Sir Ddinbych yn llongyfarch disgyblion ar ganlyniadau Safon Uwch a TGAU

Mae'r Cyngor wedi llongyfarch disgyblion Sir Ddinbych yn derbyn eu canlyniadau Safon Uwch a TGAU yn ystod mis Awst.

Dywedodd y Cynghorydd Diane King, Aelod Arweiniol y Cabinet dros Addysg, Plant a Theuluoedd:

“Ar ran y Cyngor hoffwn longyfarch yr holl ddisgyblion sydd wedi derbyn eu canlyniadau Safon Uwch a TGAU. Mae nhw wedi gwneud ymdrech aruthrol i lwyddo ac wedi gweithio’n galed iawn i orchfygu nifer o rwystrau.

“Mae gwaith partneriaeth wych wedi digwydd i sicrhau bod myfyrwyr yn llwyddo ac yn cyflawni’r canlyniadau gorau bosibl ac mae disgyblion wedi derbyn cefnogaeth gan eu teuluoedd a’u hysgolion.

"Hoffwn ddiolch i bawb sydd wedi cefnogi ein myfyrwyr gweithgar dros y flwyddyn ddiwethaf.

“Rydym yn dymuno’r gorau i’r holl ddysgwyr ar eu camau nesaf.”