Gwneud cais am le mewn meithrinfa

Gall plant fynychu dosbarth meithrin y mis Medi ar ôl eu pen-blwydd yn 3 oed. Nid yw cael lle mewn dosbarth meithrin mewn ysgol benodol yn gwarantu lle i’ch plentyn mewn dosbarth derbyn yn yr ysgol honno. Bydd angen i chi wneud cais newydd ar gyfer lle mewn dosbarth derbyn.

Gallwch wneud cais am le mewn dosbarth meithrin yn 2025 rŵan.

Y dyddiad cau ar gyfer gwneud cais am le mewn dosbarth meithrin, ar gyfer plant wedi eu geni rhwng 1 Medi 2021 a 31 Awst 2022, yw 17 Chwefror 2025, a byddwch yn cael gwybod beth yw canlyniad eich cais erbyn 6 Mai 2025.

Mae mwy o wybodaeth ar ein gwefan.

Bod yn Llywodraethwr Ysgol

Ydych chi erioed wedi ystyried bod yn llywodraethwr ysgol?

Mae ein hysgolion bob amser yn chwilio am aelodau newydd i ymuno â'r Cyrff Llywodraethol. Gall unrhywun dros 18 oed fod yn llywodraethwr ysgol - does dim rhaid i chi fod yn rhiant sydd â phlentyn yn yr ysgol.  Fodd bynnag, mae pob corff llywodraethu yn cynnwys llywodraethwyr sy'n rhieni, a gall fod yn ffordd werth chweil o fod yn rhan o ysgol eich plentyn.

Os ydych chi'n credu bod gennych yr ymrwymiad a'r brwdfrydedd i wneud gwahaniaeth, yna cofrestrwch eich diddordeb ar ein gwefan.