O fis Medi, bydd rhieni a gofalwyr bellach yn gallu gwneud ceisiadau ar gyfer y flwyddyn academaidd sy’n dechrau ym mis Medi 2025, gan ddefnyddio system Hunanwasanaeth Addysg newydd.

Bydd y system newydd yn cynnwys lleoedd mewn dosbarthiadau Meithrin, Derbyn, adrannau iau a Blwyddyn 7, a bydd yn helpu i symleiddio’r broses ymgeisio, gan ddarparu ffordd ganolog a hygyrch i rieni a gwarcheidwaid weld ceisiadau’n hawdd.

Er mwyn gallu defnyddio'r system hon, bydd angen i ddefnyddwyr sefydlu cyfrif diogel a darparu manylion perthnasol megis: 

• Eu manylion.
• Manylion eu plant.
• Yr ysgol yr hoffent eu dewis. 

Bydd y newid hwn yn ei gwneud yn haws i rieni a gofalwyr olrhain eu ceisiadau o'r dechrau i'r diwedd, gyda hysbysiadau am ganlyniadau hefyd yn cael eu darparu yn y system.

Rhaid derbyn ceisiadau cyn y dyddiadau cau a ddangosir uchod er mwyn cael eu hystyried. 

Ar gyfer ceisiadau mis Medi 2025, rhaid i ddisgyblion fod o'r oedran canlynol:

Gall rhieni a gwarcheidwaid sefydlu cyfrif drwy’r ddolen hon >>> Gallwch wybod mwy am yr Hunanwasanaeth Addysg yma.

Dywedodd Geraint Davies, Pennaeth Gwasanaeth Addysg Cyngor Sir Ddinbych:

“Bydd y cyfleuster ar-lein newydd hwn yn galluogi rhieni a gofalwyr i gyrchu ac olrhain eu ceisiadau o’r dechrau i’r diwedd yn haws. Mae cael y ceisiadau mewn un lle hefyd yn helpu os oes nifer o geisiadau yn yr arfaeth ar yr un pryd.”

Dywedodd y Cynghorydd Diane King, Aelod Arweiniol Addysg, Plant a Theuluoedd:

“Mae’n wych ein bod yn gwneud ein system derbyniadau ysgolion yn haws i’w defnyddio ac yn fwy hygyrch. Hoffwn ddiolch i bawb a gymerodd ran am eu holl waith caled yn datblygu a gweithredu’r system newydd hon.”