Hwb i drafnidiaeth i'r Gwasanaeth Ieuenctid

Mae Gwasanaeth Ieuenctid Sir Ddinbych wedi derbyn ychwanegiad trafnidiaeth newydd i helpu i gefnogi gweithgareddau awyr agored yn well.

Ar agor i bawb rhwng 11 a 25 oed, mae'r gwasanaeth ieuenctid yn cynnig gweithgareddau cymdeithasol a chyfleoedd dan do ac yn yr awyr agored i ddatblygu diddordebau yn ogystal â chymorth a chefnogaeth i unrhyw un sydd ei angen.

Mae Gwasanaeth Fflyd y Cyngor wedi caffael minibws newydd i helpu'r gwasanaeth i gynnal ei raglen o ddigwyddiadau i bobl ifanc ledled Sir Ddinbych.

Gan ddisodli cerbyd plât 2011 sydd wedi dod i ben, mae'r minibws Ford Transit newydd gyda lle i hyd at 18 o deithwyr wedi'i ddewis i helpu i wasanaethu rhwng clybiau'r Gwasanaeth Ieuenctid ledled y sir.

Dewiswyd y cerbyd diesel yn briodol hefyd oherwydd y llwyth gwaith y bydd yn mynd i'r afael ag ef ledled y sir.

Helpodd swyddog dylunio a lifrai mewnol y Gwasanaeth Fflyd i gynhyrchu'r edrychiad ar gyfer yr ychwanegiad newydd i gyd-fynd â brandio bywiog Gwasanaeth Ieuenctid Sir Ddinbych.

Dywedodd y Cynghorydd Diane King, Aelod Arweiniol dros Addysg, Plant a Theuluoedd: “Mae’r Gwasanaeth Ieuenctid yn darparu cyfleoedd amhrisiadwy i bobl ifanc ledled Sir Ddinbych ddysgu sgiliau newydd, meithrin hyder a gwneud cysylltiadau cadarnhaol. Bydd y bws mini newydd hwn yn helpu i sicrhau y gall hyd yn oed mwy o bobl ifanc gael mynediad at weithgareddau, digwyddiadau a chefnogaeth, waeth ble maen nhw’n byw yn y sir. Mae’n fuddsoddiad gwych yn ein pobl ifanc a dyfodol y gwasanaeth.”

Dywedodd y Cynghorydd Barry Mellor, Aelod Arweiniol dros yr Amgylchedd a Thrafnidiaeth: “Rydym yn gwybod pa mor bwysig yw cael trafnidiaeth i helpu ein pobl ifanc gyrraedd gweithgareddau ledled y sir. Rydym yn ddiolchgar i’n swyddogion fflyd am drefnu’r cludiant newydd hwn sy’n tynnu sylw at fywiogrwydd Gwasanaeth Ieuenctid Sir Ddinbych.”

Prosiectau Gwella Tai yn cael eu harddangos yn ystod teithiau o’r sir

Ymunodd Prif Weithredwr Cyngor Sir Ddinbych, Helen White, a’r Pennaeth Tai a Chymunedau, Heidi McDougall, dimau Tai ac Eiddo Cymunedol yn ddiweddar, ynghyd â’r Aelod Arweiniol ar gyfer Tai a Chymunedau, y Cynghorydd Rhys Thomas, ar gyfres o deithiau ar draws y sir i weld drostyn eu hunain yr ystod eang o welliannau i dai, datblygiadau newydd a phrosiectau cymunedol sy’n cael eu darparu i breswylwyr.

Roedd yr ymweliadau’n rhoi cyfle i arddangos buddsoddiad yng nghartrefi presennol y Cyngor, cynnydd ar ddatblygiadau tai newydd, ac effaith gadarnhaol gwytnwch cymunedol a mentrau amgylcheddol.

Cynhaliwyd y daith gyntaf, yng ngogledd y sir ym mis Ebrill, ac roedd hi’n cynnwys ymweliad i Gwynfryn Avenue, y Rhyl, lle gwnaed gwelliannau sylweddol ar dai i deuluoedd yn yr ardal. Mae’r gwaith wedi canolbwyntio ar wella effeithlonrwydd ynni, a chynyddu cynhyrchiad ynni adnewyddadwy, gan helpu preswylwyr i leihau costau ynni, a chreu cartrefi mwy cynaliadwy. Cafodd y grŵp gyfle i weld eiddo gwag hefyd, er mwyn gweld safon uchel y gwaith ailwampio sy’n cael ei gwblhau cyn ei drosglwyddo i’n tenantiaid newydd.

Aeth y daith ymlaen i Barc Bruton, y Rhyl, lle cafodd cyfleusterau cymunedol sy’n cael eu datblygu mewn partneriaeth gyda Gwasanaethau Gwytnwch Cymunedol a Chefn Gwlad eu hamlygu, cyn symud i Thornley Avenue i weld y gwaith parhaus o roi to newydd ar y cynllun yn ogystal â gosod paneli ffotofoltäig.

Arddangosodd ymweliad i Lys Llen, Prestatyn, gartrefi cyngor a adeiladwyd o’r newydd am y tro cyntaf mewn 30 mlynedd, gydag ymweliadau pellach i Orllewin y Rhyl yn arddangos y dulliau o weithio er mwyn darparu tai, gan gynnwys trawsnewid gofod swyddfa i gartrefi o safon uchel, a’r gwaith o ailwampio eiddo Fictoraidd mawr i lety modern i deuluoedd.

Cynhaliwyd yr ail daith ym mis Mai, a oedd yn canolbwyntio ar dde’r sir. Dechreuodd yr ymweliad yng Nghanolfan Gymunedol Pengwern, lle rhannodd staff o Bartneriaeth Gymunedol De Sir Ddinbych gwybodaeth am yr ystod eang o weithgareddau a gwasanaethau cefnogi sydd ar gael i breswylwyr lleol.

Yna, teithiodd y grŵp i Glawdd Poncen, Corwen, i ymweld â Llygadog, cynllun tai i bobl hŷn, lle arddangoswyd gwelliannau diweddar i’r adeilad, y gerddi, a chyfleusterau cymunedol, ynghyd â’r gweithgareddau sy’n helpu preswylwyr i gynnal eu lles corfforol a’u cyswllt.

Daeth y daith i ben yn Ninbych, gydag ymweliad i’r cartrefi newydd yn Llwyn Eirin, cyn ymweliad olaf yn Lloyd Avenue i weld eiddo a ailwampiwyd yn ddiweddar, a’r cyfleuster trac pwmpio poblogaidd, sy’n darparu gofod hamdden gwerthfawr i blant a phobl ifanc leol.

Meddai Aelod Arweiniol Tai a Chymunedau, y Cynghorydd Rhys Thomas:  “Roedd yr ymweliadau hyn yn gyfle gwych i weld y gwahaniaeth cadarnhaol mae ein buddsoddiad yn ei wneud i gymunedau ledled Sir Ddinbych drosom ein hunain. O wella’r ansawdd ac effeithlonrwydd ynni cartrefi presennol y cyngor i ddarparu tai fforddiadwy newydd a chefnogi mentrau a arweinir gan y gymuned, rydym wedi ymrwymo i greu lleoedd lle gall pobl ffynnu.

“Roedd hi’n arbennig o galonogol cwrdd â staff a phartneriaid sy’n helpu i gyflawni’r prosiectau hyn, ac i weld y manteision maent yn cynnig i breswylwyr. Mae’r ystod o waith sy’n cael ei gynnal ledled y sir yn arddangos ein hymrwymiad i ddarparu cartrefi o safon uchel, mynd i’r afael â heriau’r hinsawdd, ac adeiladu cymunedau cryfach, mwy gwydn ar gyfer y dyfodol.”

Amlygodd yr ymweliadau hyd a lled y buddsoddiad sy’n cael ei gynnal ledled Sir Ddinbych, o wella cartrefi presennol, ac adeiladu tai newydd i gefnogi cymunedau cryfach, mwy gwydn.

Mae’r gwaith yn cefnogi blaenoriaeth yn ein Cynllun Corfforaethol hefyd, o ran sicrhau bod gan Sir Ddinbych ddigon o dai o safon sy’n diwallu anghenion pobl.

Dau brosiect yn Sir Ddinbych wedi’u cydnabod gyda enwebiad ar gyfer Gwobr Arfer Da TPAS Cymru

Mae Cyngor Sir Ddinbych yn dathlu ar ôl i ddau brosiect gyrraedd rhestr fer Gwobrau Arfer Da TPAS Cymru 2026, sy’n cydnabod cyfraniad arbennig tenantiaid, thrigolion a gwasanaethau cymorth i helpu siapio gwasanaethau cymorth a helpu i lunio gwasanaethau tai a gwella bywydau ar draws y sir.

Mae’r enwebiadau yn amlygu effaith gadarnhaol o weithio mewn partneriaeth, o gynnwys tenantiaid, o ddylanwadu ar sut caiff gwasanaethau tai eu darparu i ddarparu cymorth wedi’i deilwra sy’n helpu trigolion i oresgyn rhwystrau a chyflawni eu nodau.

Mae'r enwebiad cyntaf, yn y categori ‘Ymgysylltu Tenantiaid mewn Mentrau/Prosiectau Amgylcheddol’, yn dathlu llwyddiant arbennig Prosiect Tyfu Rhodfa Miltwn yn Ninbych Uchaf.

Diolch i ymroddiad gwirfoddolwyr a phreswylwyr lleol, mae’r hen lain wair yng nghanol y stad wedi’i thrawsnewid yn ardd gymunedol liwgar. Mae’r prosiect bellach yn darparu cyfleoedd i bobl o bob oed ddysgu sgiliau newydd, tyfu bwyd, gwella eu lles ac adeiladu cysylltiadau cryfach â’u cymdogion.

Mae’r prosiect tyfu wedi dod yn le croesawgar a chynhwysol, gan gefnogi teuluoedd, annog rhyngweithio cymdeithasol a helpu i leihau unigrwydd yn y gymuned. Mae hefyd wedi creu cyfleoedd i drigolion lleol feithrin hyder, datblygu sgiliau newydd a dod yn wirfoddolwyr gweithgar.

Mae’r ail enwebiad, yn y categori ‘Rhaglen Cymorth/Cyngor i Drigolion’, yn cydnabod llwyddiant Rhaglen Cymorth Lles ac Cyflogadwyedd Sir Ddinbych yn Gweithio, sy’n gweithio’n agos gyda Gwasanaethau Tai a Chymunedau i gefnogi trigolion sy’n byw mewn tai cyngor ac mewn tai cymdeithasol eraill ar draws y sir.

Dros y flwyddyn ddiwethaf, mae’r rhaglen wedi darparu cymorth wedi’i deilwra i fwy na 260 o drigolion sy’n wynebu amrywiaeth o heriau personol, cymdeithasol a lles. Trwy fentora un-i-un, ymyriadau lles, cymorth cyflogadwyedd a mynediad at wasanaethau arbenigol, mae cyfranogwyr wedi cael eu cefnogi i wella eu hyder, eu gwydnwch a’u lles cyffredinol.

Mae’r rhaglen yn mabwysiadu dull sy’n canolbwyntio ar yr unigolyn, gan helpu pobl i oresgyn rhwystrau sy’n ymwneud â chyflogaeth, iechyd, hyder, allgáu digidol ac anawsterau ariannol. O ganlyniad i’r cymorth a ddarparwyd, mae mwy na 23 o drigolion tai cymdeithasol wedi symud i waith yn llwyddiannus, tra bo llawer eraill wedi datblygu sgiliau newydd, gwella eu lles ac ymgysylltu’n well â’u cymunedau.

Dywedodd y Cynghorydd Rhys Thomas, Aelod Arweiniol dros Dai a Chymunedau:

“Mae’r enwebiadau hyn yn gyflawniad gwych ac yn adlewyrchu’r ymrwymiad a ddangosir gan ein tenantiaid, trigolion, staff a’n partneriaid ar draws Sir Ddinbych. Mae’r ddwy enwebiad yn dangos yr effaith gadarnhaol y gellir ei chyflawni pan fyddwn yn gweithio gyda’n gilydd i gefnogi pobl a sicrhau bod eu lleisiau’n cael eu clywed. Boed hynny drwy helpu i lunio’r ffordd rydym yn cyfathrebu ac yn darparu gwasanaethau drwy gynnwys tenantiaid, neu drwy ddarparu cymorth ymarferol sy’n grymuso trigolion i wella eu lles a’u rhagolygon cyflogaeth, mae’r prosiectau hyn yn gwneud gwahaniaeth gwirioneddol i fywydau pobl. Hoffwn longyfarch pawb sy’n rhan o’r ddwy enwebiad a diolch iddynt am eu hymrwymiad parhaus i gefnogi cymunedau cryfach, mwy gwydn ar draws Sir Ddinbych.”

Dywedodd y Cynghorydd Jason McLellan, Arweinydd y Cyngor ac Aelod Arweiniol dros Dwf Economaidd a Thaclo Amddifadedd:

“Rwy’n falch iawn o weld Rhaglen Cymorth Lles ac Cyflogadwyedd Sir Ddinbych yn Gweithio yn cael ei chydnabod drwy’r enwebiadau hyn. Bob dydd, mae’r tîm yn gweithio gyda thrigolion sy’n wynebu ystod eang o heriau, gan ddarparu cymorth wedi’i deilwra sy’n helpu pobl i feithrin hyder, gwella eu lles a symud yn nes at gyflawni eu nodau. Yr hyn sy’n gwneud y rhaglen hon mor llwyddiannus yw ei dull sy’n canolbwyntio ar yr unigolyn. Mae’r tîm yn cymryd yr amser i ddeall amgylchiadau pob unigolyn ac yn gweithio ochr yn ochr â nhw i oresgyn rhwystrau, boed hynny’n ymwneud â dod o hyd i waith, gwella lles meddwl, cael mynediad at gyfleoedd hyfforddi neu gysylltu â gwasanaethau cymorth. Mae’r canlyniadau’n siarad drostynt eu hunain, gyda channoedd o drigolion yn elwa ar y rhaglen a llawer yn mynd ymlaen i sicrhau gwaith, datblygu sgiliau newydd a gwella ansawdd eu bywyd. Hoffwn longyfarch pawb sy’n rhan o’r gwaith a diolch i’r tîm am y gwahaniaeth cadarnhaol y maent yn parhau i’w wneud yn ein cymunedau ar draws Sir Ddinbych.”

Mae Gwobrau Arfer Da TPAS Cymru yn dathlu rhagoriaeth mewn ymgysylltu â thenantiaid, cyfranogiad cymunedol a gwasanaethau tai ledled Cymru, gan arddangos prosiectau sy’n darparu buddion ystyrlon i denantiaid a chymunedau.

Yn ogystal â chydnabod llwyddiant y prosiectau unigol mae’r enwebiadau hefyd yn cydnabod ymrwymiad parhaus Tai Sir Ddinbych i weithio ochr yn ochr â thenantiaid i lunio gwasanaethau a chefnogi cymunedau llewyrchus ar draws y sir.

Bydd y seremoni wobrwyo’n cael ei chynnal ar 17 Mehefin yn Hotel Marriott, Caerdydd, lle bydd sefydliadau tai o bob cwr o Gymru yn dod ynghyd i ddathlu arloesedd, gwaith partneriaeth ac arfer da yn y sector tai.

Helpwch i wella lles ein Sir

Gwahoddir preswylwyr Sir Ddinbych i helpu i lywio dyfodol eu cymunedau trwy gymryd rhan mewn arolwg cyhoeddus i’r sir gyfan sy’n asesu lles ein Sir.

Fe fydd adborth gan breswylwyr yn helpu i ni lunio’r Asesiad Lles ar gyfer Sir Ddinbych a Chonwy sy’n cynnal arolwg tebyg. Bydd y farn a gesglir o’r ddwy Sir yn helpu i lywio’r blaenoriaethau y bydd gwasanaethau cyhoeddus yn canolbwyntio arnynt dros y blynyddoedd i ddod, yn cynnwys Llywodraeth Leol, Iechyd, Tân ac Achub a Chyfoeth Naturiol Cymru.

Mae’n gyfle i bobl leol ddylanwadu ar benderfyniadau sy’n effeithio ar fywydau o ddydd i ddydd, o les y gymuned i gynllunio hirdymor.

Mae’n ofynnol bod cyrff cyhoeddus yng Nghymru yn cynllunio ar gyfer yr hirdymor ac ystyried anghenion cenedlaethau'r dyfodol gan wneud hynny ar y cyd o dan Fyrddau Gwasanaethau Cyhoeddus. Caiff Bwrdd Gwasanaeth Cyhoeddus Sir Ddinbych ei rannu gyda Sir Conwy. I wneud hynny’n effeithiol, maent angen deall yr hyn sy’n gweithio’n dda rŵan, pa heriau y mae cymunedau yn eu hwynebu, a sut fywyd yn y Sir y mae pobl ei eisiau yn y dyfodol.

