangos ein hymrwymiad i gyfuno nostalgia gydag arddangosfeydd erobatig o'r radd flaenaf, gan helpu i sicrhau bod y digwyddiad yn cynnig rhywbeth i bawb.Red Arrows

 “Sioe Awyr y Rhyl yw’r digwyddiad am ddim gorau o'i fath yng Ngogledd Cymru. Yn ogystal â chynnig adloniant o’r radd flaenaf ar stepen ddrws pobl leol, mae'n bwysig oherwydd ei fod yn atynnu miloedd o ymwelwyr ar draws y DU. Golygai hyn y bydd pobl yn gwario mwy yn siopau, bwytai, gwestai, tafarndai a busnesau eraill y dref, gan gefnogi'r economi lleol, sy'n flaenoriaeth i'r Cyngor."

Dywedodd y Cynghorydd Win Mullen-James, Maer y Rhyl: “Mae Cyngor Tref y Rhyl yn falch iawn o gefnogi sioe awyr y dref unwaith eto. Mae hwn yn un o uchafbwyntiau tymor yr haf a bob amser yn llwyddiant ysgubol. Mae pobl yn dod o bell i wylio’r arddangosfa a bob amser yn cael croeso cynnes. Edrychwn ymlaen at ddigwyddiad llwyddiannus arall, ac wrth gwrs, mae'r Red Arrows yn un o'r uchafbwyntiau."

Bydd y Red Arrows yn cloi Sioe Awyr y Rhyl ddydd Sul, gyda’r Bristol Blenheim yn cloi’r gweithgareddau dydd Sadwrn.

BlenheimMae’r arddangosfeydd eraill yn cynnwys Awyrennau Cofeb Brwydr Prydain gyda’r Spitfire, Hurricane a Dakota, Tîm Arddangos Parasiwt y Red Devils, Tîm arddangos ffurfiannau erobatig Team Raven ac awyren hyfforddiant ac ymosod ysgafn wedi’i bweru gan jet sef y Strikemaster.

Mae’r Cyngor yn annog preswylwyr lleol i gerdded neu feicio i’r sioe awyr eleni er mwyn osgoi tagfeydd traffig.

Bydd manylion llawn yr arddangosfeydd yn cael ei gyhoeddi'n ddiweddarach ac am fwy o wybodaeth ymwelwch â www.sirddinbych.gov.uk/sioeawyryrhyl

Hwyl yr haf am ddim yng Ngŵyl Gerddoriaeth Y Rhyl

Bydd Heather Small – prif gantores M People – yn perfformio mewn gŵyl am ddim yn Y Rhyl yr haf hwn.Rhyl Music Festival

Bydd y Cyngor Sir, gyda chefnogaeth Cyngor Tref Y Rhyl, yn trefnu’r digwyddiad, sydd hefyd yn cynnwys Showaddywaddy a Doctor and The Medics, yn Arena Digwyddiadau’r Rhyl ddydd Sul, 12 Awst o hanner dydd tan 6pm.

Heather Small oedd prif gantores M People, oedd yn enwog am nifer o ganeuon llwyddiannus yn y 90au cynnar yn cynnwys One Night in Heaven, Moving on Up a Serach for the Hero.

Rhyddhaodd ei halbwm unigol cyntaf, Proud yn 2000, ac yn 2008 fe ymddangosodd ar raglen Strictly Come Dancing y BBC, gan orffen yn y 9fed safle.

Dywedodd y Cynghorydd Bobby Feeley, Aelod Arweiniol Lles ac Annibyniaeth Sir Ddinbych: “Rwy’n falch iawn o groesawu gwesteion gwych i Ŵyl Arena Digwyddiadau’r Rhyl.

“Mae digwyddiadau fel hyn yn helpu’r gymuned ddod at ei gilydd a dathlu, sy’n rhan o waith y Cyngor i gefnogi lles a chydlyniant cymunedol, yn ogystal â denu ymwelwyr i’n sir a chynyddu ffyniant economaidd.

“Bydd hwn yn ddigwyddiad gwych i Sir Ddinbych ac anogaf i breswylwyr ac ymwelwyr ddod i fwynhau’r awyrgylch cyfeillgar i deuluoedd ar y diwrnod.”

Dywedodd y Cynghorydd Win Mullen James, Maer Y Rhyl: “Bydd Y Rhyl unwaith eto, yn taro tant gyda’i digwyddiad gŵyl yr haf. Mae’r ffaith y gallwn ddenu pobl fel Heather Small yn dystiolaeth o enw da cynyddol y dref wrth drefnu digwyddiadau gwych.

“Mae Cyngor Tref Y Rhyl yn falch o gefnogi’r strafagansa gerddoriaeth, ynghyd â’r sioe awyr a’n digwyddiadau cymunedol hefyd. Edrychwn ymlaen at haf yn llawn adloniant gwych.”

Mae Doctor and the Medics, a berfformiodd yn yr Ŵyl y llynedd, yn enwog am ganu'r gân Spirit in the Sky gan Norman Greenbaum, cân aeth i Rif 1 yn y siartiau ym 1986, a chafodd Showaddywaddy nifer o ganeuon yn y Deg Uchaf yn y 1970au yn cynnwys Under the Moon of Love, Three Steps of Heaven ac You Got What It Takes.

Dywedodd Clive Jackson, o Doctor & The Medics: “Mae gwyliau yn golygu lot i mi gan eu bod nhw'n dod a phobl a chymunedau ynghyd i ddathlu a mwynhau cerddoriaeth. Rydym ni’n edrych ymlaen i ddod yn ôl i’r Rhyl i berfformio. Byddwn ni’n chwarae set gyfan o ganeuon yr 80au y bydd pawb yn eu hadnabod, i gyd wedi cael triniaeth gan y Medics.”

