'Miss A'

Fe atgyfeiriwyd Miss A at brosiect Cymunedau am Waith ym mis Hydref 2020. Prosiect cyflogadwyedd ydi Cymunedau am Waith sy’n cael ei ariannu gan Lywodraeth Cymru a Chronfa Gymdeithasol Ewrop. Nod y prosiect ydi cefnogi dinasyddion i fagu hyder unwaith eto er mwyn dychwelyd i hyfforddiant, gwirfoddoli a/neu waith.

Dros y blynyddoedd diwethaf, mae Miss A wedi bod trwy gyfnod anodd a arweiniodd at ddirywiad yn ei iechyd meddwl, a chyfnod byr yn y carchar. Ers gadael y carchar, mae Miss A wedi ymgysylltu’n dda gyda nifer o wasanaethau cefnogi ac mae hi wedi dilyn gofynion y gwasanaeth prawf.

Cyfeiriwyd Miss A at Cymunedau am Waith gan ei bod eisiau archwilio dewisiadau gwirfoddoli gwahanol a chael y gwaith gorau posibl yn y dyfodol, ond nid oedd hi’n sicr sut i gyrraedd ei nod. Yn rhan o’i chynllun cefnogi, fe ddyrannwyd Mentor iddi hi ac mae hi wedi bod yn derbyn cefnogaeth 1:1 unigryw ers hynny. Yn sgil cyfyngiadau Covid-19 yng Nghymru, mae’r holl gefnogaeth wedi bod yn digwydd ar ffurf galwadau ffôn a galwadau fideo. O fewn ychydig o apwyntiadau, cafodd Work Star ei lenwi er mwyn canfod y meysydd roedd Miss A yn hyderus ynddynt a ble roedd hi angen mwy o gefnogaeth. Roedd gwella hyder a iechyd meddwl Miss A yn ffactor pwysig yn cynorthwyo ei datblygiad, a dyna oedd prif ffocws cynllun gweithredu Miss A.

Yn sgil cyfyngiadau Covid-19, nid oedd gan Miss A fynediad at gyfrifiadur felly fe edrychodd y prosiect ar y posibilrwydd o brynu gliniadur a Microsoft Office a fyddai’n galluogi iddi gymryd rhan mewn galwadau fideo a hyfforddiant ar-lein.

Mae mentor Miss A wedi bod yn gweithio gyda hi’n wythnosol ar nifer o dasgau gwahanol sy’n helpu iddi adnabod ei sgiliau a sut i adeiladu arnynt ymhellach. Er bod gan Miss A brofiad blaenorol ym maes manwerthu, mae’r mentor wedi bod yn gweithio gyda hi i edrych ar opsiynau gwahanol ar gyfer cyfleoedd gwirfoddoli a gwaith yn y dyfodol er mwyn sicrhau pan fydd hi’n dychwelyd i weithio, y bydd yn faes y bydd hi’n ei fwynhau na fydd wedi’i gyfyngu i sector penodol. Yn ddiweddar, fe gwblhaodd Miss A gwrs gwytnwch ar-lein trwy ACT, system hyfforddiant ac archebion ar-lein y mae’r prosiect yn ei ddefnyddio’n rheolaidd. Mae nifer o’r cyrsiau bellach wedi cael eu haddasu i sesiynau ar-lein, o bell er mwyn caniatáu i gyfranogwyr ennill sgiliau a chymwysterau yn ystod y pandemig i fod yn barod i weithio. Mae’r cwrs gwytnwch yn cael ei arwain gan diwtor sy’n ymdrin â hunan-barch, hyder, dulliau ymdopi, iechyd meddwl yn y gwaith a bod yn gadarnhaol. Dywedodd Miss A bod y cwrs wedi bod yn ddefnyddiol iawn a’i bod yn defnyddio’r hyn mae hi wedi’i ddefnyddio yn ei gweithgareddau o ddydd i ddydd. Mae cyrsiau eraill bellach yn cael eu hystyried er mwyn parhau â dysgu Miss A.