Bydd pob ymateb a dderbynnir yn helpu i greu darlun cliriach o flaenoriaethau, pryderon a chyfleoedd a rennir yn Sir Ddinbych a Sir Conwy.

Meddai’r Cynghorydd Julie Matthews, Dirprwy Arweinydd ac Aelod Arweiniol Cydraddoldeb, Polisi a Strategaeth Gorfforaethol ac Asedau Strategol: “Mae’r ymarfer yma’n cael ei gynnal bob 5 mlynedd tra’n llunio prif strategaethau’r Cyngor. Rydym eisiau clywed gan breswylwyr o bob oedran gan fod hwn yn gyfle i chi helpu lles pawb yn y Sir yn y dyfodol. Mae eich llais yn bwysig.

“Po fwyaf o bobl a fydd yn cymryd rhan, y cliriach fydd y darlun a fydd gennym o’r hyn sy’n bwysig ar draws y Sir, felly treuliwch ychydig funudau yn rhannu eich barn.”

Mae angen tua 10 munud i lenwi’r arolwg ac mae’n cau dydd Gwener, 31 Gorffennaf 2026. Mae ar gael mewn fformatau eraill drwy gysylltu â’r Tîm Cynllunio Strategol drwy e-bostio timcynlluniostrategol@sirddinbych.gov.uk

I lenwi’r arolwg ar-lein defnyddiwch y ddolen hon https://www.sirddinbych.gov.uk/sgwrs-y-sir

Nodiadau i olygyddion:

Mae'r arolwg yn ymwneud â swyddogaeth statudol Bwrdd Gwasanaethau Cyhoeddus Conwy a Sir Ddinbych. Mae rhagor o wybodaeth ar gael yma: https://conwyanddenbighshirelsb.org.uk

Y Cyngor yn rhoi'r wybodaeth ddiweddaraf am brosiect parc poced y Rhyl

(Argraff arlunydd o Barc Poced Porth y Rhyl)

Ar ôl cael caniatâd cynllunio yn ddiweddar, mae Cyngor Sir Ddinbych yn symud ymlaen i gam nesaf y prosiect.

Roedd y Cyngor wedi gweithio gyda datblygwyr lleol yn y gorffennol i archwilio atebion posibl ar gyfer y safle. Fodd bynnag, heb unrhyw ddewis hyfyw a dirywiad parhaus yr adeiladau, prynodd y Cyngor yr adeiladau yn 2022 cyn eu dymchwel yn rhannol â chefnogaeth gan Raglen Trawsnewid Trefi Llywodraeth Cymru.

Yn 2025, cafodd Cyngor Sir Ddinbych bron i £20 miliwn o gyllid grant gan Lywodraeth y DU ar gyfer saith prosiect cyfalaf i wella balchder bro a’r amgylchedd naturiol yn y Rhyl, Prestatyn a Dinbych.

Yn rhan o'r gwaith gwella ehangach i bromenâd a pharth cyhoeddus y Rhyl, cynigiodd y Cyngor y syniad o gyflwyno parc poced ac ymgynghorodd â thrigolion y llynedd.

Cafodd y cynigion ar gyfer y safle eu llunio gan waith ehangach ‘Gweledigaeth y Rhyl’, a oedd yn tynnu sylw at bwysigrwydd amgylchedd o ansawdd uchel i’r dref, a’r Rhyl yw un o’r mannau â’r lefelau isaf o orchudd canopi coed yng Nghymru.

Rhoddwyd ystyriaeth ychwanegol i sut y bydd y gofod yn cael ei ddefnyddio a’i ofalu amdano yn yr hirdymor. Mae Cyngor Sir Ddinbych wedi gweithio ochr yn ochr â phartneriaid i sicrhau bod dyluniad y parc poced yn amgylchedd diogel a chroesawgar i bawb.

Yn rhan o baratoi'r cam nesaf, bydd tu mewn yr adeiladau'n cael ei glirio'n ddiogel cyn i unrhyw waith dymchwel ddechrau. Mae disgwyl i’r gwaith ddechrau ddydd Mercher 17 Mehefin.

Bydd y cam nesaf yn cynnwys penodi contractwr dymchwel, ac mae'r broses hon bellach yn cael ei pharatoi. Cynlluniwyd i’r gwaith dymchwel a'r prif waith adeiladu ddechrau ar ôl cyfnod yr haf, er mwyn lleihau unrhyw darfu ar fusnesau lleol, ymwelwyr a thraffig dros fisoedd yr haf.

Dywedodd y Cynghorydd Jason McLellan, Arweinydd ac Aelod Arweiniol Twf Economaidd a Threchu Amddifadedd:

“Mae’r prosiect hwn yn rhan o’r gwaith ehangach i gefnogi gwaith adfywio parhaus yn y Rhyl. Mae'r lleoliad yn borth allweddol i'r Rhyl, ac mae symud a disodli hen adeilad adfeiliedig â man gwyrdd deniadol a hygyrch yn rhan o’r cynlluniau.

“Bydd y Cyngor yn parhau i rannu’r wybodaeth ddiweddaraf wrth i’r prosiect fynd rhagddo ac mae’n annog trigolion a busnesau i ddilyn sianeli swyddogol i gael y wybodaeth ddiweddaraf”.

(Parc Poced Porth y Rhyl yn y nos)

Pobl ifanc yn cael eu cefnogi drwy raglen SKITTLES

Mae prosiect partneriaeth unigryw yn helpu pobl ifanc ledled Sir Ddinbych i feithrin hyder, ennill cymwysterau a datblygu sgiliau bywyd cadarnhaol drwy raglen ddatblygu bersonol arloesol chwe wythnos.

Mae prosiect SKITTLES, sy’n cael ei arwain gan Wasanaeth Ieuenctid Sir Ddinbych, yn cefnogi pobl ifanc 16 - 18 oed o bob rhan o’r sir sy’n profi digartrefedd, sydd mewn perygl o fod yn ddigartref, yn ymddieithrio oddi wrth addysg, neu sydd mewn perygl o gymryd rhan mewn ymddygiad gwrthgymdeithasol a’r system cyfiawnder troseddol.

Caiff y rhaglen ei darparu mewn partneriaeth ag amrywiaeth o sefydliadau gan gynnwys Gwasanaeth Tân ac Achub Gogledd Cymru, Heddlu Gogledd Cymru, Cymdeithas Ambiwlans Sant Ioan a Sir Ddinbych yn Gweithio. Mae’n rhoi cyfle i hyd at 12 o bobl ifanc ennill cymwysterau gwerthfawr, profiad ymarferol a mwy o hyder ynddynt eu hunain.

Dros gyfnod o chwe wythnos, mae’r cyfranogwyr yn gweithio gyda’i gilydd fel tîm wrth gwblhau amrywiaeth o gyrsiau a gweithgareddau achrededig. Mae’r rhain yn cynnwys cymhwyster Hylendid Bwyd Lefel 2 a ddarperir drwy Sir Ddinbych yn Gweithio, cymhwyster Cymorth Cyntaf Sylfaenol Lefel 3 a ddarperir gan Gymdeithas Ambiwlans Sant Ioan, a chymhwyster Agored Lefel 1 sy’n canolbwyntio ar ganlyniadau tân ac egwyddorion diogelwch tân drwy raglen Phoenix Gwasanaeth Tân ac Achub Gogledd Cymru.

Mae’r rhaglen hefyd yn cynnwys sesiynau ar berthnasoedd iach, gweithgareddau adeiladu tîm a phrosiectau cymunedol, gan helpu pobl ifanc i ddeall yn well effaith a chanlyniadau ymddygiad gwrthgymdeithasol. Mae dau Swyddog Cymorth Cymunedol yr Heddlu wedi’u hymgorffori yn y rhaglen i ddarparu cefnogaeth ac arweiniad ychwanegol drwyddi draw.

Fel rhan o’r rhaglen ddiweddaraf, cwblhaodd y grŵp brosiect cymunedol yng ngorsaf VIBE newydd gyda Sir Ddinbych yn Gweithio, gan helpu i adael cyfraniad cadarnhaol a pharhaol er budd eraill yn y dyfodol.

Daeth y rhaglen i ben gyda digwyddiad dathlu arbennig yng Ngwasanaeth Tân ac Achub Gogledd Cymru, lle derbyniodd y cyfranogwyr dystysgrifau o flaen aelodau eu teuluoedd, gofalwyr, cynghorwyr a chynrychiolwyr yr Awdurdod Tân.

Dywedodd Jo-anne Seddon, Gweithiwr Ymyrraeth wedi’i Thargedu ar gyfer Digartrefedd yng Nghyngor Sir Ddinbych: “Mae prosiect SKITTLES yn rhoi cyfleoedd i bobl ifanc na fyddent efallai byth yn eu cael fel arall. Mae’n ymwneud â llawer mwy na chymwysterau yn unig – mae’n eu helpu i ddatblygu hyder, gwydnwch, gweithio mewn tîm ac ymddiriedaeth, gan roi’r gefnogaeth a’r anogaeth sydd eu hangen arnynt i wneud dewisiadau cadarnhaol ar gyfer eu dyfodol.

“Mae’r gwaith partneriaeth sy’n rhan o’r rhaglen hon yn wych ac yn dangos yr hyn y gellir ei gyflawni pan fydd sefydliadau’n dod ynghyd i gefnogi pobl ifanc yn ein cymunedau.”

Dywedodd y Cynghorydd Diane King, Aelod Arweiniol Cyngor Sir Ddinbych dros Addysg, Plant a Theuluoedd: “Mae hon yn rhaglen ysbrydoledig sy’n gwneud gwahaniaeth gwirioneddol i fywydau pobl ifanc ledled Sir Ddinbych.

“Mae prosiect SKITTLES yn rhoi sgiliau ymarferol, cymwysterau cydnabyddedig a phrofiadau bywyd gwerthfawr i’r cyfranogwyr, tra hefyd yn eu helpu i deimlo eu bod yn cael eu cefnogi, eu cynnwys a’u gwerthfawrogi. Hoffwn ddiolch i’r holl bartneriaid sy’n rhan o’r gwaith am eu hymrwymiad a’u hymroddiad i helpu pobl ifanc i gyrraedd eu potensial.”

Os hoffech gael rhagor o wybodaeth am brosiect SKITTLES, cysylltwch â Jo-anne Seddon drwy e-bost: Jo-anne.seddon@sirddinbych.gov.uk.

Pwyntiau Siarad Sir Ddinbych i gynnwys sesiynau galw heibio i ofalwyr di-dâl fel rhan o Wythnos Gofalwyr

Bydd Pwyntiau Siarad o amgylch Sir Ddinbych yn cynnwys sesiynau galw heibio i ofalwyr di-dâl Sir Ddinbych drwy gydol Wythnos Gofalwyr yr wythnos hon, gydag aseswyr gofalwyr yn mynychu sesiynau Pwyntiau Siarad yn ystod yr wythnos ymwybyddiaeth.

Mae'r gefnogaeth a gynigir gan wasanaeth Pwyntiau Siarad drwy Lywiwyr Cymunedol y Groes Goch Brydeinig yn eang ei chyrhaeddiad, ac mae paru hyn â chymorth a chyngor gan aseswyr gofalwyr yn caniatáu i ofalwyr di-dâl gael cefnogaeth ar ystod eang o bynciau.

Dyma leoliadau ac amseroedd y Pwyntiau Siarad:

Bob dydd Llun (ac eithrio gwyliau banc) - Llyfrgell Llanelwy, 10:00am – 12.30pm

Bob dydd Mawrth - Llyfrgell y Rhyl a Llyfrgell Rhuthun, 10:00am – 12.30pm

Bob dydd Mercher - Llyfrgell Dinbych a Llyfrgell Corwen, 10:00am – 12.30pm

Bob dydd Iau - Llyfrgell Llangollen, 10:00am – 12.30pm

Bob dydd Gwener (ac eithrio gwyliau banc) - Llyfrgell Prestatyn a Llyfrgell Rhuddlan, 10:00am – 12.30pm

Bydd y sesiynau hyn yn caniatáu i ofalwyr di-dâl ddysgu am y gefnogaeth sydd ar gael yn eu hardaloedd lleol, heb orfod teithio ar draws y sir i gael mynediad at gefnogaeth.

Dywedodd y Cynghorydd Elen Heaton, Aelod Arweiniol dros Iechyd a Gofal Cymdeithasol:

“Nid yw gofalu am anwylyd bob amser yn hawdd, a dyna pam ei bod hi’n bwysig bod gofalwyr yn gwybod at ble y gallant droi am gefnogaeth.

Yn ystod Wythnos Gofalwyr, byddwn yn annog unrhyw un sy’n gofalu am aelod o’r teulu, ffrind neu gymydog i alw heibio i un o’r sesiynau hyn a darganfod mwy am y gefnogaeth sydd ar gael ledled Sir Ddinbych.”

Cartref Gofal Dolwen yn dathlu 60 mlynedd

Ddydd Llun (1 Mehefin), dathlodd cartref gofal Dolwen yn Ninbych 60 mlynedd ers ei sefydlu ac yr oedd digwyddiad i ddathlu i staff presennol a chyn-aelodau staff, preswylwyr a'u teuluoedd, ac ymwelwyr.

Agorodd y cartref gofal 32 ystafell wely sy’n cael ei redeg gan y Cyngor ei ddrysau am y tro cyntaf ar 1 Mehefin 1966.

I goffáu’r garreg filltir, gosodwyd nodwedd ddŵr yn yr ardal awyr agored ger mynedfa'r cartref. Roedd baneri a pharasolau yn addurno'r ardal awyr agored, ac yr oedd balŵns, posteri a baneri yn addurno y tu mewn i'r cartref.

Mae'r nodwedd ddŵr goffa sydd newydd ei gosod gyferbyn â chloc haul, a osodwyd i ddathlu hanner can mlwyddiant y cartref.

Ymwelodd disgyblion o'r ysgol leol Twm o'r Nant â’r cartref a gafodd gyfle i weld perfformiadau cerddorol drwy gydol y prynhawn.

Dywedodd Pamela Pack, Rheolwr Cartref Gofal Dolwen:

“Mae’r cartref gofal hwn yn golygu llawer i’r staff sy’n gweithio yma a’r preswylwyr sy’n byw yma. Roedd gallu dathlu 60 mlynedd o gartref gofal Dolwen yng nghwmni preswylwyr, eu teuluoedd a staff presennol a chyn-aelodau staff yn wych.

Mae gennym ni aelod o staff sydd wedi bod yma ers tua 40 o flynyddoedd, ac un arall sydd wedi bod yn gweithio yma ers 23 o flynyddoedd. Mae gennym ni breswylydd sydd wedi byw yn Nolwen ers bron i 15 mlynedd hefyd. Mae gallu dathlu’r garreg filltir hon gyda nhw yn golygu llawer iawn.

Hoffwn ddiolch i bawb a ddaeth draw am helpu i wneud y diwrnod yn un arbennig.”

Dywedodd Ann Lloyd, Pennaeth Gwasanaeth Gofal Cymdeithasol i Oedolion a Digartrefedd:

“Agorodd Dolwen yn 1966 ac mae wedi bod yn rhan annatod o’r gymuned yn Ninbych a’r cyffiniau ers degawdau, ac mae wedi dod yn gartref i’r unigolion sy’n byw yno.

Rwy'n falch iawn o'r staff gweithgar sy'n gweithio yn Nolwen, maen nhw'n helpu i sicrhau amgylchedd cynnes a chartrefol i'r preswylwyr.”

Dywedodd y Cynghorydd Elen Heaton, Aelod Arweiniol Iechyd a Gofal Cymdeithasol:

“Mae dathlu 60 mlynedd o gartref gofal Dolwen yn gyflawniad enfawr. Hoffwn longyfarch y staff a’r preswylwyr ar y garreg filltir hon.

Mae gan y cartref awyrgylch hyfryd a gofalgar, ac mae hynny oherwydd degawdau o waith caled ac ymroddiad.”

Tîm priffyrdd yn cael cefnogaeth cerbyd mwy gwyrdd

Mae cerbyd newydd yn helpu i gyflawni gwaith priffyrdd mawr ar draws Sir Ddinbych a siroedd cyfagos.

Mae Adran Fflyd Cyngor Sir Ddinbych wedi gweithio i gaffael cerbyd Priffyrdd newydd i helpu i gefnogi gwaith mawr gan staff yn yr adran yn well mewn modd mwy effeithlon a hirdymor i arbed costau.