Mae perfformwyr eraill yn cynnwys cantores deyrnged Dusty Springfield, Maxine Mazumber a band soul a ffync Yubaba.

Am fwy o wybodaeth, cysylltwch â Chanolfan Wybodaeth Twristiaeth Y Rhyl ar 01745 355068 neu Swyddfa Docynnau’r Pafiliwn ar 01745 330000.

Sioe Amaethyddol Sir Ddinbych a Fflint

Dewch i'n gweld yn Sioe Flynyddol Dinbych a Fflint yn digwydd yn y ‘Green’ ger Dinbych ddydd Iau, Awst 16eg.

Rydym yn ymuno unwaith eto eleni gyda ein cydweithwyr o Sir y Fflint gyda phabell ar faes y sioe. Ein thema eleni yw iechyd a lles.

Byddwch yn gallu dod i weld beth ellir ei wneud i wella'ch iechyd, sut i gael gafael ar wybodaeth ar gyfer eich lles, rhowch gynnig ar rwyfo ar beiriant ymarfer a llawer mwy o weithgaredd rhyngweithiol.

Bydd ein timau cefn gwlad a hamdden hefyd yn trefnu gweithgareddau trwy gydol y dydd.

Am ragor o wybodaeth am y sioe, ewch i http://www.denbighandflintshow.com/cms/

Edrychwn ymlaen at eich gweld ar y diwrnod.

Artistiaid o’r radd flaenaf ar gyfer adlewyrchiad cerddorol

Mae Gŵyl Gerdd Ryngwladol Gogledd Cymru, a sefydlwyd ym 1972 gan y cyfansoddwr Cymreig William Mathias, yn ŵyl cerddoriaeth glasurol a gynhelir yn flynyddol ym mis Medi yn Eglwys Gadeiriol Llanelwy. Y thema ar gyfer yr ŵyl eleni, sy'n digwydd o Fedi 15 - 30, yw 'Adlewyrchiadau'.

Mae'r artistiaid yn cynnwys Côr Glanaethwy; grŵp lleisiol VOCES8 gyda rhaglen i goffáu 100 mlynedd diwedd y Rhyfel Byd Cyntaf 'Hymn to the Fallen'; pianydd Freddy Kempf, 'Adlewyrchiadau Requiem' gydag Opera Cenedlaethol Cymru, Corws Cymuned yr Wyl a'n cerddorfa preswyl NEW Sinfonia; y gitarydd Craig Ogden a'r gantores jazz Jacqui Dankworth yn perfformio 'Adlewyrchiadau Cariad'; y soprano Elin Manahan Thomas a'r pianydd Jocelyn Freemen; 'Family Affair' gyda Brian, Miriam a Daniel Hughes; Raphael Wallfisch ar y cello; Côr Meibion ​​Trelawnyd a Bro Glyndŵr; pumpawd Pres A5; Telynau Clwyd, Côr Cytgan Clwyd a'r actor Jonathan Pryce.

Mae'r wyl hefyd yn cynnwys darlith am 'Lloyd George', gweithdai piano, lleisiol ac offerynnol, cyngherddau plant a babanod, sesiynau Camau Cerdd i fabanod a phlant  hyd at 7 oed, a'n taith gymunedol flynyddol.

I ddarganfod mwy am Gŵyl Gerdd Ryngwladol Gogledd Cymru ewch i www.nwimf.com. Mae tocynnau ar gael ar-lein, o Theatr Clwyd, Yr Wyddgrug - 01352 701521 neu Cathedral Frames, Llanelwy - 01745 582929.

DYDDIADUR

Dydd Sadwrn 15 Medi:   19.30 Côr Glanaethwy, Chwaraewyr NEW Sinfonia a Telynau Clwyd

Rhaglen yn cynnwys Blaenberfformiad Byd o gomisiwn newydd gan Paul Mealor ynghyd â darnau gan Olivier Messiaen, Gustav Mahler, Karl Jenkins, Brian Hughes, Caryl Parry Jones a Leonard Cohen.

 

Dydd Iau 20 Medi:  19.30 VOCES8 Hymn to the FallenVOCE8

Rhaglen o goffadwriaeth i ddathlu canfed pen-blwydd y Cadoediad.

Mae’r rhaglen yn cynnwys gweithiau gan Parry, Gabrieli, Dove, Elgar, Pearsall a Simon & Garfunkel.

 

Dydd Gwener 21 Medi:   19.30 Freddy Kempf

Rhaglen yn cynnwys Chopin: Sonata i’r piano rhif 2 mewn B meddalnod lleiaf; Ravel: Le Tombeau de Couperin; Rachmaninov: Etudes Tableaux.

 

Dydd Sadwrn 22 Medi:   19.30 Corws Gymunedol yr Ŵyl, mewn cydweithrediad ag Opera Cenedlaethol Cymru, Unawdwyr Opera Cenedlaethol Cymru a NEW Sinfonia.

Adlewyrchiadau Requiem

Blaenberfformiad Byd o Materna Requiem Rebecca Dale

Dyfyniadau Requiem Mozart & Duruflé

Arvo Pärt: Spiegel im Spiegel.

John Cage: 4’33”

Soprano: Katy Thomson

Mezzo: Rebecca Afonwy-Jones

Bass: Julian Close

 

Dydd Iau 27 Medi:  19.30 Craig Ogden a Jacqui Dankworth

Adlewyrchiad o gariad

Cydweithrediad rhwng dau berfformiwr o ddau fyd gwahanol o gerddoriaeth. Mae eu rhaglen yn cynnwys cymysgedd o ganeuon amrywiol gan bawb o Paul Simon a James Taylor i Henry Mancini a Michel Legrand.

