Sialens 25 Llyfr

Beth am adduned wahanol ar ddechrau’r flwyddyn - y sialens o Ddarllen 25 llyfr yn 2025?

Ymunwch a’r Sialens hon i oedolion gan hefyd gefnogi’ch Llyfrgell leol. Galwch mewn i gasglu taflen bingo llyfr, darllenwch lyfr o bob un o’r themâu ar y daflen, mewn unrhyw drefn. Wrth ddychwelyd eich llyfr gofynnwch i aelod o staff stampio’r categori ar eich taflen. Cewch wobrau amrywiol ar ôl darllen 10, 20 a 25 o lyfrau tra bydd cyflenwad. Sialens ardderchog ar gyfer eich lles, mae modd ymuno hefyd ar-lein drwy eich cyfrif llyfrgell.

Mae manteision darllen yn cynnwys gwella eich hapusrwydd, lleihau lefelau straen ac yn ffordd wych o ymlacio a theimlo’n well.

Dewch i ymuno yn yr hwyl a darganfod rhywbeth newydd a gwahanol i ddarllen!

Sesiynau Hel Atgofion

Ymunwch â ni yn Llyfrgelloedd Rhuthun a Rhyl am baned, sgwrs ac i hel atgofion.

Bydd sesiynau yn cael eu cynnal yn y ddwy lyfrgell ar y dyddiadau canlynol:

• Llyfrgell Rhuthun: Chwefror 25 a Mawrth 25
• Llyfrgell Y Rhyl: Chwefror 18 a Mawrth 18

Cawn gwmni aelodau o ‘Making Sense’ sy’n archwilio rhyngweithio a chyfathrebu gyda chynulleidfa trwy wrthrychau a'r synhwyrau. Byddwn yn cyflwyno’r defnydd o Fagiau a Blychau Hel Atgofion yn y sesiynau sy’n cynnwys casgliad o lyfrau, cerddi, eitemau ac arogleuon sy’n ysgogi’r synhwyrau ac annog hel atgofion a thrafodaeth. Mae’r Blychau Hel Atgofion ar wahanol themâu fel Dyddiau Ysgol, Sinema a Lan y môr.

Mae’r sesiynau ar gyfer unigolion a hefyd staff mewn cartrefi gofal a phreswyl i gyfarfod mewn awyrgylch hamddenol gyda phaned.

Ymunwch â tîm Dechrau Da

Dyddiad cau: 10 Chwefror

Press Reader

PressReader yw eich stondin newyddion ddigidol ar gyfer papurau newydd a chylchgronau.

Gallwch gael mynediad at fwy na 7,000 o brif gyhoeddiadau’r byd drwy ap PressReader neu arlein. Gallwch gael mynediad i gyhoeddiadau fel y Daily Post, Guardian, Y Cymro a Vogue i’w darllen yn syth neu eu lawrlwytho i’ch dyfais. Mae’r cyhoeddiadau ar gael mewn mwy na 60 iaith ac o dros 120 o wledydd ar draws y byd.

I fwynhau hyn oll lawrlwythwch ap PressReader new ewch i’r wefan pressreader.com a mewngofnodwch gyda rhif eich cerdyn Llyfrgell.

Mynediad am ddim i eLyfrau

https://denbighshire.borrowbox.com/