Mae gan yr adran bellach fynediad at Citroën Ë-C5 Aircross sy'n darparu dros 400 o filltiroedd, sy’n cynnig arbedion hirdymor ar gostau rhedeg ac ôl troed carbon is o ganlyniad i’r ffaith nad oes allyriadau yn dod o’r bibell mwg.  Mae hwn wedi dod yn lle cerbyd Priffyrdd sy'n cael ei bweru gan danwydd ffosil sydd wedi cyrraedd diwedd ei oes.

Yr Adran Briffyrdd sy’n gyfrifol am gynnal a chadw ac atgyweirio 1,400 cilomedr o ffyrdd yn Sir Ddinbych. Mae staff yn cynnal rhaglen wedi ei chynllunio o waith i gynnal a gwella ffyrdd y sir, sy’n amrywio o atgyweirio tyllau i gynlluniau mawr i roi wyneb newydd ar ffyrdd.

Bydd y cerbyd hwn yn cael ei ddefnyddio gan dîm prosiectau mawr yr adran Briffyrdd i fynd i gyfarfodydd, ymweld â safleoedd ar gyfer arolygon ac archwiliadau, a goruchwylio gwaith adeiladu.

Bu i Gyngor Sir Ddinbych ddatgan argyfwng hinsawdd ac argyfwng ecolegol yn 2019 ac ers hynny mae wedi symud i ddefnyddio cerbydau di-allyriadau yn ei fflyd. Ar hyn o bryd, mae dros 20% o’r cerbydau yn ei fflyd yn gerbydau di-allyriadau.

Wrth i’r cerbydau sy’n defnyddio tanwydd ffosil gyrraedd diwedd eu hoes, mae Adran Fflyd y Cyngor wedi bod yn cyflwyno rhai trydan, gyda chefnogaeth sylweddol gan adrannau Llywodraethau Cymru a’r DU, er mwyn helpu i gwtogi ar yr allyriadau a gynhyrchir a lleihau costau hirdymor o ran milltiroedd a chynnal a chadw ar draws yr holl wasanaethau y mae ein fflyd yn eu cyflenwi ac i leihau’r ddibyniaeth ar gerbydau gydag injan diesel neu betrol.

Mae staff y Cyngor sy’n defnyddio cerbydau trydan hefyd yn cymryd rhan mewn pecyn hyfforddi gan yr Adran Fflyd, sy’n cynnwys sut i ddefnyddio isadeiledd gwefru cerbydau trydan yn ddiogel ac yn effeithlon, gwneud defnydd o systemau brecio atgynhyrchiol, a phryd i ddewis ‘dull gyrru’ yn seiliedig ar yr amodau neu lwythi.

Dywedodd y Cynghorydd Barry Mellor, Aelod Arweiniol yr Amgylchedd a Chludiant:  “Bydd yr ychwanegiad hwn at y tîm prosiectau mawr yn eu helpu nhw i gyflawni eu gwaith a sicrhau costau hirdymor is ar gyfer milltiroedd a gwaith cynnal a chadw rheolaidd.”

Glanhau sbwriel morol o draeth y Rhyl

Llenwyd naw bag o sbwriel morol yn ystod sesiwn gasglu sbwriel mewn ardal boblogaidd o draeth y Rhyl.

Ar ôl ymdrin â’r traethau ger maes parcio Dwyrain Nova a thraeth Barkby ym Mhrestatyn, trefnodd Dîm Perygl Llifogydd Cyngor Sir Ddinbych ddigwyddiad ar gyfer ardaloedd arfordirol o gwmpas Pafiliwn y Rhyl.

Gall sbwriel morol greu rhwystrau mewn dyfrffyrdd a draeniau, gan atal llif y dŵr, gan arwain at fwy o berygl o lifogydd yn lleol yn bellach i fyny’r afon.

Mae casglu sbwriel morol o’r traethau yn cefnogi amddiffynfeydd naturiol gan y gall traethliniau, twyni a dolydd morwellt gynnal eu swyddogaeth naturiol fel amddiffynfeydd yn erbyn y môr.

Bu tîm o 10, oedd yn cynnwys gwirfoddolwyr, Cadwch Gymru'n Daclus a’r tîm risg llifogydd, yn gweithio i lenwi naw bag o sbwriel. Roedd nifer yn cynnwys caniau diodydd ac fe wnaethant hyd yn oed glirio tarpolin oddi ar y traeth. 

Cafodd y digwyddiad yn y Rhyl ei gefnogi hefyd gan Cadwch Gymru’n Daclus a bu iddynt ddarparu rhywfaint o’r offer casglu sbwriel.

Meddai Claudia Smith, Swyddog Erydu Arfordirol a Pherygl Llifogydd: “Rydym wedi cael ymateb mor arbennig eto gan wirfoddolwyr sydd wedi ymroi i wneud gwahaniaeth i draethau’r ardal yma.  Drwy ymdrechion pawb, bydd llai o berygl o lifogydd lleol a difrod i'r amgylchedd a bywyd gwyllt morol hefyd ar ôl casglu’r sbwriel.

Meddai’r Cynghorydd Barry Mellor, yr Aelod Cabinet Arweiniol ar gyfer Priffyrdd a’r Amgylchedd:  “Mae’r grŵp ymroddedig yma wedi gwneud gwahaniaeth mawr i leihau sbwriel morol ym Mhrestatyn ac mae’n wych eu gweld nhw’n mynd i’r afael ag ardal y traeth ger Pafiliwn y Rhyl.  Mae angen i ni barhau i reoli’r perygl o lifogydd lleol oherwydd sbwriel morol yn golchi i fyny ar ein traethau sy’n gwanhau’r amddiffyniad rhag llifogydd.”

Tynnu sylw at system atal llifogydd arfordirol

Mae arwyddion newydd yn mynd i gael eu gosod er mwyn tynnu sylw’n well at system giatiau llifogydd arfordirol y Cyngor.

Mae tîm Atal Risg Llifogydd Cyngor Sir Ddinbych yn gosod arwyddion newydd ar giatiau llifogydd o’r Rhyl i Brestatyn er mwyn helpu’r cyhoedd i ddeall swyddogaeth y system.

Mae’r giatiau llifogydd arfordirol ar hyd cynllun amddiffynfeydd Prestatyn a’r Rhyl yn cael eu defnyddio i selio ardaloedd o amddiffynfeydd y môr sydd yn is er mwyn galluogi mynediad cyhoeddus i’n traethau. 

Mae’r giatiau yn gweithredu fel gorchuddion dros dro y gellir eu symud sydd wedi’u dylunio i atal llif dŵr o ymchwyddiadau stormydd, llanw uchel a llifogydd rhag effeithio ar gartrefi, busnesau a seilwaith arfordirol diamddiffyn sydd y tu ôl i’r amddiffynfeydd llifogydd ehangach. 

Mae rhai o giatiau llifogydd arfordirol Sir Ddinbych yn cael eu cau dros fisoedd y gaeaf oherwydd risg uwch o dywydd gwael. Serch hynny, dim ond pan fydd stormydd yn y rhagolygon tywydd a allai effeithio ar gymunedau ger y môr yn y Rhyl a Phrestatyn y mae giatiau llifogydd eraill yn cael eu cau.

Mae’r Cyngor hefyd yn gweithredu giatiau llifogydd sydd ar gau’n barhaol yn Arena Digwyddiadau y Rhyl, ac fe ellir eu hagor i gael mynediad ar frys i’r prom.

Mae’r tîm risg llifogydd wedi creu arwyddion newydd a fydd yn cael eu gosod fis nesaf i helpu preswylwyr lleol ac ymwelwyr i ddeall swyddogaeth y giatiau’n well i gefnogi pobl sydd yn defnyddio’r promenâd.  

Dywedodd y Cynghorydd Barry Mellor, Aelod Arweiniol yr Amgylchedd a Chludiant:  “Roeddem eisiau ei gwneud hi’n glir i breswylwyr sy’n byw ger yr arfordir ac ymwelwyr â’r Rhyl a Phrestatyn sut mae’r system giatiau llifogydd yn gweithredu gan ein bod yn gwybod bod rhai wedi bod yn holi pam fod rhai giatiau ar gau ers nifer o fisoedd. 

“Ar ôl iddynt gael eu gosod, gobeithio y bydd yr arwyddion newydd yn helpu’r rhai sy’n byw ger yr arfordir neu breswylwyr ac ymwelwyr sy’n dod i ddefnyddio’r prom rhwng y Rhyl a Phrestatyn i ddeall swyddogaeth y giatiau’n well, a’u helpu i flaengynllunio tra’u bod yn cerdded ar hyd yr arfordir.”

Bydd rhagor o wybodaeth am y system giatiau llifogydd yn cael ei chyhoeddi dros yr haf ar wefan Cyngor Sir Ddinbych.  I gael mwy o wybodaeth am risg llifogydd, ewch yma.

Hyfforddiant teithio ar fws am ddim yn helpu disgyblion i baratoi ar gyfer bywyd ar ôl ysgol

Mae gwasanaeth lles Sir Ddinbych yn Gweithio, Prosiect Barod, yn gweithio mewn partneriaeth gyda Bysiau Arriva Cymru i gyflwyno hyfforddiant teithio ar fws am ddim i ddisgyblion Blwyddyn 11 ar draws Sir Ddinbych, gan helpu pobl ifanc i fagu hyder ac annibyniaeth wrth iddynt baratoi i symud ymlaen i goleg, hyfforddiant neu gyflogaeth.

 Mae’r rhaglen yn ffurfio rhan o gefnogaeth ehangach Sir Ddinbych yn Gweithio i bobl ifanc, gan eu helpu i ddatblygu’r sgiliau, hyder ac annibyniaeth sydd ei angen i gymryd eu camau nesaf.

Mae’r fenter yn cefnogi disgyblion sydd wedi cael eu hatgyfeirio ar gyfer cefnogaeth lles a gwytnwch gan eu hysgolion. Mae’n dod â phobl ifanc o sawl ysgol uwchradd yn Sir Ddinbych ynghyd i gymryd rhan mewn sesiynau ymarferol i fagu hyder sy’n canolbwyntio ar ddefnyddio cludiant cyhoeddus yn ddiogel ac yn annibynnol.  Cynhelir dwy sesiwn ym mis Ebrill, ac mae sesiynau pellach wedi’u trefnu yn nes ymlaen yn y flwyddyn. 

Nod y rhaglen, gyda chynllun Ymyrraeth Gynnar Prosiect Barod, yw lleihau pryder mewn cysylltiad â theithio a chael gwared ar rwystrau y gallai pobl ifanc fod yn eu hwynebu ar ôl gadael ysgol. Mae gallu teithio’n annibynnol yn gam hollbwysig tuag at allu manteisio ar gyfleoedd addysg bellach, hyfforddiant a  gwaith. Trwy’r ymagwedd yma, mae Sir Ddinbych yn Gweithio yn helpu i fynd i’r afael â rhwystrau ymarferol ac emosiynol i ddatblygu, gan gefnogi pobl ifanc i symud ymlaen gyda mwy o hyder.

Mae Bysiau Arriva Cymru yn cyflwyno’r sesiynau yn rhad ac am ddim yn rhan o’i ymrwymiad i werth cymdeithasol, gan ddangos ei ymrwymiad i gefnogi pobl ifanc a chymunedau ar hyd a lled Sir Ddinbych.

Mae pob sesiwn yn cynnwys gweithdy byr i grŵp sy’n cael ei gyflwyno yn y gymuned. Mae pobl ifanc yn dysgu beth i’w ddisgwyl tra’n teithio ar fws, sut i gynllunio siwrneiau, darllen amserlenni, deall llwybrau a phrynu tocynnau. Mae’r sesiynau hefyd yn ymdrin â diogelwch bysiau, ymddygiad priodol, beth i’w wneud os aiff rhywbeth o’i le, ac o ble i gael cymorth os ydynt yn teimlo’n ansicr.

Mae staff Arriva hefyd yn cefnogi cyfranogwyr i osod ap teithio ar fysiau Llywodraeth Cymru ar eu ffôn sy’n darparu mynediad i deithio ar fysiau ar draws Cymru am £1.

Yna mae cyfranogwyr yn cymryd rhan mewn gweithgaredd i ymgyfarwyddo â bod ar fws, gan roi cyfle iddynt fynd ar fws, cyfarfod a siarad â’r gyrrwr, a dod yn gyfforddus â chynllun a’r amgylchedd cyn teithio'n annibynnol.

Mae’r cydweithio yma’n helpu i sicrhau bod sgiliau teithio ymarferol yn cael eu datblygu ochr yn ochr â chefnogaeth emosiynol a lles, gan roi’r hyder sydd ei angen ar bobl ifanc i gymryd eu camau nesaf.

Meddai Jen Dutton, Arweinydd Lles a Gwytnwch yn Sir Ddinbych yn Gweithio:

“I nifer o bobl ifanc, mae symud o’r ysgol i’r cam nesaf yn gallu teimlo’n llethol, yn enwedig os ydi arferion bob dydd megis teithio’n annibynnol yn achosi gorbryder.  Yn Barod, rydym ni’n canolbwyntio ar helpu pobl ifanc i deimlo’n barod yn emosiynol ar gyfer y newid hwnnw.  Mae gweithio gydag Arriva yn galluogi i ni gyfuno cefnogaeth lles gyda sgiliau ymarferol, gan roi’r hyder sydd ei angen ar bobl ifanc i symud ymlaen.”

Meddai Neil Atherton, Cydlynydd Gwerthoedd Cymdeithasol gyda Bysiau Arriva Cymru:

“Gall mynd ar fws deimlo fel rhywbeth bach, ond i rai pobl ifanc gall deimlo fel cam enfawr. Mae’r sesiynau yma’n ymwneud â thorri hynny i lawr, gan ddangos iddynt beth i’w ddisgwyl a rhoi’r hyder iddynt roi cynnig arni. Unwaith y byddant wedi cael eu cefnogi i wneud hyn, fe allwch chi wir weld y gwahaniaeth. Mae’r bobl ifanc yn mynd o deimlo wedi’u gorlethu ac ar goll, i weld eu bod nhw’n gallu gwneud hyn a sylweddoli sut mae hynny’n agor cymaint o gyfleoedd iddyn nhw. Yn Arriva, rydym ni yma i sicrhau bod pobl yn gallu gwneud mwy na mynd o A i B. Rydym ni eisiau i bobl ifanc deimlo’n hyderus yn defnyddio’r bws am oes, boed hynny er mwyn cyrraedd y coleg, mynd i’r gwaith neu weld ffrindiau. Y mwyaf o bobl sy’n dewis y bws, y gorau ydyw i’n cymunedau ac i’r amgylchedd, felly mae helpu pobl ifanc i fagu yr hyder yna’n bwysig iawn."

Fe bwysleisiodd y Cynghorydd Jason McLellan, Arweinydd y Cyngor ac Aelod Arweiniol Twf Economaidd a Threchu Amddifadedd:

“Mae’r bartneriaeth hon yn dangos gwerth cydweithio ar draws Sir Ddinbych.  Trwy Sir Ddinbych yn Gweithio ac Arriva, rydym ni’n cefnogi pobl ifanc i fagu hyder, annibyniaeth a’r sgiliau sydd ei angen arnynt i symud ymlaen."

Am ragor o wybodaeth am y rhaglen, neu i drefnu atgyfeiriad, cysylltwch â thîm Sir Ddinbych yn Gweithio ar 01745 331438 neu sirddinbychyngweithio@sirddinbych.gov.uk. Mae manylion sesiynau sydd ar ddod a gwybodaeth archebu hefyd ar gael drwy Eventbrite.

Mae Sir Ddinbych yn Gweithio wedi’i ariannu’n rhannol gan Lywodraeth y DU a sawl rhaglen arall, gan gynnwys Cymunedau am Waith a Mwy Llywodraeth Cymru, menter Trailblazer Cymru-DU, Cronfa Ffyniant Gyffredin y DU, a Chysylltu â Gwaith.

£45m i'r rhanbarth drwy Fwrdd Partneriaeth Rhanbarthol Gogledd Cymru i gefnogi trigolion bregus

Mae Bwrdd Partneriaeth Rhanbarthol Gogledd Cymru (BPRhGC) wedi helpu i sicrhau buddsoddiad cyfalaf gwerth mwy na £45 miliwn i wella gwasanaethau iechyd, gofal cymdeithasol a thai ar draws y rhanbarth, gan gefnogi rhai o'r bobl sydd fwyaf agored i niwed yng Ngogledd Cymru.