 

Dydd Gwener 28 Medi:  19.30 Elin Manahan Thomas (soprano) a Jocelyn Freeman (piano); Family Affair – Brian Hughes (piano), Daniel Brian Hughes (clarinet) a Miriam Hughes (ffliwt).Elin

Adlewyrchiadau

Rhaglen yn cynnwys gweithiau gan Dilys Elwyn Edwards, Morfydd Llwyn Owen, Brian Hughes, Purcell a Handel.

 

Dydd Sadwrn 29 Medi:   19.30 NEW Sinfonia a Raphael Wallfisch

Elgar: Concerto i’r Soddgrwth

Ravel: Pavane pour une infante défunte

Williams: Penillion

Bernstein: Three Dance Episodes from On the Town

Smile, Smile, Smile’ tref. J Guy gyda myfyrwyr o’r prosiect yn cymryd rhan.

 

Dydd Sul 30 Medi:   19.30 Jonathan Pryce, Corau Meibion Trelawnyd a Bro Glyndwr, Côr Cytgan Clwyd, Pumawd Pres A5 (NEW Sinfonia)Jonathan Pryce

Adlewyrchiad ar ganmlwyddiant diwedd y Rhyfel Mawr

Rhaglen yn cynnwys caneuon rhyfel, Barber, Kamen a detholiad o gerddoriaeth Karl Jenkins. 

Canolfan Grefft Rhuthun - dathliadau 10fed penblwydd

Craft Centre

Theatr Pafiliwn Y Rhyl

I weld rhaglen o sioeau sydd ymlan ym Mhafiliwn Theatr Y Rhyl, ewch i'w gwefan.

Rhyl Pavilion

Cafe R

Cynnig discownt yng Nhaffi R

Wedi'r bartneriaeth lwyddiannus y llynedd bydd Café R yn gweithio eto gyda Charchar Rhuthun a Nantclwyd y Dre i gynnig gostyngiadau i ymwelwyr.

Rhoddir taleb i bobl sy'n ymweld â Chaffi R sy'n rhoi iddynt ostyngiad o 20% pan fyddant yn ymweld â'r Hen Garchar neu Nantclwyd y Dre a bydd pobl sy'n ymweld â'r Hen Garchar neu Nantclwyd y Dre yn cael taleb sy'n rhoi discownt iddynt o 10% yng Nghaffi R.

Bydd y cynnig yn rhedeg tan fis Hydref.

Gallwch chi weld bwydlenni Café R ar eu gwefan.

Dilynnwch nhw ar Facebook a Twitter

Neu gallwch ffonio nhw i llogi bwrdd ar 01824 708099.

Cafe R Discount

Nodweddion

1891 ym Mhafiliwn Y Rhyl

1891

Mae 1891 yn cynnig te prynhawn gyda'r cyfle i gyfarfod Tim Arddangos Parasiwt Red Devils am bris rhesymol iawn o £25.  Gwelwch isod am fwy o wybodaeth.  I gael bwrdd ar gyfer 26 Awst neu ar gyfer unrhyw amser arall, ffoniwch nhw ar 01745 330000 new ewch i'w gwefan www.1891rhyl.com.

1891 Welsh

SC2

SC2

Am gyfle i ennill tocyn teulu am ddim cofrestrwch ar www.sc2rhyl.co.uk

Barbiciws

Sut i baratoi bwyd yn gywir, osgoi halogiad a choginio bwyd yn iawn ar gyfer eich barbiciws.Food Standards Agency

Haf yw’r amser perffaith i fwynhau barbiciw gyda theulu a ffrindiau. Mae angen i chi sicrhau fod bwyd yn cael ei storio a’i goginio'n ddiogel.

Gall tywydd cynnes a choginio yn yr awyr agored gynhyrchu’r amodau cywir ar gyfer y bacteria sy’n achosi gwenwyn bwyd.

Felly mae’n hanfodol eich bod yn cofio am y 4 rheol hylendid bwyd:

  • oeri
  • glanhau
  • coginio
  • croeshalogi

Rydym wedi casglu rhywfaint o gyngor i’ch helpu i weini barbiciw anhygoel wrth gadw eich gwesteion yn ddiogel.

Oeri a dadmer BBQ2

Mae oeri bwyd yn iawn yn helpu i atal bacteria niweidiol rhag tyfu, yn enwedig yn ystod misoedd cynnes yr haf.

I gadw eich bwyd yn ddiogel:

  • peidiwch â dadmer bwydydd ar dymheredd ystafell
  • sicrhewch eich bod yn dadmer bwyd dros nos yn yr oergell, neu os nad yw hyn yn bosibl, gan ddefnyddio microdon ar y gosodiad dadmer yn syth cyn coginio
  • oerwch fwydydd wedi’u coginio ar dymheredd ystafell ac yna ei roi yn yr oergell o fewn un i ddwy awr
  • storiwch fwydydd amrwd ar wahân i fwydydd parod i’w bwyta, wedi’u gorchuddio ar silff waelod eich oergell
  • cadwch fwydydd oer allan o'r oergell am y cyfnod byrraf posibl yn ystod y gwaith paratoi
  • cadwch unrhyw fwyd gyda dyddiad defnyddio erbyn, prydau wedi’u coginio, salad a phwdinau parod yn oer ac allan o’r haul tan yr amser gweini
  • peidiwch â gorlenwi eich oergell, mae hyn yn caniatáu aer i gylchredeg a chynnal y tymheredd sydd wedi’i bennu

Mae angen cadw rhai bwydydd yn yr oergell i helpu i arafu twf bacteria, a chadw bwyd yn ffres ac yn ddiogel am fwy o amser. Defnyddiwch thermomedr oergell i wirio bod y tymheredd o dan 5°C gan nad yw’r deialau bob amser yn dangos y tymheredd cywir i chi.

