Twristiaeth

Teithiau cerdded yn Sir Ddinbych

Mae’r tîm twristiaeth wedi bod yn ceisio llonni misoedd y gaeaf gyda chyfres o deithiau cerdded gan eu blogiwr gwadd Julie Brominicks, awdur 'The Edge of Cymru'.

Mae pob taith yn hygyrch drwy gludiant cyhoeddus a bydd map syml er mwyn dilyn pob un. Mae 8 ar y gweill i gyd dros y misoedd nesaf, felly cadwch olwg amdanynt ar ein llwyfannau cyfryngau cymdeithasol. Mae arnom eisiau eich ysbrydoli i archwilio ychydig bach mwy ar ein rhan hardd o’r byd.

Dyma’r tair taith gyntaf

Mae Llwybrau Cymru yn dilyn llwyddiant pum blwyddyn thema Croeso Cymru hyd yma - antur, chwedlau, y môr, darganfod, yr awyr agored. Mae’r blynyddoedd thema yn cyflwyno Cymru fel cyrchfan groesawgar, gynhwysol sydd ar agor trwy’r flwyddyn, boed hynny i’r anturiaethwyr dewr neu ymwelwyr sy’n dymuno ymlacio. Gan weithio gyda blwyddyn thema Croeso Cymru, mae’r tîm twristiaeth wedi llunio cyfres o ffilmiau byrion i gyflwyno llwybrau yn yr ardal, dan y thema cerdded, beicio, hygyrchedd, treftadaeth, yr awyr agored, celf a chrefft a’r teulu. Bydd y rhain hefyd yn cael eu lansio ar y llwyfannau cyfryngau cymdeithasol yn ystod y misoedd nesaf.

Mae modd gweld y cyntaf yma.

Fforwm Twristiaeth Sir Ddinbych Ar-lein

Mawrth 2024

Sesiynau am ddim trwy Zoom

Arloesi a rhagoriaeth

Dydd Iau, 21 Mawrth: 2pm i 3.15pm

Gwen Davies Gwinllan y Dyffryn – O’r winwydden i win yn Nyffryn Clwyd

Tom Taylor Rheilffordd Llangollen – Atyniad y Flwyddyn yng Nghwobrau Twristiaeth Gogledd Cymru 2023

Archebwch heddiw! https://Online-Tourism-Forum-Innovation-and-excellence.eventbrite.co.uk

Busnesau gyda straeon i'w hadrodd

Dydd Gwener, 22 Mawrth: 10.30am i 11.45am

Rob Price Gŵyl Rhuthun - Dathlu 30 mlynedd yn 2024

Gail Swan Siop Fferm Swans – Fferm fynydd draddodiadol a siop fferm sydd wedi ennill gwobrau

Archebwch heddiw! https://Online-Tourism-Forum-Businesses-with-stories-to-tell.eventbrite.co.uk

Y MANYLION