Gan weithio gyda phartneriaid ledled Gogledd Cymru, mae'r rhaglen hon wedi cyflawni prosiectau sy'n helpu pobl i fyw bywyd iachach a mwy annibynnol, a chryfhau'r ddarpariaeth o wasanaethau ar gyfer grwpiau agored i niwed fel pobl hŷn, plant ag anghenion cymhleth, pobl ag anableddau dysgu a'r rhai sy'n byw gyda dementia. Rhan allweddol o'r gwaith hwn yw datblygu canolfannau cymunedol lle mae gwasanaethau iechyd, gofal a chymorth yn cael eu darparu mewn un lle, gan ei gwneud hi'n haws i bobl gael mynediad at gymorth a lleihau'r pwysau ar ysbytai a gwasanaethau eraill.

Mae Canolfan Glanhwfa yn Llangefni, Ynys Môn wedi'i thrawsnewid yn ganolfan gymunedol fywiog sy'n cynnig cefnogaeth i bobl hŷn, gwasanaethau dementia, a gweithgareddau i deuluoedd a phobl ifanc. Mae'r datblygiad yn dod â nifer o wasanaethau o dan yr un to ac yn cynnig lle croesawgar yng nghanol y gymuned, gan ddangos yr effaith y mae'r cyllid hwn wedi'i chael.

Mae prosiectau mawr eraill yng Ngogledd Cymru yn cynnwys:

• Canolfan Asesu Plant Bwthyn y Ddôl, sy'n cynnig cefnogaeth arbenigol i blant ag anghenion cymhleth (llun o agoriad swyddogol fis Chwefror isod)
• Tŷ Croes Atti, cyfleuster gofal preswyl 56 gwely a ddarperir gan awdurdodau lleol a Bwrdd Iechyd Prifysgol Betsi Cadwaladr, ac sy'n cynnig llety o ansawdd uchel a chymorth arbenigol ar gyfer dementia
• Coed y Ddraig yn Sir y Fflint, canolfan gymunedol bwrpasol sy'n cefnogi oedolion ag anableddau dysgu, awtistiaeth ac anghenion iechyd meddwl

Mae cyllid hefyd wedi cynorthwyo canolfannau teulu, cartrefi plant, gwasanaethau seibiant a chynlluniau byw â chymorth ledled Gogledd Cymru.

Mae'r prosiectau'n cael eu hariannu drwy gyfuniad o raglenni cyfalaf Llywodraeth Cymru, gan gynnwys y Gronfa Gyfalaf Integreiddio ac Ailgydbwyso (IRCF) a'r Gronfa Iechyd a Gofal (HCF), ochr yn ochr â buddsoddiad gan awdurdodau lleol a phartneriaethau.

Dywedodd Dilwyn Morgan, Cadeirydd Bwrdd Partneriaeth Ranbarthol Gogledd Cymru:

“Mae cyllid buddsoddi cyfalaf Llywodraeth Cymru drwy raglenni cyfalaf IRCF a HCF wedi ein galluogi i weithio gyda phartneriaid ledled y rhanbarth i ddatblygu cyfleusterau sy'n wir adlewyrchu angen lleol. O ganolfannau cymunedol integredig i ddarpariaeth arbenigol ar gyfer pobl ag anableddau dysgu a dementia, mae'r buddsoddiad cyfalaf hwn yn cryfhau gwasanaethau ac yn helpu rhai o'n trigolion mwyaf agored i niwed i fyw bywydau iachach a mwy annibynnol.”

Mae Bwrdd Partneriaeth Rhanbarthol Gogledd Cymru yn dwyn ynghyd y chwe awdurdod lleol yng Ngogledd Cymru, Bwrdd Iechyd Prifysgol Betsi Cadwaladr (BIPBC), a phartneriaid yn y sectorau cyhoeddus a gwirfoddol i wella lles a sicrhau bod gwasanaethau'n bodloni anghenion lleol. Drwy ei raglen gyfalaf, mae'r Bwrdd wedi gweithio gyda phartneriaid ledled y rhanbarth i ddarparu cyfleusterau modern, sy'n canolbwyntio ar y gymuned ac sy'n helpu pobl i fyw bywydau iachach a mwy annibynnol.

Am ragor o wybodaeth, ewch i wefan Bwrdd Partneriaeth Ranbarthol Gogledd Cymru:

Digwyddiad galw heibio am ddim i ofalwyr yn Ninbych i arddangos y cymorth sydd ar gael

Gwahoddir gofalwyr ledled Sir Ddinbych i fynychu digwyddiad galw heibio am ddim ‘Coffi, Cacen a Sgwrs i Ofalwyr’ yn HWB Dinbych ddydd Llun, 8 Mehefin, rhwng 1pm a 3pm, gan gynnig cyfle gwerthfawr i gysylltu, sgwrsio a darganfod yr ystod eang o wasanaethau cymorth sydd ar gael yn lleol.

Mae'r digwyddiad ar agor i unrhyw un mewn rôl ofalu, gan gynnwys gwirfoddolwyr, y rhai sy'n cefnogi aelodau'r teulu neu ffrindiau, a phobl sy'n gweithio yn y sector gofal.  P'un a yw rhywun yn newydd i ofalu neu â blynyddoedd o brofiad, nod y sesiwn yw darparu gwybodaeth, canllawiau a chymorth defnyddiol mewn lleoliad hamddenol.

Bydd cyfle gan y rhai sy'n mynychu i gysylltu â nifer o sefydliadau sy'n cynnig cyngor a gwasanaethau arbenigol, gan gynnwys NEWCIS, Cymru Gynnes, gwasanaethau cymorth lles, Fy Nghartref Sir Ddinbych, a sefydliadau lleol eraill.

Wedi'i gynllunio fel sesiwn galw heibio anffurfiol, gall pobl ddod draw ar amser sy'n addas iddynt, cael sgwrs gyda gweithwyr proffesiynol, a dysgu am y cymorth ymarferol sydd ar gael, o gyngor ariannol a chymorth rheoli amser i adnoddau lles a chanllawiau tai.

Gall cefnogaeth fel hyn wneud gwahaniaeth gwirioneddol. Daeth Courtney, 25, i Sir Ddinbych yn Gweithio wrth gydbwyso chwilio am swydd â gofalu am ei mab, sydd ag awtistiaeth. Gyda'r gefnogaeth gywir, fe wnaeth hi feithrin ei hyder, cwblhau hyfforddiant, a sicrhau lleoliad gwaith mewn ysgol leol, gan ddangos sut y gall mynediad at y cymorth cywir agor cyfleoedd newydd.

Dywedodd y Cynghorydd Jason McLellan, Arweinydd y Cyngor ac Aelod Arweiniol Twf Economaidd a Threchu Amddifadedd:

"Rydym yn gwybod nad yw llawer o ofalwyr bob amser yn gweld eu hunain fel gofalwyr, ac o ganlyniad efallai nad ydynt yn sylweddoli pa gefnogaeth sydd ar gael iddynt.  Mae'r digwyddiad hwn yn ymwneud â chreu lle cyfeillgar, anffurfiol lle gall pobl ddod draw, cael sgwrs, a darganfod pa gymorth sydd ar gael.  Gall hyd yn oed y mymryn leiaf o gefnogaeth wneud gwahaniaeth mawr."

Ychwanegodd Zienna-Lynn Teece-Lockley, Mentor Cyflogaeth Cymunedol:
"Mae gofalwyr yn hanfodol yn ein cymunedau, gan roi eraill yn gyntaf yn aml.   Fel mentor sy'n arbenigo mewn cefnogi gofalwyr, rwy'n teimlo bod y digwyddiad hwn yn gyfle gwych iddynt gymryd peth amser iddynt eu hunain, darganfod pa gefnogaeth sydd ar gael, a gwneud cysylltiadau â sefydliadau a all helpu i wneud eu rôl ychydig yn haws."

Nid oes angen archebu gan y gall trigolion alw heibio i HWB Dinbych rhwng 1pm a 3pm ar 8 Mehefin.

Mae cefnogaeth Sir Ddinbych yn Gweithio am ddim, ac ar gael i unrhyw un 16+ oed sy’n byw yn Sir Ddinbych sy’n dymuno cymorth i symud ymlaen.

Gall preswylwyr ddysgu mwy ar: https://www.denbighshire.gov.uk/cy/swyddi-a-gweithwyr/sir-ddinbych-yn-gweithio/sir-ddinbych-yn-gweithio.aspxe

Mae Sir Ddinbych yn Gweithio wedi’i ariannu’n rhannol gan Lywodraeth y DU a sawl rhaglen arall, gan gynnwys Cymunedau am Waith a Mwy Llywodraeth Cymru, menter Trailblazer Cymru-DU sy’n targedu anweithgarwch economaidd, Cronfa Ffyniant Gyffredin y DU, a Chysylltu â Gwaith.

Lansio llwyddiannus Gorsaf VIBE yn nodi dechrau cynnig cymorth newydd yn Y Rhyl

Mae gwaith lansio Gorsaf VIBE gan Sir Ddinbych yn Gweithio wedi dod â phreswylwyr, partneriaid a gwasanaethau at ei gilydd ar gyfer diwrnod a oedd yn canolbwyntio ar les, cymorth a chyfleoedd.

Wedi’i gynnal ar 29 Mai yn Y Rhyl, fe groesawodd y digwyddiad dros 120 o fynychwyr, gan gynnwys cynghorwyr lleol, sefydliadau partner a gwasanaethau cymunedol, i gyd yn dod at ei gilydd i brofi’r lle newydd a’r hyn sydd i’w gynnig.

Mae Gorsaf VIBE wedi’i datblygu fel lle gall pobl gael mynediad at gymorth ar unrhyw gam o’u taith, gan ganolbwyntio ar les, hyder a chynnydd tuag at gyflogaeth. Roedd y lansiad yn nodi dechrau’r dull newydd hwn, gan ddangos sut y bydd yr orsaf yn dod â gwasanaethau ynghyd mewn un lleoliad hygyrch a chroesawgar.

Drwy gydol y diwrnod, cafodd ymwelwyr gyfle i gymryd rhan mewn ystod o weithgareddau, gan gynnwys y cyfle i helpu i greu fersiwn LEGO o bont enwog Claude Monet, Bridge over a Pond of Water Lilies, a fydd yn cael ei harddangos yng Ngorsaf VIBE, yn ogystal â sesiynau peintio “Parod, Cyson, Crefft” a chornel gofnodi yn cyflwyno ffyrdd syml y gall cadw dyddiadur gefnogi lles a hunan-fyfyrdod.

Gwnaeth y digwyddiad hefyd dynnu sylw at bwysigrwydd gweithio mewn partneriaeth, gan annog sefydliadau i archwilio cyfleoedd i ddarparu gwasanaethau, gweithgareddau a chymorth o’r lle hwn fel rhan o’i rôl fel Sylfaen Integredig Weledol ar gyfer Cyflogaeth.

Dywedodd Melanie Evans, Prif Reolwr Cyflogaeth Strategol:
“Mae’r ymateb i Orsaf VIBE wedi bod yn eithriadol, gyda nifer gwych o bobl yn bresennol ac adborth cadarnhaol dros ben o’r diwrnod cyntaf. Mae’r lansiad wedi bod yn gam cyntaf hanfodol wrth gyflwyno lle sy’n canolbwyntio ar les fel rhan o’r daith tuag at gyflogaeth. Mae’n amlwg bod diddordeb cryf gan breswylwyr a phartneriaid, ac rydym yn edrych ymlaen at barhau i ddatblygu’r cynnig a chefnogi pobl i symud ymlaen ar eu cyflymder eu hunain.”

Meddai’r Cynghorydd Jason McLellan, Arweinydd y Cyngor ac Aelod Arweiniol Twf Economaidd a Threchu Amddifadedd:
“Mae lansio Gorsaf VIBE yn garreg filltir bwysig i’r Rhyl ac i Sir Ddinbych. Mae’n dangos ein hymrwymiad i fuddsoddi mewn pobl a chreu cymorth hygyrch yn y gymuned. Dim ond y dechrau yw hyn, ac rydym yn edrych ymlaen at weld yr effaith gadarnhaol y bydd y lle hwn yn ei chael wrth iddo ddatblygu.”

Bydd Gorsaf VIBE bellach yn dechrau ar ei rhaglen weithgareddau parhaus, gan gynnig mynediad i breswylwyr at gymorth lles, cyfleoedd hyfforddi ac arweiniad un-i-un.

Anogir partneriaid a sefydliadau i barhau i ymgysylltu â Sir Ddinbych yn Gweithio i archwilio sut y gallant fod yn rhan o Orsaf VIBE a chyfrannu at ddull mwy unedig o ddarparu cymorth ar draws y gymuned.

Mae cefnogaeth un i un Sir Ddinbych yn Gweithio am ddim, ac ar gael i unrhyw un 16+ oed sy’n byw yn Sir Ddinbych sy’n dymuno cymorth i symud ymlaen.

Gall preswylwyr ddysgu mwy ar ein gwefan.  

Mae Sir Ddinbych yn Gweithio wedi’i ariannu’n rhannol gan Lywodraeth y DU a sawl rhaglen arall, gan gynnwys Cymunedau am Waith a Mwy Llywodraeth Cymru, menter Trailblazer Cymru-DU sy’n targedu anweithgarwch economaidd, Cronfa Ffyniant Cyffredin y DU (UKSPF), a Chysylltu â Gwaith.

Cartref Gofal Dolwen yn cael sgoriau 'da' yn adroddiad arolygu AGC

Mae adroddiad arolygu gan Arolygiaeth Gofal Cymru (AGC) ar Gartref Gofal preswyl Dolwen yn Ninbych wedi cael sgoriau ‘da’ ym mhob un o’r pedwar maen prawf.

Cafodd y cartref gofal, sy'n cael ei redeg gan Gyngor Sir Dinbych, ei arolygiad mwyaf diweddar ym mis Rhagfyr.

Nododd crynodeb yr arolwg fod staff yn “darparu gofal a chymorth o ansawdd da, gan annog y bobl i gynnal cymaint o annibyniaeth â phosibl” ac yr oedd yn cydnabod bod pobl “yn byw mewn gwasanaeth sy’n gartrefol ac yn gyfforddus ac yn darparu mynediad da at gyfarpar arbenigol sy’n diwallu eu hanghenion.” Roedd crynodeb yr arolwg hefyd yn nodi: “Mae'r rheolwr a'r unigolyn cyfrifol yn hawdd mynd atynt ac yn gyfeillgar, ac maent yn sicrhau eu bod yn gwrando ar y bobl ac yn eu trin ag urddas a pharch.”

O ran lles, sy'n un o'r pedwar maen prawf, cafodd y cartref gofal sgôr 'da', ac yr oedd yr adroddiad yn tynnu sylw at y ffaith bod preswylwyr "yn cael cynnig dewisiadau cyson o ran gweithgareddau dyddiol ac maent yn cael cyfleoedd i gyrraedd eu potensial drwy gymryd rhan mewn gweithgareddau ystyrlon" a bod y cartref "yn cynnig rhaglen amrywiol o weithgareddau".

Cafodd amgylchedd diogelu’r cartref ei ganmol hefyd, ac yr oedd yr adroddiad yn nodi bod preswylwyr “yn teimlo'n ddiogel o wybod na all unrhyw un gael mynediad i'r adeilad heb i'r staff gofal wybod pwy ydynt” a’u bod nhw hefyd “yn teimlo'n hyderus ac yn gyfforddus i godi unrhyw broblemau neu bryderon gyda'r staff gofal”.

Roedd yr adran hon yn yr adroddiad hefyd yn canmol natur agos-atoch y staff, a nododd yr arolygwyr bod “y rheolwr yn hawdd mynd ato, a nododd un person nad oes byth angen iddo siarad â'r rheolwr gan fod y staff gofal yn ymdrin yn effeithiol ag unrhyw broblemau sydd ganddo.”

Ar nodyn tebyg, nododd yr adroddiad fod ymwelwyr fel teulu neu ffrindiau preswylwyr wedi cael “croeso” a bod preswylwyr yn cael eu “hannog i ddatblygu ac i gynnal cydberthnasau sy'n bodoli eisoes â theulu, ffrindiau a phobl sy'n bwysig yn eu bywydau gymaint â phosib.”

Aeth yn ei flaen i nodi “dywedodd y perthnasau y gwnaethom siarad â nhw eu bod yn fodlon ar y gwasanaeth gan ddweud eu bod yn cael gwybodaeth reolaidd.”

Cafodd y gwasanaeth ei ganmol hefyd am gyflawni Cynnig Gweithredol Cymru, a disgrifiwyd bod y gwaith o hyrwyddo’r Gymraeg a diwylliant Cymraeg wedi’i “integreiddio'n llawn i'r gwasanaeth.”