Coginio

Bydd coginio bwyd ar y tymheredd cywir am yr amser cywir yn sicrhau y bydd unrhyw facteria niweidiol yn cael eu lladd. Buddsoddwch mewn chwiliedydd tymheredd fel y gallwch sicrhau eich bod yn coginio’r bwyd ar o leiaf 75°C am 30 eiliad.

Peidiwch ag anghofio, nid yw'r ffaith bod bwyd wedi'i olosgi'n golygu ei fod wedi coginio ar y tu mewn bob amser. Cyn gweini cig rydych wedi’i goginio ar y barbiciw, gwiriwch:

  • fod y cig yn stemio’n boeth drwyddo draw
  • nad oes unrhyw gig pinc i’w weld pan dorrwch i’r darn mwyaf trwchus
  • bod y suddion yn rhedeg yn glir

Mae hyn yn gymwys i gynhyrchion wedi’u gwneud o friwgig fel:

  • byrgers
  • selsig
  • cebabs
  • cyw iâr
  • porc

Ystyriwch goginio'r holl gyw iâr a phorc yn y popty yn gyntaf, gan ei orffen ar eich barbiciw ar y diwedd. Bydd eich teulu a'ch ffrindiau'n dal i brofi'r blas barbiciw arbennig hwnnw, ac rydych yn gwybod eich bod wedi coginio'r cig drwyddo draw.

BBQ1Cofiwch nad yw byrger fel stêc

Pam nad yw byrger fel stêc

Gellir cludo bacteria niweidiol ar wynebau darnau cyflawn o gig. Pan fydd stêc amrwd yn cael ei serio, mae’r bacteria hyn yn cael eu lladd, gan wneud y stêc yn ddiogel i’w bwyta.

Pan gaiff cig ei droi’n friwgig i gynhyrchu byrgers, mae unrhyw facteria niweidiol o wyneb y cig amrwd yn lledaenu drwy'r byrger. Oni bai bod y byrger yn cael ei goginio drwyddo draw, mae'r bacteria hyn yn aros yn fyw ar y tu mewn. Mae hyn yn gymwys i bob byrger, gan gynnwys byrgers wedi’u gwneud o gig drud neu o ansawdd da.

Glanhau

Mae glanhau effeithiol yn cael gwared ar facteria ar ddwylo, cyfarpar ac ar arwynebau, gan helpu i atal bacteria niweidiol rhag lledaenu ar fwyd.

Helpwch i leihau’r risg o germau’n lledaenu drwy:

  • olchi dwylo’n drylwyr gyda sebon a dŵr poeth cyn coginio a bwyta, yn enwedig os ydych wedi bod yn trin cig amrwd neu bethau fel tanwyr
  • cadw llestri a dysglau gweini'n lân wrth baratoi bwyd a sicrhau nad ydych yn eu cymysgu gyda'r rhai a ddefnyddiwyd i baratoi prydau amrwd a barod i'w bwyta
  • peidio â golchi unrhyw gyw iâr amrwd neu unrhyw gig arall - mae’n tasgu germau ar eich dwylo, llestri ac wynebau gweithio

Osgoi croeshalogiad

Mae croeshalogiad yn fwyaf tebygol o ddigwydd pan mae bwyd amrwd yn cyffwrdd neu'n diferu ar fwyd parod, llestri neu arwynebau.

Gallwch atal hyn drwy:

  • storio cig amrwd ar wahân i fwydydd parod
  • defnyddio llestri, platiau a byrddau torri gwahanol ar gyfer bwyd amrwd ac wedi’u coginio
  • golchi eich dwylo ar ôl cyffwrdd cig amrwd a chyn i chi drin bwyd parod

Deall gwenwyn bwyd

Mae llawer o bobl yn meddwl mewn camgymeriad mai dim ond byg dros dro yw gwenwyn bwyd, ond fe all fod yn ddifrifol iawn.

Mae’r rhan fwyaf o bobl gyda gwenwyn bwyd yn gwella adref, heb fod angen triniaeth benodol.  Os ydych yn meddwl fod gennych wenwyn bwyd, fe’ch cynghorir i fynd i weld eich Meddyg Teulu.

Am ragor o wybodaeth, ewch i’r tudalennau Diogelwch Bwyd ar www.sirddinbych.gov.uk 

Rhannwch eich bywyd a gwnewch wahaniaeth – fel gofalwr

Rydym yn chwilio am unigolion brwdfrydig a gofalgar a hoffai fod yn ofalwyr.

Mae’r Cynllun Rhannu Bywydau yn darparu cefnogaeth ychwanegol ym mywydau dyddiol pobl mewn angen – gydag anableddau cymhleth, problemau iechyd meddwl, anableddau corfforol, neu nam ar y synhwyrau sy’n effeithio eu bywydau.

Gall y gofalwyr fod yn unigolion, cyplau neu deuluoedd sy’n byw o fewn y sir gydag ystafell wag yn eu cartref.  Mae staff ymrwymedig yn rhan o’r cynllun, sy’n darparu cefnogaeth ymarferol, cyngor a chyfarwyddyd i ofalwyr Rhannu Bywydau. Bydd hyfforddiant priodol yn cael ei ddarparu a bydd gofalwyr yn cael tâl.

Dywedodd y Cynghorydd Bobby Feeley, Aelod Arweiniol Lles ac Annibyniaeth: Mae hwn yn gyfle gwych i godi proffil y cynllun gwerthfawr hwn.  Nod Rhannu Bywydau yw chwarae rhan hanfodol wrth gefnogi’r rhai yn ein cymunedau sydd wir angen cymorth. Byddai profiad o weithio yn y sector gofal yn ddefnyddiol ond nid yw’n ofynnol – mae brwdfrydedd yr un mor bwysig.

