Gan ychwanegu dau ddiwrnod arall at y cynllun eleni, bydd meysydd parcio canol tref a gaiff eu rhedeg gan y Cyngor am ddim i’w defnyddio ar draws Sir Ddinbych bob dydd o 3pm than 31 Rhagfyr. Cynhelir y cynllun hwn ochr yn ochr â’r 5 diwrnod parcio am ddim a gyflwynir i Gynghorau Tref a Dinas bob blwyddyn.

Mae’r cynllun parcio ‘Am Ddim Ar Ôl Tri’ yn agor dros 25 o feysydd parcio canol tref i breswylwyr gael eu defnyddio am ddim ar ôl 3pm. Mae’r fenter hon yn gwneud y prif strydoedd yn fwy hygyrch yn ystod un o’r cyfnodau masnachu prysuraf, gan helpu preswylwyr i gael mynediad at eu prif strydoedd lleol i siopa cyn y Nadolig a’r Flwyddyn Newydd.

Bydd y fenter ‘Am Ddim Ar Ôl Tri’ ar gael yn y meysydd parcio canlynol:

Meddai’r Cynghorydd Barry Mellor, Aelod Arweiniol yr Amgylchedd a Chludiant: “Mae’r fenter hon wedi bod yn boblogaidd bob blwyddyn oherwydd ei bod yn galluogi ein preswylwyr i gefnogi eu cymunedau lleol, a chael mynediad at siopau lleol yn ystod oriau siopa ar ôl gwaith neu ysgol.

“Rydym yn gobeithio y bydd pawb yn cefnogi ein prif strydoedd lleol wrth i’r Nadolig agosáu, a gobeithio y bydd y fenter hon yn annog mwy o bobl i ddefnyddio eu prif strydoedd lleol wrth siopa Nadolig.”