O ran gofal a chymorth, cafodd y cartref gofal sgôr 'da'.

Nododd yr adroddiad fod “cynlluniau personol y bobl yn seiliedig ar gryfderau ac yn amlinellu sut y dylai'r staff eu cefnogi i gyflawni eu canlyniadau llesiant” sy’n cynnwys proffiliau "un dudalen manwl ar waith sy'n cofnodi eu hoff bethau, eu cas bethau, a gwybodaeth werthfawr i'r staff gofal wybod amdanynt yn glir.” Roedd yr adroddiad yn canmol y ffordd yr oedd y cartrefi gofal yn trin ac yn rhoi meddyginiaeth, a nododd bod “cofnod clir i olrhain effeithiolrwydd y feddyginiaeth hon ac unrhyw sgîl-effeithiau.”

Wrth asesu'r amgylchedd yn y cartref gofal, a gafodd sgôr 'da' hefyd, nododd yr adroddiad fod preswylwyr yn “byw mewn gwasanaeth cartrefol a chyfforddus ac mae amrywiaeth o ardaloedd gwahanol ar gael iddynt dreulio amser ar eu pen eu hunain, cymdeithasu neu ddiddanu ymwelwyr."

Gwnaeth yr adroddiad hefyd ganmol hygyrchedd yn yr ardal hon, a’r “amrywiaeth o gyfarpar arbenigol ar gael i'r bobl.” Aeth ymlaen i gynnwys canllawiau drwy’r cartref, yn ogystal â diogelwch yr adeilad ei hun.

Cafodd arweinyddiaeth a rheolaeth yn y cartref gofal sgôr ‘da’, ac mae’r adroddiad yn canmol y “prosesau archwilio effeithiol” o ran ansawdd y gofal. Tynnodd yr adroddiad sylw at y ffaith bod prosesau "dethol a fetio llym wrth gyflogi staff er mwyn sicrhau bod pob aelod o'r staff yn gymwysedig ac yn ddibynadwy.”

Aeth ymlaen i nodi bod staff wedi dweud eu bod nhw’n “teimlo eu bod yn cael eu cefnogi'n dda yn eu rolau a bod aelodau'r tîm rheoli yn hawdd mynd atynt ac yn rhagweithiol a bod ganddynt hyder ynddynt.”

Dywedodd Ann Lloyd, Pennaeth Gwasanaethau Gofal Cymdeithasol Oedolion a Digartrefedd:

“Mae staff cartref gofal Dolwen yn gweithio mor galed, ac rwy’n falch o weld hyn yn cael ei gydnabod yn yr adroddiad arolygu diweddaraf hwn gan AGC.”

Mae’n amlwg o'r adroddiad hwn pa mor gartrefol mae'r staff yn gwneud y cartref gofal hwn, a pha mor dda yw'r berthynas rhwng y staff a'r preswylwyr. Hoffwn ddiolch i’r staff sy’n gweithio’n ddiflino bob dydd am eu hymdrechion, sydd wedi’u cydnabod yn yr adroddiad hwn.”

Agor caban cymunedol newydd yn Ysgol Cefn Meiriadog

Mae’r gwaith o adeiladu eco-gaban cymunedol yn Ysgol Cefn Meiriadog wedi’i gwblhau bellach, ac mae’r adeilad yn gwbl weithredol ac yn cael ei ddefnyddio.

Wedi'i ariannu drwy’r fenter ysgolion bro gan Lywodraeth Cymru, fe ddechreuodd y gwaith o adeiladu’r caban yn gynharach eleni, ac mae’n cynnwys ardal gegin, toiled hygyrch a phrif ofod eang y gall yr ysgol a'r gymuned leol ei ddefnyddio.

Y Caban newydd wedi’i gwblhau

Mae gan y caban ôl troed 60 metr sgwâr ac mae’n ofod sy’n cefnogi ymgysylltu â theuluoedd, cydweithio gyda gwasanaethau eraill ac anghenion cymuned yr ysgol.  

Yn ogystal â’r caban, bydd paneli solar yn cael eu gosod ar do prif adeilad yr ysgol gan leihau effaith carbon y prosiect hwn. 

Meddai Laura Martin, Pennaeth Ysgol Cefn Meiriadog:

"Rydym yn hynod falch bod y caban cymunedol ar agor ac yn fwrlwm o weithgarwch. Mae’n adnodd hanfodol sy’n pontio'r bwlch rhwng ein hysgol a'r gymuned ehangach ac rydym wrth ein bodd gyda'r canlyniad. 

Hoffem ddiolch i Lywodraeth Cymru a Sir Ddinbych am ddyrannu cyllid. Mae gennym bellach ofod pwrpasol a chynaliadwy, lle mae modd i deuluoedd gysylltu, i wasanaethau gydweithio ac i’n disgyblion ddefnyddio am flynyddoedd i ddod.”

Meddai’r Cynghorydd Diane King, Aelod Arweiniol Addysg, Plant a Theuluoedd:

"Rwy'n falch o weld bod y prosiect newydd hwn wedi’i gwblhau erbyn hyn. Bydd yn ased gwych i’r ysgol a’r gymuned.

Yn ogystal â bod o fudd i’r ysgol a’r disgyblion, bydd y gymuned hefyd yn elwa o’r caban newydd hwn yn Ysgol Cefn Meiriadog, sy’n darparu gofod newydd a chyffrous i’w ddefnyddio. 

Gan ddisodli adeilad hŷn, hen ffasiwn, mae'r prosiect caban newydd hwn yn cynnig ased newydd eang a modern i'r ysgol.”

Y wybodaeth ddiweddaraf am waith cynnal a chadw cylchol ar ffyrdd

Bydd gwaith cynnal a chadw cylchol yn cael ei gynnal ger Llanelwy a Rhuddlan ddechrau mis Mehefin.

Bydd gwaith torri gwair, strimio, casglu sbwriel ac ysgubo yn cael ei gwblhau ar Ffordd Ddeuol yr A525 rhwng Cylchfan Talardy a chylchfan Bryn Cwybyr ac ar yr A547 Ffordd Abergele, ar y dyddiadau sydd wedi’u nodi isod.

• A525 Talardy i KFC - Ffordd ar Gau - Dydd Llun, 1 Mehefin a Dydd Mawrth, 2 Mehefin 2026
• A525 Ffordd Osgoi Rhuddlan - Ffordd ar Gau - Dydd Mawrth, 3 Mehefin
• A525 Cylchfannau Bryn Cwybr a Ffordd Derwen - Cau Lôn - Dydd Iau, 4 Mehefin
• A547 Ffordd Abergele i Gylchfan Borth i Ffin y Sir - Dydd Llun, 8 Mehefin

Bydd y gwaith yn cael ei wneud rhwng 7pm a 6am ac yn cymryd 3 noson i’w wneud.  I sicrhau y cyflawnir y gwaith yn ddiogel, bydd yr A525 a’r A547 ar gau i gerbydau a cherddwyr ar y dyddiadau a’r amseroedd a nodir.

Dywedodd y Cynghorydd Barry Mellor, Aelod Arweiniol yr Amgylchedd a Chludiant:  “Bydd ein timau priffyrdd a gwasanaethau stryd yn gweithio’n galed dros y cyfnod hwn i wella’r llwybrau hyn, a hoffem ymddiheuro am unrhyw anghyfleustra a achoswyd a byddem yn ddiolchgar o’ch cydweithrediad a’ch amynedd dros y cyfnod hwn.

Bydd arwyddion ar gyfer y llwybr gwyro amgen i bob rhan o’r ffyrdd fydd ar gau.

Cabinet yn cefnogi prosiect gwres carbon isel Neuadd y Sir

Mae Cabinet Cyngor Sir Ddinbych wedi cefnogi camau cychwynnol y gwaith i wella effeithlonrwydd ynni yn Neuadd y Sir Rhuthun, yn ddibynnol ar lwyddiant y cais cyllid i Lywodraeth Cymru.

Cefnogodd Aelodau’r Cabinet y broses i sicrhau cyllid grant o Grant Gwres Carbon Isel Llywodraeth Cymru i gychwyn prosiect gwres carbon isel Neuadd y Sir.

Mae’r gwaith hwn yn rhan o waith parhaus Tîm Ynni Cyngor Sir Ddinbych i leihau defnydd ynni a chostau mewn adeiladau a gaiff eu rhedeg gan yr awdurdod lleol i fynd i’r afael â’r argyfwng hinsawdd a natur a gafodd ei ddatgan yn 2019 a pharhau â’r gwaith i leihau ei ôl-troed carbon ei hun.

Mae'r tîm wedi gofalu am brosiectau ar draws adeiladau’r Cyngor yn cynnwys ysgolion, er mwyn helpu i wella effeithlonrwydd ynni adeiladau, lleihau allyriadau carbon a chostau defnyddio dros y tymor hwy hefyd.

Adeiladwyd Neuadd y Sir dros 20 mlynedd yn ôl ac mae’n cyfrannu allyriadau carbon sy’n uwch nag sy’n angenrheidiol bob blwyddyn gan fod asedau allweddol yn yr adeilad bellach yn dynesu at ddiwedd eu hoes.

Bwriad y prosiect arfaethedig yw disodli’r boeleri nwy sydd wedi cyrraedd diwedd eu hoes ar y safle gyda phympiau gwres yr awyr, disodli’r Unedau Trin Aer, uwchraddio’r rheiddiaduron, pympiau gwres a’r system rheoli adeiladau.

Hefyd, fel rhan o’r gwaith arfaethedig, bydd ffenestri yn cael eu newid yn ffenestri modern sy'n effeithlon o ran ynni (yn arwain at tua hanner y golled gwres), stribedi drafft ac ardaloedd o inswleiddio nenfwd.

Pan fydd wedi’i gwblhau, bydd y prosiect yn golygu bod llai o ynni’n cael ei ddefnyddio, yn gwella’r amgylchedd gwaith, lleihau gwariant yn y dyfodol ar osod asedau newydd yn lle’r hen rai a lleihau allyriadau carbon tua 48.7 tunnell y flwyddyn.

Dywedodd y Cynghorydd Julie Matthews, Dirprwy Arweinydd ac Aelod Arweiniol Cydraddoldeb, Polisi a Strategaeth Gorfforaethol ac Asedau Strategol: “Dyma ddarn cyffrous iawn o waith sy’n cefnogi ymdrechion parhaus Cyngor Sir Ddinbych i leihau defnydd ynni a chostau, a gostwng olion troed carbon ar draws ein hystâd adeiladau. Bydd 90% o gost y prosiect yn cael ei ariannu gan gyllid grant allanol os byddwn yn llwyddiannus, sy'n fuddsoddiad mewnol gwych i'r Sir i gefnogi'r gadwyn gyflenwi. Bydd y cynigion yn y prosiect hwn yn darparu amgylchedd gweithio gwell i’r staff hefyd a helpu i ddiogelu Neuadd y Sir ar gyfer y dyfodol.”

Sesiwn galw heibio gwirfoddolwyr Archifau yng Ngharchar Rhuthun

Ydych chi erioed wedi meddwl tybed beth sy'n digwydd y tu ôl i'r llenni yn eich archifau lleol? Oes gennych chi ddiddordeb mewn dysgu sgiliau newydd, cwrdd â phobl newydd a helpu i ddiogelu hanes lleol pwysig?

Mae Archifau Gogledd Ddwyrain Cymru yn gwahodd aelodau o’r gymuned i sesiwn galw heibio ar gyfer gwirfoddoli yn yr archifau yng Ngharchar Rhuthun ddydd Gwener 5 Mehefin, lle gallwch chi alw heibio unrhyw bryd rhwng 10am a 12pm i gael rhagor o wybodaeth am gyfleoedd gwirfoddoli cyffrous.

Bydd cyfle i ymwelwyr gwrdd â’r tîm Archifau, dysgu am brosiectau gwirfoddoli cyfredol, a dysgu sut y gallan nhw fod â rhan ymarferol yn y gwaith o ofalu am gasgliadau hanesyddol arbennig y rhanbarth a'u diogelu.

Mae'r gwasanaeth yn chwilio am unigolion brwdfrydig sydd â llygad graff am fanylder, sydd â medrusrwydd corfforol da, ac sy'n awyddus i gyfrannu at wasanaeth treftadaeth pwysig.

Pa un a ydych chi'n frwd ynglŷn â hanes lleol, yn awyddus i gael profiadau newydd, neu eisiau rhoi rhywbeth yn ôl i'ch cymuned, gallai’r cyfle hwn fod yn berffaith ar eich cyfer chi.

Dywedodd y Cynghorydd Emrys Wynne, Aelod Arweiniol y Gymraeg, Diwylliant a Threftadaeth:

“Mae gwirfoddolwyr yn bwysig iawn i’n helpu ni i gadw a rhannu hanes cyfoethog ein cymunedau ar gyfer cenedlaethau'r dyfodol. Mae Archifau Gogledd Ddwyrain Cymru yn cynnig cyfle difyr i bobl gymryd rhan, dysgu sgiliau newydd a gweithio’n agos gyda’r casgliadau hanesyddol unigryw.  Byddwn yn annog unrhyw un sydd â diddordeb mewn treftadaeth neu hanes lleol neu ddim ond eisiau rhoi rhywbeth yn ôl i’w cymuned, i ddod draw i’r sesiwn galw heibio i gael gwybod mwy.”

📅Dydd Gwener 5 Mehefin 2026
⏰Galwch heibio unrhyw bryd rhwng 10am - 12pm
📍Carchar Rhuthun, LL15 1HP

I gael rhagor o wybodaeth neu os ydych chi’n dymuno cysylltu â ni, ewch i’n gwefan yn https://www.newa.wales/ neu anfonwch e-bost at archives@newa.wales.

Y Cabinet yn cymeradwyo contract dylunio ac adeiladu ar gyfer prosiect ailwampio Ysgol Uwchradd Dinbych

Heddiw (26 Mai), mae Cabinet Cyngor Sir Ddinbych wedi cymeradwyo dyfarnu’r contract dylunio, ac yn dilyn hynny, y gwaith adeiladu sydd ynghlwm â phrosiect ailwampio Ysgol Uwchradd Dinbych i Wynne Construction.

Ddiwedd 2025, rhoddodd y Cabinet eu cymeradwyaeth i gychwyn y broses gaffael ar gyfer y contract Dylunio ac Adeiladu ar gyfer ailwampio Ysgol Uwchradd Dinbych.

Fe wnaethant hefyd gymeradwyo cyflwyno'r Achos Busnes Amlinellol i Lywodraeth Cymru, ac o ganlyniad, cafodd hynny ei gymeradwyo ym mis Mawrth eleni. 

Mae’r prosiect hwn yn rhan o gynllun amlinellol y Cyngor ar gyfer y Rhaglen Cymunedau Dysgu Cynaliadwy.

Ysgol Uwchradd Dinbych

Bydd y camau nesaf yn cynnwys ymgysylltu â chymuned yr ysgol a bydd y disgyblion yn chwarae eu rhan gan helpu i ddatblygu’r dyluniad. 

Cyfanswm y swm a gytunwyd i gael ei ddyrannu i’r prosiect ar hyn o bryd ar gyfer prosiect Ysgol Uwchradd Dinbych yw £19.8 miliwn. 

Mae'r Rhaglen Cymunedau Dysgu Cynaliadwy, a ariennir gan Lywodraeth Cymru, yn ariannu 65% o'r prosiect hwn, gyda'r 35% sy'n weddill yn cael ei ariannu gan y Cyngor. Yn ogystal, mae cyllid pellach yn cael ei ddarparu  gan Lywodraeth Cymru ar gyfer gwelliannau carbon sero-net.

Dywedodd Glen Williams, Pennaeth Ysgol Uwchradd Dinbych:

“Mae hwn yn newyddion ardderchog ac yn gyfnod mor gyffrous i Ysgol Uwchradd Dinbych a’r gymuned y mae’n ei gwasanaethu.

Rwy’n edrych ymlaen i weithio gyda’r awdurdod lleol, dylunwyr a chontractwyr i wneud yn siŵr bod moderneiddio’r ysgol yn helpu i ddarparu amgylchedd i ddysgwyr a fydd yn cefnogi eu cynnydd a’u hopsiynau ymhellach yn y dyfodol.”

Meddai’r Cynghorydd Diane King, Aelod Arweiniol Addysg, Plant a Theuluoedd:

“Rwy’n falch o weld bod y prosiect hwn wedi symud ymlaen i’r cam priodol nesaf. Gyda chontract dylunio ac adeiladu bellach ar waith, rydym gam yn nes at ddechrau gwaith ar y datblygiad cyffrous hwn.  

