Haf o Hwyl yn ein Llyfrgelloedd

Cawsom lond lle o hwyl yn ein llyfrgelloedd dros yr haf, gyda rhaglen amrywiol a chreadigol o weithgareddau i gyd fynd gyda thema’r Sialens Ddarllen eleni - Y Crefftwyr Campus.

Trwy gymorth cyllid a drefnwyd ar y cyd gyda Hamdden Sir Ddinbych cynhaliwyd 20 o weithdai amrywiol yn yr wyth Llyfrgell gyda’r artistiaid lleol Tara Dean, Lisa Carter, Elen Williams a Jess Balla.

Cafodd y plant gyfle i wneud gwaith clai, printio collage, creu comic ac addurno hetiau papur.

Mwynhaodd teuluoedd weithgareddau bywiog tu allan gydag amser rhigwm a mynd am dro dan ofal y tîm Dechrau Da. Roedd sesiynau crefft galw-mewn yn Llyfrgell Dinbych a gweithdai ysgrifennu creadigol yn Llyfrgell Y Rhyl.

Cawsom hefyd ymweliad ac amser stori gan yr anhygoel Mama G yn Llyfrgelloedd Llanelwy, Rhyl a Dinbych.

Diwrnod Cenedlaethol Grŵp Llyfrau

Medi 12fed yw Diwrnod Cenedlaethol Grwpiau Darllen i ddathlu ein grwpiau darllen ar draws y DU.

Cynhelir grŵp darllen yn amryw o’n llyfrgelloedd, rhai yn Gymraeg a rhai yn Saesneg.

Os hoffech wybod mwy gwelwch y manylion ar ein gwefan neu holi yn eich Llyfrgell leol. 

Mae ymuno â grŵp darllen yn ffordd wych i gyfarfod pobl ac yn ôl ymchwil mae 91% o bobl yn mwynhau darllen mwy drwy fod yn rhan o griw darllen.