Cadwch gŵn ar dennyn

Rydym wedi gweld rhai digwyddiadau yn ddiweddar lle mae defaid wedi cael eu hanafu neu eu lladd o ganlyniad i ymosodiadau gan gŵn oddi ar eu tennyn. Mae ffermwyr wedi colli defaid neu wedi cael profiad o gŵn yn ymosod ar eu hanifeiliaid. Gellir osgoi hyn drwy gydweithio â pherchnogion cŵn, gan anfon y neges adref y dylid cadw cŵn ar dennyn. 

Rydym yn gwerthfawrogi pam y byddai pobl eisiau mynd ar deithiau cerdded yn ein cefn gwlad. Mae llawer o gerddwyr yn dod â chŵn gyda nhw ac er ein bod am i hynny barhau, y cyfan rydyn ni'n ei ofyn yw bod pobl yn parchu'r Cod Cefn Gwlad.

Mae digon o arwyddion rhybuddio a gwybodaeth am fynd â chŵn ar dennyn, felly'r cyfan rydyn ni'n ei ofyn yw eich bod chi'n barchus tuag at gefn gwlad yn enwedig yng nghyffiniau da byw.

A beth mae Shaun the Sheep yn feddwl am hyn i gyd?