Dylai unrhyw un sydd â diddordeb mewn bod yn Ofalwr Rhannu Bywydau neu’r rhai a hoffai wybod mwy, ddod draw i’r digwyddiad diwrnod agored neu gysylltu ag Un Pwynt Mynediad Sir Ddinbych a gofyn am gael siarad gyda Cydlynydd Cynllun Rhannu Bywydau.  Gallwch ysgrifennu atynt neu ymweld â nhw yn: Un Pwynt Mynediad, Gwasanaethau Cymdeithasol Sir Ddinbych, Tŷ Russell, Ffordd Churton, LL18 3DP; rhif ffôn: 0300 456 1000. E-bost:  spoa@sirddinbych.gov.uk

Ydych chi’n ystyried ymgymryd â gwaith adeiladu?

Os yw eich prosiect yn un mawr neu’n un bach, cysylltwch â gwasanaeth Rheoli Adeiladu'r Cyngor Sir a fydd yn fodlon eich helpu.LABC Logo

Rydym yn cynnig:

  • Gwasanaeth cyngor cyn ymgeisio i helpu’ch prosiect redeg yn esmwyth
  • Gwybodaeth am yr ardal leol, hanes safleoedd ac amodau daearegol
  • Syrfëwr rheoli adeiladu ymrwymedig a thîm cefnogi technegol
  • Mynediad i swyddog ar ddyletswydd rheoli adeiladu yn ystod oriau swyddfa, ddydd Llun i ddydd Gwener
  • Byddwn yn gweithio gyda’r awdurdod tân lleol a’r awdurdod dŵr i’ch cynorthwyo chi a’ch prosiect
  • Yn wahanol i ddarparwyr eraill, rydym yn arolygu gwaith adeiladu yn ystod pob cam angenrheidiol i sicrhau ei fod yn cyrraedd y safonau gofynnol
  • Cynhelir archwiliadau safle y diwrnod ar ôl i ni dderbyn eich cais, os derbynnir y cais cyn 4pm
  • Fel awdurdod lleol rydym ni’n atebol yn gyhoeddus, yn amhleidiol, yn dryloyw ac yn sefydliad nid-er-elw. Mae ein ffioedd wedi eu cyhoeddi ac nid oes unrhyw gost gudd ychwanegol
  • Byddwn yn darparu tystysgrif cwblhad i chi ar ddiwedd eich prosiect.

I gael rhagor o wybodaeth, ewch i’n gwefan neu ffoniwch ni ar 01824 706717.

Building Control Image

Pwyntiau siarad yn Sir Ddinbych

Tai Sir Ddinbych

Cofrestr tai fforddiadwy newydd i helpu pobl i brynu tai eu breuddwydion

Lansiwyd cyfle newydd i bobl gynyddu eu cyfleoedd i brynu tŷ eu breuddwydion ar draws Gogledd Cymru a Phowys.Tai Teg

Mae Tai Teg, Cofrestr Tai Fforddiadwy, yn gyfle Tai Fforddiadwy ar-lein i gofrestru pobl sydd mewn gwaith ond nad ydynt yn gallu fforddio tai’r farchnad.

Gelwir tŷ sy'n cael ei ddarparu ar gyfer rent neu i brynu ar gyfradd lai na gwerth y farchnad yn dŷ fforddiadwy.

Rydym yn gwybod nad yw nifer sylweddol o bobl yn Sir Ddinbych yn gallu fforddio rhent neu gyfradd prynu'r farchnad ac mae hwn yn gyfle i bobl gael mynediad at ystod eang o gyfleoedd drwy adeiladau newydd a lleoedd gwag o fewn tai presennol.

Bydd Tai Teg yn cyflwyno’r broses cofrestru ar gyfer nifer o gynlluniau arloesol a fydd yn helpu pobl i ddringo ar yr ysgol eiddo neu ddiogelu tŷ rhent. Mae nifer o gynlluniau ar gael i’r rheiny mewn gwaith ac yn ennill rhwng £16,000 a £45,000, gyda rhai dewisiadau i’r rheiny sy’n ennill hyd at £60,000.

Nid yw Tai Teg yn cynnwys eiddo traddodiadol y Cyngor na’r Gymdeithas Tai i’w rhentu, sy’n cael eu trin drwy Un Llwybr Mynediad At Dai, cofrestr tai sengl cyffredin yn Sir Ddinbych. Mae Tai Teg yn gweithio ar y cyd gyda’r gofrestr tai cyffredin.

Dyma brosiect partneriaeth a arweinir gan Grŵp Cynefin yn cynnwys Awdurdodau Lleol Gogledd Cymru, yn cynnwys y Cyngor Sir a Chymdeithasau Tai eraill. Mae’r holl bartneriaid hyd wedi cydweithio’n agos i ddod â’r gofrestr ymlaen.

Caiff Tai Teg ei ddefnyddio fel tystiolaeth mewn trafodaethau ceisiadau cynllunio i gefnogi Cyngor Sir Ddinbych a Chymdeithasau Tai i gynllunio ar gyfer datblygiadau yn y dyfodol.

Mae darparu tai fforddiadwy yn Sir Ddinbych yn flaenoriaeth allweddol, gyda 250 o dai fforddiadwy yn cael eu hadeiladu yn y Sir ers 2014. Mae nifer o ddatblygiadau wedi cael eu cynllunio ar draws y Sir a bydd cofrestr Tai Teg yn cael ei ddefnyddio i osod pobl mewn lleoedd gwag addas.

I ddarganfod rhagor a chofrestru eich diddordeb mewn cartref, ewch i www.taiteg.org.uk.

