Borrowbox
Ydych chi wedi darganfod ein gwasanaeth Borrowbox eto?
Cewch fynediad am ddim i filoedd o eLyfrau a llyfrau sain a nawr rydym hefyd yn cynnig detholiad o bapurau newydd. Mae'r papurau newydd ar gael ar y diwrnod cyhoeddi ac yn edrych yn union fel y rhifyn printiedig.
Ymhlith y teitlau mae'r Daily Post, Y Cymro, y Daily Mail, yr Independent a'r Guardian. Lawrlwythwch ap Borrowbox i'ch ffôn neu ddyfais a mewngofnodwch gyda'ch cerdyn llyfrgell a'ch PIN.
Os nad ydych yn aelod o’r llyfrgell gallwch ymuno ar-lein a dechrau darllen ar unwaith. https://denbighshire.borrowbox.com/
Blychau Hel Atgofion
Wyddoch chi y gallwch fenthyg Blychau Hel Atgofion o'ch llyfrgell leol?
Mae’r Blychau Hel Atgofion wedi’u creu gan Making Sense CIO, gyda chyllid Dementia Aware Sir Ddinbych, ac maent yn cynnwys amrywiaeth o wrthrychau sydd wedi’u cynllunio i ddeffro’r synhwyrau, tanio sgyrsiau ac ailgynnau atgofion, ac maent yn ddelfrydol ar gyfer lleoliadau cartref gofal neu grŵp. Mae 5 blwch gwahanol i ddewis ohonynt.
Ail-fyw noson yn y sinema gyda'n hambwrdd tywysydd ym mlwch Sinema'r 1950au. Ail-ymwelwch â meysydd chwarae a dosbarthiadau ysgol y gorffennol gyda blwch Dyddiau Ysgol y 1950au, neu beth am drip i Lan Môr y 1950au. Bydd Sied y 1950au yn mynd â chi’n ôl i dincian yn y sied ac anturiaethau DIY, a bydd Gweithle’r 1950au yn mynd â chi yn ôl i weithleoedd y gorffennol.
Gellir archebu’r blychau a'u danfon i'ch llyfrgell leol i'w casglu, am ddim, a’u benthyg yn union fel llyfr.