Bydd moderneiddio a gwella cyfleusterau ar y safle hwn yn gwella capasiti yn yr ysgol, yn ogystal â helpu i ddarparu addysg o’r ansawdd uchaf i ddisgyblion yn ardal Dinbych ar gyfer cenedlaethau i ddod.”

Gwahodd trigolion i ddweud eu dweud ar brosiect Stryd Fawr Prestatyn

Mae'r Cyngor yn annog unrhyw un sy'n byw, sy’n gweithio neu sy’n ymweld â Phrestatyn i gymryd rhan yn yr ymgynghoriad cyhoeddus ar ddyluniad manwl y cynllun gwella’r parth cyhoeddus a fydd yn cael ei gynnal rhwng 3 Mehefin a 5 Gorffennaf 2026.

Yn 2025, cadarnhaodd Llywodraeth y DU eu bwriad i ddarparu bron i £20 miliwn o gyllid grant ar gyfer saith prosiect cyfalaf i wella balchder bro a’r amgylchedd naturiol yn y Rhyl, Prestatyn a Dinbych.

Cafodd y cyllid hwn, sef y Gronfa Adfywio Leol, ei ddyfarnu'n arbennig ar gyfer y prosiectau llwyddiannus ac ni ellir ei ddefnyddio ar gyfer unrhyw beth arall.

Yn rhan o'r prosiect i wella balchder bro a'r amgylchedd naturiol ym Mhrestatyn, dyfarnwyd cyllid i Gyngor Sir Ddinbych i wella parth cyhoeddus (man gweladwy) y stryd fawr.

Mae sesiwn galw heibio hefyd wedi'i threfnu gan y Cyngor ac mae trigolion yn cael eu gwahodd i ddweud eu dweud ar y gwelliannau arfaethedig i'r stryd fawr.

Bydd y sesiwn yn cael ei chynnal ar 3 Mehefin, yn Sinema Scala ym Mhrestatyn rhwng 1pm a 7pm. 

Dywedodd y Cynghorydd Jason McLellan, Arweinydd ac Aelod Arweiniol Twf Economaidd a Threchu Amddifadedd:

“Hoffem ni ddiolch i drigolion, ymwelwyr a busnesau am eu cydweithrediad ac ymgysylltiad trwy gydol y prosiect hyd yn hyn.

“Ein nod yw cyflawni cynllun sy’n gwella parth cyhoeddus y stryd fawr ac sy’n cefnogi adfywio’r dref yn yr hirdymor.

“Hoffem ni annog cymaint o drigolion â phosibl i ddweud eu dweud drwy naill ai fynd i’r digwyddiad galw heibio neu drwy gwblhau’r ymgynghoriad ar-lein.”

Gall trigolion sy'n methu â dod i’r digwyddiad galw heibio wyneb yn wyneb rannu eu barn drwy gwblhau'r ymgynghoriad ar-lein ar wefan y Cyngor.

Mae fersiynau papur o'r arolwg adborth hefyd ar gael a gellir cael gafael arnyn nhw yn Llyfrgell Prestatyn a’r Siop Un Alwad.  Y dyddiad cau ar gyfer pob ymateb yw 5 Gorffennaf 2026.

Newidiadau i'r prawf traffig parhaus ym Mhrestatyn

Bydd y Cyngor yn cyflwyno rhagor o newidiadau i wella llif y traffig yn yr ardal.

Ar 13 Ebrill, dechreuodd Cyngor Sir Ddinbych brawf i gael system ddwyffordd ar Ffordd y Bont ym Mhrestatyn i leihau tagfeydd yn yr ardal yn rhan o brosiect ehangach i wella ac adfywio'r dref.

Gofynnwyd am y prawf yn dilyn adborth a gafodd y Cyngor mewn ymgynghoriadau â’r cyhoedd, yn rhan o brosiect gwella’r parth cyhoeddus ar Stryd Fawr Prestatyn. 

Yn 2025, cadarnhaodd Llywodraeth y DU eu bwriad i ddarparu bron i £20 miliwn o gyllid grant ar gyfer saith prosiect cyfalaf i wella balchder bro a’r amgylchedd naturiol yn y Rhyl, Prestatyn a Dinbych.

Mae’r cyllid, sef y Gronfa Adfywio Leol, wedi’i ddyfarnu'n arbennig ar gyfer y prosiectau llwyddiannus sydd wedi’u cynnwys yn Nyffryn Clwyd ac ni ellir ei ddefnyddio ar gyfer prosiectau eraill.

Cynhelir y prawf am gyfnod o dri mis, o leiaf, a gallai bara hyd at 18 mis dan y Gorchymyn Rheoleiddio Traffig Dros Dro sydd ar waith gan y Cyngor. 

O 26 Mehefin 2026 ymlaen, bydd llif y traffig ar waelod y Stryd Fawr yn mynd i’r cyfeiriad arall.  Mae hyn yn golygu y bydd cerbydau sy'n gadael Parc Prestatyn bellach yn gadael drwy'r Stryd Fawr.

Bydd y newid hwn hefyd yn golygu y bydd y parc manwerthu bellach yn elwa o dair allanfa (y Stryd Fawr, Ffordd y Bont a Ffordd Llys Nant).

Ni fydd cerbydau bellach yn gallu troi i'r chwith i lawr y Stryd Fawr o Ffordd Penisardre tuag at y gylchfan fach a'r parc manwerthu. Yn lle hynny dylai gyrwyr ddefnyddio Ffordd Llys Nant i gyrraedd y parc manwerthu o'r ochr honno o'r dref.

Mae'r prawf ychwanegol hwn yn cael ei gyflwyno i weld a ellir lleihau’r tagfeydd traffig ar waelod y Stryd Fawr ymhellach, ynghyd â’r system ddwyffordd ar Heol y Bont.

Dywedodd y Cynghorydd Barry Mellor, Aelod Arweiniol yr Amgylchedd a Chludiant:

“Rydym ni’n gwerthfawrogi cydweithrediad ac amynedd trigolion wrth i ni fonitro effaith y newidiadau hyn ac wrth i ni weithio i wella llif traffig ym Mhrestatyn.

“Mae’r Cyngor yn ymwybodol bod llawer o bryderon wedi’u codi yn y gorffennol ynghylch tagfeydd cerbydau ar y ffordd hon cyn i’r newidiadau hyn gael eu rhoi ar waith, a bydd swyddogion yn gofyn am adborth gan fodurwyr a cherddwyr wrth i’r prawf fynd rhagddo.”

Mae cyfle o hyd i rannu eich barn drwy gwblhau'r ymgynghoriad ar-lein ar ein gwefan.

Cynlluniau ar gyfer canolfan archif newydd yn symud ymlaen ar gyfer Gogledd Ddwyrain Cymru

Mae cynlluniau ar gyfer canolfan archif newydd o’r radd flaenaf ar gyfer Gogledd Ddwyrain Cymru yn dal i ddatblygu. Mae preswylwyr wedi cael eu gwahodd i fynychu cyfres o sesiynau galw heibio i’r cyhoedd er mwyn cael mwy o wybodaeth am y prosiect uchelgeisiol.

Ym mis Ebrill 2024, cymeradwyodd Cronfa Treftadaeth y Loteri Genedlaethol gyllid cam datblygu i gefnogi cynlluniau ar gyfer canolfan archif bwrpasol newydd ger Theatr Clwyd.

Bydd y ganolfan newydd arfaethedig yn dod â staff a chasgliadau gwasanaethau archif Sir y Fflint a Sir Ddinbych at ei gilydd i greu cartref modern a hygyrch ar gyfer casgliadau hanesyddol cyfoethog y rhanbarth, wrth gefnogi rhaglen gweithgarwch cymunedol tair blynedd eang.

Yn dilyn proses dendro lwyddiannus drwy Fframwaith Adeiladu Gogledd Cymru, penodwyd Wynne Construction yn Gontractwr Dylunio ac Adeiladu ar gyfer y prosiect.

Bydd proses ymgynghori cyn y cam cynllunio ar gyfer y caniatâd cynllunio yn rhedeg o 21 Mai i 18 Mehefin. Os oes gennych ddiddordeb mewn gweld y dogfennau hyn, maen nhw ar gael yn:

• Archif Gogledd Ddwyrain Cymru (Penarlâg), yr Hen Reithordy, Rectory Lane, Penarlâg CH5 3NR; ar agor dydd Llun, dydd Mawrth a dydd Iau (9.30am – 4.30pm); ac
• Archif Gogledd Ddwyrain Cymru (Rhuthun), yr Hen Garchar, 46 Stryd Clwyd, Rhuthun LL15 1HP; ar agor o ddydd Mercher i ddydd Gwener (9.30am – 4.30pm)

Fel rhan o’r cam nesaf hwn, mae preswylwyr yn cael eu hannog i fynychu dau ddigwyddiad ymgynghori cyhoeddus. Bydd y sesiynau yn cynnig cyfle i bobl ddysgu mwy am y cynigion, gofyn cwestiynau a rhannu eu barn.

Bydd y ddau ddigwyddiad ymgynghori cyhoeddus cyn y cam cynllunio yn cael eu cynnal fel a ganlyn:

• Yr Hen Lys Rhuthun: Dydd Iau, 4 Mehefin (3pm – 7pm) (Sgwâr Sant Pedr, Rhuthun LL15 1AA)
• Llyfrgell yr Wyddgrug: Dydd Mercher, 10 Mehefin (12 hanner dydd – 5pm) (14 Canolfan Siopa Daniel Owen, yr Wyddgrug, CH7 1AP)

Ynghyd â datblygiad y cynlluniau adeiladu, mae rhaglen eang o weithgareddau yn cael ei datblygu hefyd er mwyn cyflwyno archifau i gynulleidfa fwy eang ac amrywiol ar draws Gogledd Ddwyrain Cymru. Nod y gweithgareddau yw annog mwy o bobl i archwilio ac ymgysylltu â threftadaeth ddiwylliannol gyfoethog a straeon Gogledd Ddwyrain Cymru.

Meddai’r Cynghorydd Emrys Wynne, Aelod Arweiniol y Gymraeg, Diwylliant a Threftadaeth yng Nghyngor Sir Ddinbych:

“Dyma gyfle cyffrous i greu canolfan archif fodern a fydd yn helpu i gadw a dathlu’r hanes a rennir rhwng ein cymunedau am genedlaethau i ddod.

“Mae’r prosiect yn fwy o lawer nag adeilad – mae’n golygu creu cyfleoedd i fwy o bobl gysylltu â straeon, casgliadau a threftadaeth rhyfeddol Gogledd Ddwyrain Cymru. Byddem yn annog preswylwyr i ddod i’r sesiynau galw heibio a dysgu mwy.”

Meddai’r Cynghorydd Mared Eastwood, Aelod Cabinet Addysg, y Gymraeg, Diwylliant a Hamdden, Cyngor Sir y Fflint:

“Mae’r prosiect hwn yn fuddsoddiad sylweddol yn nhreftadaeth ddiwylliannol y rhanbarth a bydd yn helpu i sicrhau bod ein casgliadau archif pwysig yn cael eu diogelu, eu bod yn hygyrch a’u bod yn cael eu mwynhau gan gynulleidfa fwy eang o lawer.

“Mae wedi bod yn wych gweld cynifer o bobl eisoes yn rhan o helpu i ffurfio’r rhaglen weithgareddau, ac rydym yn edrych ymlaen at barhau â’r ymgysylltiad hwnnw wrth i’r prosiect ddatblygu.”

Dywedodd Andrew White, Cyfarwyddwr Cymru, Cronfa Dreftadaeth y Loteri Genedlaethol:

“Rydym yn falch o fod yn cefnogi cyfnod datblygu parhaus y prosiect cyffrous hwn ac yn edrych ymlaen at ei weld yn datblygu dros y misoedd nesaf. Diolch i chwaraewyr y Loteri Genedlaethol, nod y prosiect yw dod â chymunedau ynghyd i helpu i ddylunio lle croesawgar, hygyrch sy'n amddiffyn ac yn rhannu treftadaeth gyfoethog y rhanbarth ar gyfer cenedlaethau'r dyfodol.”

Mae’r prosiect yn cael ei ariannu gan Gronfa Treftadaeth y Loteri, Cyngor Sir y Fflint, Cyngor Sir Ddinbych a Llywodraeth Cymru.

Os hoffech ddysgu mwy am y gwasanaeth y mae AGDdC yn ei gynnig, neu gael y newyddion diweddaraf am y prosiect Archifau Creadigol, ewch i’n gwefan – https://www.agddc.cymru/

Fedrwch chi ddod o hyd i’r blodau gwyllt yma yn Sir Ddinbych?

Gyda’r tywydd yn cynhesu, mae dolydd blodau gwyllt ein sir yn dechrau bywiogi.

Yn 2019, gwnaeth Cyngor Sir Ddinbych ddatgan argyfwng hinsawdd a natur a’r nod oedd mynd i’r afael â newid hinsawdd a cholli bioamrywiaeth.

Un o'r camau cyntaf oedd dechrau rheoli rhywfaint o laswelltir y Cyngor i greu dolydd blodau gwyllt ledled y sir. Nod y prosiect yw adfer ac ehangu’r cynefinoedd sydd ar gael yn y sir i bryfed peillio a bywyd gwyllt.

Mae gan y prosiect hwn lawer o fanteision neu ‘wasanaethau ecosystem’ i drigolion y sir hefyd, fel llai o lifogydd, gwell ansawdd aer, ac oeri’r aer mewn gwres mawr.

Dyma ganllaw yn dangos y math o flodau y gallech eu gweld yn rhai o’n dolydd ledled Sir Ddinbych Cadwch olwg am yr arwyddion Caru Gwenyn.

Blodau gwyllt mis Mai

Pys y Ceirw

Os ewch i weld ein dolydd blodau gwyllt ym mis Mai, fe welwch bys y ceirw yn eu blodau. Mae gwenyn a phryfed peillio eraill wrth eu boddau â nhw gan eu bod yn llawn paill a dyma ffynhonnell fwyd larfa rhai o’n hoff loÿnnod byw – y Glesyn Cyffredin, y Gwibiwr Llwyd a’r Frithribin Werdd.

Meillionen Goch

Ydych chi wedi gweld meillion cochion yn ein dolydd blodau gwyllt yn ystod mis Mai? Mae’r blodyn gwyllt bach hyfryd hwn yn llawn paill ac mae’n ffynhonnell fwyd hanfodol i wenyn – yn y gorffennol, roedd yn cael ei alw’n “fara gwenyn”. Nid pryfed peillio yn unig sy’n mwynhau’r blodyn bach hwn, mae gwartheg wrth eu boddau ag o hefyd!

Blodyn Neidr

Mae blodau neidr i’w gweld ar draws ein dolydd blodau gwyllt yn ystod mis Mai. Gall y blodyn coetir hwn dyfu bron i 1m o uchder ac mae’n denu gwenyn a gloÿnnod byw at ei flodau pinc llachar trwy agor y petalau yn ystod y dydd. Ble i ddod o hyd iddo: mannau cysgodol fel cloddiau, coetiroedd, ar gyrion coetiroedd a ffyrdd gwledig.

Blodau gwyllt mis Mehefin

Tegeirian Gwenynog (Ophrys apifera)

Ydych chi wedi gweld tegeirian gwenynog yn unrhyw un o'n dolydd blodau gwyllt y mis yma? Mae'r tegeirianau bach yma'n feistri ar dwyllo! Mae'r blodyn yn edrych fel gwenynen yn gorffwyso ac mae hefyd ychydig yn flewog a hyd yn oed yn cynhyrchu arogl sy'n debyg i wenynen fenywaidd er mwyn denu sylw'r gwenyn gwrywaidd sy'n hedfan heibio.

Cribell Felen (Rhinanthus minor)

Mae’r gribell felen yn rheoli uchder ein dolydd blodau gwyllt yn y mis hwn. Mae’r blodyn gwyllt bychan yma’n wych ar gyfer dolydd blodau gwyllt. Fel planhigyn lled-barasitig, mae’n gwanhau twf gwahanol fathau o laswellt drwy fwyta’r maeth sydd yn eu gwreiddiau. Trwy wanhau’r glaswellt cryfaf, mae’r blodau gwyllt mwy eiddil yn cael cyfle i ymsefydlu.

Bysedd y Cŵn (Digitalis purpurea)

Mae bysedd y cŵn yn blodeuo yn ein dolydd ym mis Mehefin. Dyma un o’n blodau gwyllt mwyaf cyfarwydd sy’n rhoi fflach o liw ar gyrion coetir a ffyrdd gwledig gyda blodau siâp cloch sy’n lliw pinc llachar. Yn ôl ‘Plantlife’, gall un ‘bys’ gynhyrchu miliwn o hadau!