Neges gan Ffederasiwn Tenantiaid a Phreswylwyr Sir Ddinbych (DTARF)

Mae’r DTARF wedi'i sefydlu ers dros 20 mlynedd bellach ac wedi cyflawni gymaint ar ran tenantiaid a thrigolion Tai Sir Ddinbych.

Pwy ydym ni?

Rydym yn grŵp o denantiaid a phreswylwyr sydd yn chwarae ein rhan yn ein cymunedau ar draws y Sir. Yn llais dros denantiaid, rydym yn gweithio gyda Thai Sir Ddinbych a Llywodraeth Cymru er mwyn sicrhau’r safonau uchaf bosibl ar gyfer tenantiaid a’u cymunedau. 

Ein nod

Ceisio sicrhau fod pobl yn byw bywydau mwy diogel a chyfforddus a gwella bywyd cymunedol.

Rydym bob amser yn falch o groesawu aelodau newydd i DTARF. Rydym yn cyfarfod bob mis mewn gwahanol leoliadau ar draws Sir Ddinbych, felly bydd bob amser gyfle i chi fynychu cyfarfod yn agos at eich cartref chi. Mae grant i aelodau o unrhyw gymdeithas preswylwyr i helpu bob blwyddyn i wireddu eu nodau drwy Gyngor Sir Ddinbych.

Os hoffech gael rhagor o wybodaeth am DTARD cysylltwch â John Woodward, Cadeirydd dtarf@hotmail.co.uk

Datblygiadau Tai

Yn ddiweddar fe wnaethom gyhoeddi’r newyddion y byddwn yn dechrau adeiladu tai Cyngor newydd am y tro cyntaf ers dros 25 o flynyddoedd.

Rydym newydd gael caniatâd cynllunio ar gyfer ein datblygiad cyntaf, sef pedwar fflat ar safle cantîn hen ysgol Bodnant yn Ffordd Caradoc, Prestatyn. Roeddem yn falch iawn o gael arian Grant Arloesedd gan Lywodraeth Cymru ar gyfer y prosiect hwn.

Mae gwaith wedi dechrau’n ddiweddar ar ddymchwel yr adeilad presennol a byddwn yn dechrau ar y gwaith o adeiladu’r fflatiau newydd yn ddiweddarach yr haf hwn.

Cyn bo hir hefyd bydd cais cynllunio’n cael ei gyflwyno ar gyfer datblygu cartrefi newydd i gymryd lle Fflatiau Pennant yn Ninbych a byddwn yn dechrau gwaith ar droi eiddo yr ydym wedi ei brynu yn Brighton Road, y Rhyl yn dri fflat.

Dim ond y datblygiad cyntaf yn ein rhaglen i adeiladu 170 o dai cyngor newydd ledled y sir dros y pedair blynedd nesaf yw hyn.

Housing

Gwasanaethau Lles a Hamdden Cymunedol

Hysbysiad o flaen llaw o waith adnewyddu sylweddol i bwll nofio yng Nhanolfan Hamdden Rhuthun

Mae gwaith adnewyddu sylweddol i bwll nofio Canolfan Hamdden Rhuthun ar fin dechrau yn yr haf.

Mae buddsoddiad sylweddol wedi bod yn y Ganolfan Hamdden yn barod yn yr ardaloedd ffitrwydd a newid. 

Bydd cam nesaf y rhaglen adnewyddu yn cynnwys:

  • Diweddariadau sylweddol i ystafelloedd newid gwlyb merched a dynion i greu ardal newid ar y cyd
  • Gwelliannau sylweddol i neuadd y pwll, gan gynnwys to newydd
  • Creu cyfleuster newid hygyrch sydd â mynediad uniongyrchol at ochr y pwll a newidiadau i fynedfeydd.

Bydd y pwll nofio yn cau ar ddydd Sul 22 Gorffennaf am gyfnod o oddeutu 24 wythnos.

Yn ystod y cyfnod hwn, bydd ochr y pwll a’r ystafelloedd newid yn cael eu hadnewyddu.

Dywed y Cynghorydd Bobby Feeley, yr Aelod Cabinet Arweiniol sydd â chyfrifoldeb dros Iechyd a Lles: “Rydym wrth ein bodd yn gallu parhau i fuddsoddi’n sylweddol yn ein cyfleusterau hamdden a fydd yn cynnig cyfleuster nofio o ansawdd uchel i’r gymuned am yr 20 mlynedd nesaf.

“Rydym yn falch iawn o’r hanes blaenorol o fuddsoddi mewn canolfannau hamdden pan mae ardaloedd eraill yn y DU yn gweld eu canolfannau hamdden yn cau.  Credwn yn gryf am yr angen i fuddsoddi mewn cyfleusterau gan fod buddion iechyd a lles amlwg yn ogystal â galw mawr gan y cyhoedd am weithgareddau a chyfleusterau y gallent gael mynediad iddynt saith niwrnod yr wythnos.

“Hoffem ddiolch i gwsmeriaid o flaen llaw am eu hamynedd a’u dealltwriaeth wrth i’r gwaith adnewyddu fynd rhagddo ond bydd y gwaith adnewyddu gorffenedig yn darparu profiad nofio llawer gwell”.

Ar gyfer plant wedi cofrestru ar Raglen Nofio Sir Ddinbych bydd y sir yn cysylltu â chwsmeriaid yn gofyn os ydynt yn fodlon symud i safle arall ar gyfer y cyfnod cau (yn dibynnu ar argaeledd).

Ar gyfer y rheiny sy’n dymuno defnyddio cyfleusterau nofio yn agored i'r cyhoedd mae sesiynau dyddiol ar gael yn Ninbych, Corwen, Y Rhyl a Nova Prestatyn.

Mae amserlenni ar gyfer y Canolfannau hyn ar gael ar wefan hamdden y sir: http://www.denbighshireleisure.co.uk

Mae’r Cyngor hefyd yn gweithio gyda chlybiau sydd yn defnyddio'r pwll nofio i ddod o hyd i ddarpariaeth arall.

Bydd y Cyngor hefyd yn adolygu’r sefyllfa ar gyfer gwersi nofio ysgol pan fydd yr amserlen yn cael ei chadarnhau ym mis Medi.

Yn ystod yr adnewyddu, bydd yr ystafell ffitrwydd, stiwdio, neuadd chwaraeon a’r cae chwarae pob tywydd ar gael i’w defnyddio fel yr arfer.

Os oes gennych chi unrhyw ymholiadau pellach ynglŷn â gwersi nofio neu unrhyw agwedd arall o'r gwaith adnewyddu, siaradwch ag aelod o staff yn y Ganolfan.

Ardal chwaraeon

Yr haf hwn mae camp aml chwaraeon Hamdden Sir Ddinbych, i fechgyn a merched rhwng 6-11 oed, yn dychwelyd i’n Canolfannau Hamdden. Sports Equipment

Mae Ardalchwaraeon yn gyfle gwych i blant fwynhau eu hunain, cymdeithasu a rhoi cynnig ar ystod eang o chwaraeon, megis pêl-rwyd, pêl-fasged, rygbi, badminton a phêl-droed.

Gall amserlenni amrywio o Ganolfan i Ganolfan, felly gwiriwch ein gwefan am fwy o fanylion.

Cerdyn Hamdden

Mae Cardiau Hamdden yn cynnig gostyngiadau ar weithgareddau yng Nghyfleusterau Hamdden Sir Ddinbych a safleoedd eraill.

Mae’r cardiau ar gael i oedolion, ieuenctid, myfyrwyr, unigolion dros 60 oed a grwpiau.

Os ydych wedi cofrestru fel unigolyn anabl, yn hawlio budd-daliadau diweithdra neu gymhorthdal incwm, efallai y byddwch yn gymwys i dderbyn Cerdyn Hamdden am ddim.

Ewch i http://www.denbighshireleisure.co.uk/ neu gofynnwch i aelod o staff am fanylion.

Canolfannau Hamdden

Tra bod awdurdodau eraill yn cael trafferth buddsoddi yn eu darpariaethau hamdden, mae Sir Ddinbych wedi ymrwymo i ddarparu cyfleusterau o safon uchel a gwerth am arian i’w gwsmeriaid.Rhyl Leisure Studio Cycling

Dros y 12 mis diwethaf, mae llawer o ddatblygiadau cyffrous iawn wedi bod ar draws y Sir, gan gynnwys ystafell ffitrwydd newydd yng Nghanolfan Hamdden Llangollen a chae pêl-droed 3G cyntaf (i dimau 5 bob ochr) Sir Ddinbych yng Nghorwen. Yn dilyn agor canolfan a chyfleuster 3G newydd yn Llanelwy yn ystod mis Medi diwethaf, ychwanegwyd at y cyfleusterau ym mis Mai drwy adeiladu ystafell hyfforddi HiT newydd.

Mae'r datblygiadau yn parhau gyda ailddatblygu Canolfan Hamdden y Rhyl wedi ei gwblhau. Mae'r Cyngor Sir wedi agor Stiwdio Feicio Grŵp gyda 25 beic yn y ganolfan, sy’n cynnwys systemau sain a goleuo wedi ei deilwra.  Bydd y stiwdio yn cynnig 15 dosbarth beicio grŵp yr wythnos, yn cynnwys boreau cynnar a nosweithiau, fel rhan o’r amserlen newydd.  Dywedodd y Cynghorydd Bobby Feeley, aelod arweiniol y Cyngor dros Les ac Annibyniaeth: “Y stiwdio hon yw'r ychwanegiad diweddaraf i Ganolfan Hamdden y Rhyl, sydd wedi derbyn £1.2m i ailddatblygu dros y 12 mis diwethaf.

“Rydym wir yn falch o’n henw da mewn buddsoddi yn ein cyfleusterau hamdden, tra bo cynghorau eraill yn ystyried cau’r fath gyfleusterau.

“Rydym yn cydnabod manteision ein cyfleusterau mewn gwella iechyd a lles ein preswylwyr drwy wneud ein cymunedau yn gryf, sy’n flaenoriaeth i’r Cyngor.”

Mae Beicio Grŵp yn weithgaredd lle ceir ychydig iawn o straen ar gymalau pen-glin, cluniau a fferau, ac yn un o’r sesiynau stiwdio sy’n llosgi’r mwyaf o galorïau, lle mae’r beicwyr yn gallu teilwra’r gweithgaredd i'w gallu eu hunain trwy addasu eu beiciau.

Y rhan olaf o’r ailddatblygiad yw agor ystafell ffitrwydd newydd yn y ganolfan ar 3 Gorffennaf, sy'n cynnwys y cyfarpar cardio ac ymwrthedd Technogym diweddaraf gyda llwybrau hyfforddi awyr agored rhithiol.

Mae’r cyfarpar newydd yn cynnwys ‘Skill Runs’, sy’n caniatáu rhedwyr i berfformio hyfforddiant parasiwt a sled, a dringwr grisiau.

Mae ystafelloedd newid y ganolfan hefyd wedi cael eu huwchraddio ac yn agor ar 3 Gorffennaf.

Bydd gwaith hefyd yn dechrau’n fuan ar ddiweddaru pwll nofio ac ystafelloedd newid Canolfan Hamdden Rhuthun ac ar ddiweddaru’r ystafelloedd newid yng Nghanolfan Hamdden Prestatyn.

Dim ond cipolwg yw’r prosiectau hyn o’r rhaglen gyffrous o welliannau sydd ar y gweill yng nghyfleusterau Hamdden Sir Ddinbych – galwch heibio’ch canolfan leol i weld dros eich hunain.