Bloda gwyllt mis Gorffennaf

Clafrllys (Knautia arvensis)

Mae blodau piwslas y clafrllys yn wych i ddenu gwenyn, gwyfynod a gloÿnnod byw brodorol. Mae hefyd yn ffynhonnell fwyd hollbwysig i rai o’n rhywogaethau mwyaf prin fel y gwalchwyfyn gwenynaidd ymyl gul a glöyn byw brith y gors.

Y Bengaled (Centaurea nigra)

Ym mis Gorffennaf mae blodau pengaled yn blodeuo ar draws ein dolydd. Dyma flodyn gwyllt trawiadol, a’i flodau pinc llachar yn debyg i ysgall. Y bengaled yw un o’r blodau gorau i bryfed peillio. Mae’n ffynhonnell wych o neithdar maethlon i wenyn, gloÿnnod byw a chwilod. Yn nes ymlaen yn y tymor, mae ei hadau’n ffynhonnell bwysig o fwyd i amrywiaeth o’n rhywogaethau brodorol o adar.

Pig-yr-aran y weirglodd (Geranium pratense)

Pig-yr-aran y weirglodd yw’r blodyn gwyllt mwyaf toreithiog o’r genws Geranium. Mae’r rhain yn rhoi fflach o las/fioled yn gynnar yn yr haf ac yn gallu para am fisoedd yn ein dolydd blodau gwyllt. Maent yn parhau i ddenu’r llygad yn ystod misoedd yr hydref hefyd, wrth i’r dail newid o wyrdd i goch trawiadol – does dim rhyfedd ei fod yn ffefryn yng ngerddi nifer o gartrefi!

Llygad Llo Mawr (Leucanthemum vulgare)

Dyma flodyn gwydn sydd i’w weld yn ein dolydd blodau gwyllt. Mae’r llygad llo mawr yn ei flodau o fis Mai i fis Medi.

Ydych chi wedi cwrdd â'n Tîm Dechrau Da ni?

Maen nhw'n cynnal sesiynau wythnosol rhigwm dwyieithog sydd am ddim i fabanod a phlant bach ym mhob un o'n llyfrgelloedd. Nid yw byth yn rhy gynnar i ddechrau rhannu llyfrau a rhigwm gyda'ch babi ac fe welwch chi ddetholiad gwych o lyfrau i bob oed yn ein llyfrgelloedd.

Mae ein llyfrgelloedd yn rhad ac am ddim i ymuno, mae llyfrau am ddim i'w benthyca ac nid oes unrhyw ffioedd hwyr!

Mae'r amser rhigwm Dechrau Da yn ffordd wych o feithrin eich hyder wrth rannu llyfrau a rhigymau gyda rhai bach, a hefyd yn ffordd wych o gwrdd â rhieni newydd eraill.

Archebwch eich lle amser rhigwm am ddim yma. 

Taith Josh

Wedi i’w berthynas chwalu fe aeth Josh, sy’n 34 oed, i chwilio am gymorth gan dîm digartrefedd y Cyngor blwyddyn dwethaf. Ym mis Chwefror 2025, rhoddwyd Josh mewn llety dros dro a chafodd ymarferydd cefnogi atal digartrefedd ei ddynodi ar ei gyfer.

Josh

“Roeddwn yn ddigartref ddechrau’r flwyddyn dwythaf. Roeddwn wedi bod yn ddigartref o’r blaen a chefais fy rhoi mewn llety dros dro yn flaenorol, ond nid oeddwn yn y meddylfryd iawn yn flaenorol i geisio datrys fy sefyllfa yn ehangach.

Dim ond am gyfnod byr yr oeddwn i yno’r tro hwn. Roeddwn yn gofyn i bawb, yn ceisio dod o hyd i fy fflat fy hun. Yn y diwedd mi ddes o hyd i un a symud allan o’r llety dros dro yn weddol gyflym.”

Fis yn ddiweddarach roedd Josh yn rhentu llety yn breifat er mwyn byw ynddo ac roedd yn awyddus i ysgrifennu’r bennod yn ei stori.

“Tra roeddwn yn y llety dros dro, fe soniodd fy ymarferydd cefnogi atal digartrefedd wrtha i am gyrsiau Intuitive Thinking Skills.

Roeddwn ychydig yn amheus am wneud y cyrsiau i ddechrau, ond doeddwn i ddim yn sylweddoli tan i fi fynd arnynt nad oedd gen i mewn gwirionedd ddim byd i’w golli a phopeth i’w ennill o roi cyfle i’r cyrsiau.

Fe ddechreuais y cyrsiau ym mis Ebrill a mis Mawrth o 2025. Fe wnes i’r cwrs sgiliau ar gyfer bywyd gyntaf ac fe wnes i fwynhau yn fawr a dysgu llawer ohono.

Mae’n eich dysgu chi sut i ymdrin â’ch meddylfryd eich hun a sut rydych chi’n meddwl am broblemau. Roeddwn i’n arfer cael trafferth mawr gyda fy hyder ac yn amau fy hun drwy’r amser.

Gofynnwyd i mi ar ddechrau’r cwrs beth fyddwn i’n hoffi ei wella, ac felly fe nodais waith gyda fy hyder.”

Aeth Josh wedyn ymlaen i gymryd y cwrs gwybodaeth, cyngor ac arweiniad, gan ddysgu llawer mwy.

“Fe es ymlaen i wneud y cwrs gwybodaeth, cyngor ac arweiniad, a ddysgodd fwy o agweddau technegol i mi. Fe fyddwn yn cael fy rhoi yn esgidiau pobl eraill ac fe ddysgais sut i helpu’r rhai hynny a allai fod yn fwy diamddiffyn.

Fe ddysgais sut i helpu eraill a allai fod yn wynebu amgylchiadau fel digartrefedd neu efallai yn cael trafferth gyda chamddefnyddio sylweddau.

Erbyn dechrau’r haf, cafodd Josh gynnig lleoliad fel llysgennad gyda’r tîm Intuitive Thinking gyda’r gobaith y byddai’r cynllun wedyn yn arwain at swydd barhaol o fewn y tîm ei hun.

“Roeddwn wir yn llawn cyffro gan mai hwnnw oedd y lleoliad roeddwn i ei eisiau fwyaf o’r rhai a gafodd eu cynnig i mi. Fe ddysgais i roi areithiau a gweinyddu hyfforddiant drwy gysgodi aelodau o’r tîm. Fe helpodd hynny fy hyder gymaint, sefyll i fyny a siarad o flaen pobl. Roeddwn yn ofnus iawn ar y dechrau, ond fe ddaeth yn haws ac yn haws dros amser.

Roeddwn rhyw ddeufis i mewn yn fy lleoliad gyda’r tîm pan ges gynnig swydd yn y sector ynni ac roeddwn yn teimlo na allwn wrthod y swydd.

Roedd y sgiliau roeddwn wedi eu dysgu yn ystod y cyrsiau roeddwn wedi eu cymryd, a fy lleoliad wedi rhoi gymaint o hyder i mi yn fy rôl newydd. Mae’r swydd hon mor wahanol i’r hyn rydw i wedi ei wneud o’r blaen, ac mae’r sgiliau newydd hyn wedi rhoi’r hyder i mi i fynd a rhoi cynnig ar rywbeth newydd. Dyma beth rydw i wedi elwa fwyaf ohono.

Roeddwn wedi arfer parhau i wneud y pethau yr oeddwn yn gyfforddus â nhw cyn i mi wneud y cyrsiau hyn. Roeddwn yn gwneud yr hyn yr oeddwn i wastad wedi ei wneud, ond yn y pen draw roeddwn yn cael yr un canlyniadau. Roeddwn yn teimlo fel mod i wedi treulio blynyddoedd yn llonydd i ddweud y gwir.

Ers i mi fynd ar y cyrsiau hyn dydw i erioed wedi teimlo cystal yn fy mywyd. Mae’n swnio’n wallgof i ddweud y gall cwrs newid hynny, ond fe ddysgais pam rwy’n meddwl am bethau a sut i fynd i’r afael â’r meddyliau hynny.”

Mae Josh wedi dewis ffyrdd mwy cadarnhaol o dreulio’r amser.

“Rydw i wedi gwneud dewisiadau iachach yn fy mywyd nawr, roeddwn yn ei chael yn anodd gyda diflastod pan ddes i’n sobr tua phedair blynedd yn ôl, roeddwn i angen elfennau eraill.

Fe ddechreuais i chwarae golff a mynd i’r gampfa. Rydw i nawr yn aelod o Glwb Golff Y Rhyl.”

Mae Josh nawr wedi graddio o’r cyrsiau Intuitive Thinking gyda nifer o dystysgrifau, ac mae’n mwynhau ei rôl newydd yn y sector ynni.

“Dwi’n credu y byddai’r cyrsiau hyn o fudd i bawb; does dim rhaid i chi fod mewn sefyllfa wael i fynd arnynt. Wnewch chi ddim colli dim o ddysgu o’r cwrs hwn, cyn belled â’ch bod yn buddsoddi ynddo rydych yn mynd i elwa ohono.

Mae pobl wedi dweud eu bod yn gallu gweld newid yn fy hyder. O lle roeddwn i fis Chwefror i lle rydw i nawr, mae’n teimlo fel dau unigolyn gwahanol. Roeddwn i’n teimlo ar goll a doedd gen i ddim gobaith i ddweud y gwir. Fe ddysgodd fi i feddwl yn wahanol a meddwl yn rhesymegol am sefyllfaoedd. Mae wedi fy helpu i gael y ffocws a’r cymhelliant i gael yr hyn rydw i ei eisiau.

Roedd fel effaith pelen eira, cyn gynted ag y penderfynais i ddechrau helpu fy hun, fe ddaeth pethau’n well yn raddol.”

Adfer y Gorffennol, Adeiladu'r Dyfodol: Nantclwyd y Dre

Mae Rhuthun yn dref sy’n gyforiog o hanes. Llosgwyd hi i’r llawr gan Owain Glyndŵr yn y flwyddyn 1400 ac mae llawer o naws hanesyddol y dref fel rydym ni’n ei hadnabod hi heddiw yn dod o’r bensaernïaeth ffrâm goed a oedd yn gyffredin yn yr ardal yn ystod cyfnod ei hailadeiladu.

Ymysg y strydoedd hyfryd a’r adeiladau hanesyddol mae darn pwysig iawn o dreftadaeth adeiledig Rhuthun, sef Nantclwyd y Dre. Cafodd ei adeiladu yn wreiddiol fel tŷ neuadd i wehydd, felly mae bron i 600 mlynedd o hanes lleol yn perthyn iddo ac mae’n un o’r tai tref ffrâm goed hynaf yng Nghymru sydd ar agor i’r cyhoedd.

Mae bellach yn cael ei reoli gan Wasanaeth Treftadaeth Sir Ddinbych a gall rhai sy’n ymweld â thŷ a gerddi hanesyddol Nantclwyd y Dre ail-fyw ei orffennol difyr drwy ymgolli mewn profiadau sain ac arddangosfeydd a gweld ei du mewn sydd oll yn rhoi cipolwg cyfareddol ar fywydau’r teuluoedd a fu’n byw yno.

Yn 2023, cafwyd cyllid i adfer rhannau o’r safle pan gadarnhaodd Llywodraeth y DU ei bwriad i roi £10.95 miliwn o gyllid grant i 10 o brosiectau cyfalaf sy’n ceisio gwarchod treftadaeth, lles a chymunedau gwledig unigryw Rhuthun.

Cafodd y cyllid, sef y Gronfa Adfywio Leol, ei ddyfarnu'n arbennig ar gyfer y prosiectau llwyddiannus hynny yng Ngorllewin Clwyd ac nid oes modd ei ddefnyddio ar gyfer prosiectau eraill.

Fel un o’r prosiectau llwyddiannus, dyfarnwyd £667,000 i ailddatblygu rhannau o’r tŷ sy’n segur ar hyn o bryd ac sydd angen rhywfaint o waith atgyweirio i warchod y darn pwysig hwn o dreftadaeth leol ar gyfer cenedlaethau’r dyfodol, creu cyfleoedd newydd ar gyfer yr atyniad i wella ei gynaliadwyedd at y dyfodol ac ychwanegu ambell beth cyffrous ar gyfer profiad yr ymwelwyr.

Dechreuodd y gwaith adeiladu ym mis Hydref, yn canolbwyntio ar roi bywyd newydd i asgell orllewinol segur yr adeilad. Bydd y darn hwn o’r tŷ’n cael ei droi’n llety gwyliau, wedi’i ddylunio a’i ddodrefnu gan gadw at natur hanesyddol yr adeilad, a bydd yn darparu gwell cyfleusterau ar y llawr cyntaf gyda lle penodol ar gyfer y gwirfoddolwyr wythnosol sy’n rhan hollbwysig a gwerthfawr o’r gwaith beunyddiol yn Nantclwyd.

Fodd bynnag, cyn gallu dechrau ar y gwaith, roedd angen rhoi ystyriaeth i un set o drigolion sydd yno ers tro byd. Fe wnaeth Cyngor Sir Ddinbych ymgynghori ag ecolegwyr i sicrhau na fyddai’r datblygiadau sydd ar y gweill yn tarfu ar fan clwydo ystlumod gwarchodedig, sy’n cynnwys cyfran bwysig o boblogaeth Cymru o Ystlumod Lleiaf ac Ystlumod Pedol Lleiaf. Rhoddwyd hyfforddiant arbenigol i’r contractwyr, a gosodwyd lloches ystlumod fawr yn yr ardd, i roi mwy o le i’r creaduriaid bach yma ffynnu.

Bydd y gwelliannau sydd i ddod hefyd yn gwneud ardal y gegin yn fwy addas i arlwyo ar gyfer digwyddiadau, a bydd yr hafdy’n cael ei adfer i’w hen ogoniant i ymwelwyr ei fwynhau yn ystod misoedd yr haf. Bydd hwn yn lle ychwanegol ar gyfer seremonïau sy’n cael eu cynnal yn y tŷ hanesyddol, fel priodasau a seremonïau partneriaeth sifil.

Mae’r prosiect yn cael ei wneud gan B&W Builders & Decorators ynghyd â TACP Architects ac mae disgwyl iddo gael ei gwblhau erbyn mis Ebrill 2026. Mae dull mwy cynaliadwy wedi’i ddefnyddio i wneud y gwaith gwella hefyd, drwy ddefnyddio gwlân i inswleiddio’r adeilad yn hytrach na’r deunydd inswleiddio mwy cyffredin sy’n cael ei wneud o olew, sy’n creu mwy o allyriadau carbon a ddim yn adnewyddadwy.

Dywedodd y Cynghorydd Jason McLellan, yr Arweinydd ac Aelod Arweiniol Twf Economaidd a Threchu Amddifadedd:

“Mae dechrau ar y gwaith gwella yma yn Nantclwyd y Dre’n garreg filltir fawr i ddiogelu dyfodol safle hanesyddol mor amlwg yng nghanol tref Rhuthun. 

“Mae Nantclwyd yn atyniad gwych i ymwelwyr ac yn ganolbwynt cymunedol i’n gwirfoddolwyr ymroddgar, ac rydyn ni’n edrych ymlaen at weld yr ardaloedd newydd yn cael eu defnyddio a’u mwynhau gan ymwelwyr.

“Bydd lles yr ystlumod sydd yno’n parhau i fod yn flaenoriaeth wrth wneud y gwaith a byddwn mewn cyswllt cyson gyda’r ecolegwyr trwy gydol y cyfnod.”

Ydych chi erioed wedi ystyried ble mae eich treth cyngor yn mynd?

Mae llawer yn meddwl bod treth cyngor yn talu am bopeth y mae awdurdod lleol yn ei gynnig, fodd bynnag, dim ond 26% o gyfanswm gwariant y Cyngor yw'r arian a gesglir gan drigolion yn flynyddol.

Mae mwyafrif y cyllid (62%) yn dod ar ffurf 'Grant Cymorth Refeniw' gan Lywodraeth Cymru, tra bod y 12% sy'n weddill yn dod o drethi busnes, sef treth eiddo y mae busnesau'n ei dalu i helpu tuag at ariannu gwasanaethau lleol. Gallwch ddysgu mwy am sut mae'r Cyngor yn cael ei ariannu ar ein gwefan.