Gwersi Nofio

A wyddoch chi fod plant yn gallu dysgu i nofio gyda Hamdden Sir Ddinbych yn 3 mlwydd oed? Swimming

Gan ddechrau gyda sesiynau Sblash, mae plant yn symud drwy 7 cam, gan ddilyn Cynllun Dysgu Nofio Cymreig. Byddwch yn siŵr o weld eu sgiliau a’u hyder yn datblygu wrth iddynt symud o un lefel i’r llall.

Cynigir gwersi dwyieithog ar draws y sir ac mae ein Porth Rhieni yn rhoi’r wybodaeth ddiweddaraf i chi am gynnydd eich plentyn ar-lein. I gael rhagor o wybodaeth, cysylltwch â’ch Canolfan Hamdden leol.

Byddwn hefyd yn ymgynhori â rhieni er mwyn gweld faint o alw sydd am wersi nofio Cymraeg fel ein bod yn gallu trefnu sesiynau yn y lle cywir.

Llyfrgelloedd a Siop Un Alwad

Chwilio am wirfoddolwyr ifanc ar gyfer Sialens Darllen yr Haf

Mae Gwasanaeth Llyfrgell Sir Ddinbych yn chwilio am wirfoddolwyr ifanc i helpu gyda Sialens Ddarllen yr Haf eleni.Summer Reading Challenge

Y llynedd, bu 3,394 o blant Sir Ddinbych yn cymryd rhan yn y Sialens Ddarllen ac mae'r Gwasanaeth Llyfrgell yn dymuno efelychu  llwyddiant ysgubol y llynedd trwy gynnwys gwirfoddolwyr.

Thema’r Sialens eleni yw Dyfeiswyr Direidi.

Gwahoddir pobl ifanc rhwng 14 a 24 oed i ymuno fel gwirfoddolwyr a byddant yn elwa o brofiad gwaith gwerthfawr, y cyfle i ddatblygu hyder a sgiliau cymdeithasol, yn ogystal â chyfrannu’n  gadarnhaol i'r gymuned leol.

Bydd gwirfoddolwyr yn cofrestru plant ar gyfer y Sialens a'u helpu i ddod o hyd i lyfrau, helpu plant a theuluoedd i ddefnyddio gwefan y Sialens a chynorthwyo gyda digwyddiadau yn llyfrgelloedd y sir.

Bydd angen i'r gwirfoddolwyr ymrwymo i o leiaf dair awr dros bedair wythnos. Bydd angen sgiliau cyfathrebu da ac, yn ddelfrydol, parodrwydd i ymgysylltu â phlant a theuluoedd yn y Gymraeg a'r Saesneg; diddordeb mewn cefnogi a gweithio gyda phlant, ac mewn llyfrau a darllen; ac agwedd hyblyg a chyfeillgar tuag at dasgau a gyflawnir, prydlondeb a dibynadwyedd.

Am ragor o wybodaeth, cysylltwch â'r llyfrgell leol.

Diwrnod hanesyddol i Lyfrgell Dinbych

Mae pennod cyffrous yn hanes Llyfrgell a Siop Un Alwad Dinbych wrth iddo agor ei ddrysau i'r cyhoedd yn dilyn gwaith adnewyddu.Denbigh Library 1

Mae'r adeilad newydd sbon wedi'i adnewyddu yn cynnwys:

  • desg ymholiadau'r dderbynfa/siop un alwad
  • Cyfrifiadur hunan- wasanaeth pwrpasol i gyrchu gwasanaeth ar-lein y cyngor a phartneriaid
  • Ciosg dosbarthu hunan-wasanaeth newydd
  • Ail-gynllunio ardal hyblyg i blant
  • adnewyddu ystafell gyfarfod
  • WiFi am ddim
  • Pwynt gwybodaeth newydd i dwristiaid
  • Gwell silffoedd newydd drwy gydol
  • Arddangosfa o eitemau a gwybodaeth am hanes lleol • ardaloedd ymgynghori hyblyg ar gyfer defnydd cymunedol a gweithgareddau/digwyddiadau llyfrgell, cymorthfeydd gwybodaeth a 1-2-1S preifat y gellir eu hagor mewn un ardal fawr.
  • Man ymlacio ar gyfer astudio anffurfiol
  • Maes dysgu/addysg TG ar gyfer hyfforddiant

Denbigh Library 3Dywedodd y Cynghorydd Richard Mainon, Aelod Arweiniol y Cabinet dros Ddatblygu Seilwaith Cymunedol: "Mae hwn yn achlysur pwysig iawn i Lyfrgell Dinbych ac rwy'n falch iawn ein bod wedi creu cyfleuster mor fodern i drigolion Dinbych a thu hwnt wrth ddefnyddio'r Llyfrgell a'r holl wasanaethau cymunedol ychwanegol.

"Dyma'r diweddaraf mewn rhaglen sylweddol o fuddsoddiad yn ein llyfrgelloedd ar draws Sir Ddinbych sy'n ein gwneud yn falch iawn. Mae llyfrgelloedd yn rhan hanfodol o fywyd cymunedol yn Sir Ddinbych. Maent yno i ddarparu cyfoeth o wybodaeth ac adnoddau, cyfleusterau i'w defnyddio gan y gymuned a man lle mae pobl yn mynd i ddysgu sgiliau newydd a bod yn gymdeithasol."

Mae'r gwaith adnewyddu wedi'i ariannu gan y cyngor a Llywodraeth Cymru (Adran Amgueddfeydd a Llyfrgelloedd).Denbigh Library 2

Taylorfitch. Dod â newyddlenni yn fyw o flaen eich llygaid