Felly ble mae’r treth cyngor yn mynd? Rydym wedi cynhyrchu infograffig yn seiliedig ar dreth cyngor eiddo Band D i geisio rhoi esboniad clir o sut mae taliadau treth cyngor yn cael eu defnyddio i ariannu ystod o wasanaethau i drigolion yn y sir. Er bod yr infograffig hwn yn rhoi darlun o sut mae'r arian yn cael ei rannu rhwng gwahanol wasanaethau, mae deall beth mae trigolion yn ei gael am yr arian hwnnw’n bwysig. (Gellir gweld yr infograffig ar ddiwedd yr erthygl.)

Fel y gwelwch, mae mwyafrif gwariant treth cyngor yn mynd tuag at amddiffyn y rhai mwyaf bregus ac agored i niwed yn ein cymdeithas, gyda 66% yn cael ei wario ar ysgolion ac addysg a gofal cymdeithasol i oedolion a phlant.

Gydag Addysg yn cyfrif am 36.7% o’r gwariant, golyga hyn y gall Sir Ddinbych addysgu tua 16,500 o ddisgyblion mewn 44 ysgol gynradd, 2 ysgol pob oed, 2 ysgol arbennig, 6 ysgol uwchradd ac 1 uned cyfeirio disgyblion ar draws y sir, gyda thua 780 o athrawon yn darparu'r addysg.

Yn y maes addysg o hyd, mae cludiant ysgol yn cyfrif am 2.9% ac mae'r Cyngor yn cludo tua 2,871 o ddysgwyr yn ddiogel i ysgolion ledled y sir. Caiff 650 o deithiau bws ysgol a thacsi eu gwneud bob diwrnod ysgol.

Yn y cyfamser, mae gofal cymdeithasol oedolion a phlant yn cyfrif am 29.8% o wariant treth y Cyngor. Yn 2024-2025 cafodd oddeutu 668 aelod o staff dros 25,000 o gysylltiadau gyda'r plant a'r oedolion mwyaf agored i niwed gan ddarparu pecyn o ofal a chymorth lle bo’n briodol sy’n rhoi cyfle i'r trigolion hyn gael dewis, mynegi barn, a chael rheolaeth dros eu bywydau.

Mewn meysydd gwasanaeth eraill, mae 1.9% yn mynd tuag at ddiogelu'r cyhoedd ac iechyd yr amgylchedd ac mae timau'r Cyngor yn archwilio tua 720 o fwytai, caffis a lleoedd tecawê bob blwyddyn i sicrhau eu bod yn ddiogel ar gyfer trigolion Sir Ddinbych.

Mae gwagio biniau ac ailgylchu yn cyfrif am 1.8% o'ch bil treth cyngor, sy'n cyfateb i £32.89 y flwyddyn (yn seiliedig ar eiddo Band D). Mae hynny'n cynnwys casglu tua 73,000 o gynwysyddion o dros 47,000 o gartrefi bob wythnos ledled y sir.

Am 1.8% o'r dreth cyngor rydym yn cynnal 1,419km o ffyrdd (ac eithrio cefnffyrdd), 601 o bontydd priffyrdd a chelfertau, 302 o waliau a 26,000 o gwlïau. Ac am 0.8%, rydym yn cynnal 11,763 o oleuadau stryd a 1,547 o arwyddion a bolardiau wedi'u goleuo ledled y sir.

Hwyrach bod rhai gwasanaethau nad yw trigolion yn ymwybodol eu bod dan reolaeth cyngor, er enghraifft Gwasanaethau Cefn Gwlad a Threftadaeth. Gydag 1.1% o dreth cyngor yn mynd i'r gwasanaeth cefn gwlad, mae'r timau'n rheoli dros 80 o safleoedd a mwy na 1,200 hectar o ardaloedd gwyrdd cyhoeddus ar gyfer hamdden a chadwraeth. Mae'r rhain yn amrywio o Barciau Gwledig Loggerheads a Moel Famau, meithrinfa goed y sir yn Llanelwy, Pwll Brickfield yn y Rhyl, Ffordd Dyserth Prestatyn, Llain Llantysilio yn Nyffryn Dyfrdwy a nifer o fannau cymunedol a mwynder llai ar draws y sir.

Mae’r gwasanaeth treftadaeth yn cyfrif am 0.9% o wariant treth y cyngor, ac am hyn, mae'r gwasanaeth yn cynnal a hyrwyddo hanes unigryw'r sir, gan ofalu am safleoedd hanesyddol pwysig gan gynnwys Carchar Rhuthun, Plas Newydd, Nantclwyd Y Dre, Amgueddfa'r Rhyl (sydd yn y llyfrgell) a storfa gasgliadau fawr. Mae'r gwaith hwn yn sicrhau bod hanes cyfoethog Sir Ddinbych yn parhau i fod yn hygyrch ar gyfer addysg, lles a mwynhad.

Mae cynllunio a datblygu economaidd yn cyfrif am 0.7% o wariant y treth cyngor ac am hynny mae'r Awdurdod Cynllunio Lleol yn prosesu tua 1,000 o geisiadau cynllunio bob blwyddyn ochr yn ochr â 10-20 o apeliadau a 50-100 o ymholiadau cyn-ymgeisio. Rydym hefyd yn ymateb i dros 500 o achosion cydymffurfio cynllunio.

Mae’r llyfrgelloedd yn cyfrif am 0.5% o’r gwariant ac yn 24-25, cynhaliodd  y llyfrgelloedd 514 o sesiynau Dechrau Da i bron i 6,500 o blant. Hefyd cafodd 2,869 o lyfrau sain eu benthyg i 1,028 o aelodau drwy Borrowbox (rhan o'r Cynnig Digidol) ac argraffwyd dros 56,000 o dudalennau ar argraffyddion mynediad cyhoeddus.

Nid yw'r holl dreth cyngor a gesglir yn talu am wasanaethau'r cyngor yn unig, mae 2.5% yn mynd tuag at y Gwasanaeth Tân i gyfrannu at ariannu amddiffyniad ac atal tân ledled y sir.

Dywedodd y Cynghorydd Delyth Jones, Aelod Arweiniol dros Gyllid yng Nghyngor Sir Dinbych, “Rwy’n falch o weld yr infograffig yma’n cael ei chynhyrchu a’i rhyddhau. Gobeithio y bydd yn rhoi’r cyd-destun sydd ei angen ar drigolion i ddeall sut mae eu taliadau treth cyngor yn cael eu defnyddio i gefnogi’r amrywiaeth o wasanaethau a ddarperir gan y Cyngor.

 “Mewn hinsawdd ariannol sy’n parhau i fod yn heriol barhaus, mae’n bwysig bod yn agored a thryloyw ynglŷn â’r costau a’r pwysau. Mae hefyd yn bwysig pwysleisio bod llawer o agweddau’r gwariant, yn hollol briodol, wedi’u hanelu at y gofyniad cyfreithiol i ddarparu Gofal Cymdeithasol i Oedolion, Gwasanaethau Plant, ac Addysg ac ati. Dyma’r meysydd sy’n cefnogi’r rhai mwyaf agored i niwed yn ein cymdeithas.”

Digwyddiad ymgysylltu cyhoeddus OBR yn Rhuthun

Mae Adeiladwaith OBR yn cynnal digwyddiad ymgysylltu cyhoeddus i drafod y gwaith sy'n mynd rhagddo i Sgwâr San Pedr a Chae Ddôl.

Gall mynychwyr drafod datblygiad y gwaith gyda thîm y safle a gweld amserlenni'r prosiect. Bydd OBR hefyd yn rhannu eu gweithgareddau arfaethedig er budd y gymuned yn y digwyddiad.

📅 24 Mehefin

📍 Clwb Rygbi Rhuthun

⏰ 10am - 3pm

*Cynhelir digwyddiadau pellach yn y dyfodol os na allwch ddod i'r sesiwn yma.

Mynegiant o Ddiddordeb - Caffi Rhuthun

Mae'r Cyngor yn chwilio am Bartner Tenant i weithredu darpariaeth arlwyo i ymwelwyr â 46 Stryd Clwyd, Rhuthun.

Mae gwybodaeth bellach ar ein gwefan

Dyddiad cau am hanner dydd (12pm), dydd Llun, 22 Mehefin 2026.

Rydym yn argymell bod pob parti sydd â diddordeb yn ymweld â'r eiddo i archwilio addasrwydd y pwrpas cyn cyflwyno Datganiad o Ddiddordeb. Trefnir dau ddiwrnod agored, gyda slotiau 1 awr i bartïon â diddordeb, ar 8 Mehefin a 18 Mehefin 2026. I drefnu gweld, ffoniwch Philippa Jones ar 01824 708219 neu e-bostiwch philippa.jones@denbighshire.gov.uk.

Pencampwriaeth Dan-19 UEFA yn dod i ogledd Cymru

Bydd Cymru yn cynnal Pencampwriaeth Dan-19 Ewrop UEFA 2026 rhwng 28 Mehefin ac 11 Gorffennaf a bydd Cymru’n croesawu Croatia, Denmarc, yr Almaen, yr Eidal, Serbia, Sbaen, a'r Wcráin.

Caiff y gemau eu chwarae ym Mharc Canolog, Dinbych, Stadiwm Dinas Bangor, Yr Oval, Caernarfon, a'r Cae Ras yn Wrecsam. Yn ogystal, bydd dwy dref arall yn Sir Ddinbych yn darparu meysydd hyfforddi i dimau, gyda Rhuthun yn croesawu'r tîm o Sbaen a'r Rhyl yn croesawu Croatia.

Y grwpiau yw:

Grŵp A - Cymru, Denmarc, yr Almaen, Sbaen

Grŵp B  - Croatia, Serbia, yr Eidal, yr Wcráin

Dyddiadau’r gemau cyntaf yw:

Dydd Sul, 28 Mehefin

Grŵp A
Cymru v Sbaen (Wrecs, 19:00)
Yr Almaen v Denmarc (Dinbych, 21:00)

Dydd Llun, 29 Mehefin

Grŵp B
Yr Eidal v Serbia (Caernarfon, 17:00)
Croatia v Wcráin (Bangor, 21:00)

Dydd Mercher, 1 Gorffennaf

Grŵp A
Denmarc v Sbaen (Dinbyc, 19:00)
Cymru v Yr Almaen (Wrecsam, 21:00)

Dydd Iau, 2 Gorffennaf

Grŵp B
Croatia v Yr Eidal (Caernarfon, 15:00)
Serbia v Wcráin (Bangor, 19:00)

Dydd Sadwrn, 4 Gorffennaf

Grŵp A
Denmarc v Cymru (Wrecsam, 15:00)
Sbaen v Yr Almaen (Dinbych, 15:00)

Dydd Sul 5 Gorffennaf

Grŵp B
Serbia v Croatia (Caernarfon, 17:00)
Wcráin v Yr Eiddal (Bangor, 17:00)

Gallwch brynu tocynnau drwy dudalen y twrnamaint ar wefan Tocynnau Cymdeithas Bêl-Droed Cymru

Lansio tudalen we newydd i gefnogi trigolion ag anableddau

Mae'r Cyngor wedi lansio tudalen we newydd i roi mynediad hawdd i drigolion at gymorth a gwasanaethau i bobl ag anableddau neu amhariadau ledled y sir.

Mae'r adnodd newydd yn dwyn ynghyd ystod eang o wybodaeth mewn un lle, gan ei gwneud hi'n haws i drigolion ddod o hyd i'r cymorth sydd ar gael.

Dywedodd y Cynghorydd Julie Matthews, Aelod Arweiniol dros Strategaeth Gorfforaethol, Polisi, Cydraddoldebau ac Asedau Strategol: “Rydym yn falch iawn o lansio'r dudalen we bwrpasol hon, sy'n dwyn ynghyd wybodaeth werthfawr mewn un lle hygyrch.

“Mae'n bwysig bod trigolion ag anableddau neu amhariadau yn ymwybodol o'r gwasanaethau a'r cymorth sydd ar gael yn y sir. Gall mynediad at y wybodaeth gywir wneud gwahaniaeth sylweddol wrth helpu pobl i fyw'n annibynnol. Gobeithiwn y bydd y tudalennau hyn yn darparu'r cymorth hwnnw, ac rydym yn annog unrhyw un sy'n teimlo bod angen gwybodaeth ychwanegol i gysylltu â'r Cyngor.”

Mae'r dudalen we yn cynnwys dolenni i amrywiaeth o wasanaethau, megis cymorth gyda cheisiadau Bathodyn Glas, gwybodaeth am gadeiriau olwyn traeth, casgliadau bin â chymorth, a gostyngiadau ac eithriadau treth y cyngor a llawer, llawer mwy.

Gallwch weld y wybodaeth ar y ddolen ganlynol – Gwasanaethau a chymorth i bobl sydd ag anableddau neu amhariadau

Gall trigolion hefyd gael mynediad at wybodaeth drwy Siopau Un Alwad y Cyngor a llyfrgelloedd neu drwy ffonio ein canolfan gyswllt.

Help llaw mawr i gynorthwyo twf hadyn bach

Mae eginblanhigion bach yn cael help llaw gan ein tîm o wirfoddolwyr yn y blanhigfa goed yr wythnos hon.

Mae’r gymuned o wirfoddolwyr yn y blanhigfa goed wedi bod yn helpu staff yn safle Llanelwy gyda dewis masarn bach. Maent wedi bod yn symud yr eginblanhigion bach iawn yn ofalus o hambwrdd i fodiwlau unigol i roi mwy o le iddynt ddatblygu gwreiddiau a dail. Drwy eu hailblannu, maent yn eu helpu i atal twf gwan a heintiau i’r eginblanhigion.

Drwy eu trosglwyddo i botiau gwreiddio, sydd â llinellau fertigol sy’n annog y gwreiddiau i dyfu ac atal twf cylchol o fewn cyfyngiadau’r pot. Mae’r potiau gwreiddio yn caniatáu i’r gwreiddiau gael eu tocio ar y gwaelod, gan annog canghennau ochrol a sefydliad iach a chyflym.

Yn y pendraw, pan maent wedi tyfu’n llawn, bydd y masarn bach hyn yn darparu bwyd drwy eu dail i sawl rhywogaeth o wyfynod, a bydd eu blodau yn cynnig ffynhonnell bwysig o baill i’r gwenyn. Bydd ffrwythau’r coed yn darparu ffynhonnell o fwyd i famaliaid bach hefyd.

Os hoffech chi ddysgu sgil newydd fel hyn, a gwneud ffrindiau newydd, gallwch wirfoddoli yn y blanhigfa goed ar ddyddiau Mawrth a Mercher. I ymuno, neu i gael rhagor o wybodaeth, anfonwch neges at biodiversity@denbighshire.gov.uk

A wyddoch chi mai dim ond unwaith y mae'n rhaid i chi wneud cais i gael eich cynnwys ar y gofrestr tai?

Ydych chi'n gwybod beth mae SARTH yn ei olygu?

Mae SARTH yn sefyll am ‘Single Access Route to Housing’ sef 'Llwybr Mynediad Sengl i Dai’.

Dyma lle, os ydych chi am gael eich cynnwys ar y Gofrestr Tai, dim ond un cais y bydd yn rhaid i chi ei wneud. Yn lle gwneud cais i wahanol gymdeithasau tai ar wahân, rydych chi'n cwblhau un cais sy'n cael ei rannu ar draws yr holl landlordiaid hynny sy'n rhan o'r cynllun.

Mae ‘Llwybr Mynediad Sengl i Dai’ (SARTH) yn cael ei rannu gan bob darparwr tai cymdeithasol yn Sir Ddinbych gan gynnwys:

• Cyngor Sir Dinbych
• Tai Sir Ddinbych
• Grŵp Cynefin
• ClwydAlyn
• Tai Gogledd Cymru a Thai Cymru a'r Gorllewin
• ADRA
• Cartrefi Conwy

Ar ôl i chi wneud cais i fynd ar y Gofrestr Tai, yna caiff eich angen chi am dŷ gael ei asesu a'ch bod chi'n cael eich rhoi mewn band blaenoriaeth, gan helpu i sicrhau bod tai'n cael eu dyrannu mewn ffordd deg a thryloyw i'r rhai sydd eu hangen fwyaf.

Mae'r holl wybodaeth sydd angen i chi ei gwybod am y cynllun, a sut i wneud cais, ar ein gwefan.

Planhigfa’n meithrin gwely newydd i gefnogi blodau gwyllt

Mae gwely newydd yn llawn cefnogaeth i flodau gwyllt lleol yn dod yn ei flaen yn ein Planhigfa Goed yn Llanelwy.

Diolch i gymuned o wirfoddolwyr y Blanhigfa Goed, mae lle newydd wedi'i greu y tu allan i'r twneli tyfu i helpu gyda gwaith coed brodorol y safle.

Mae gwirfoddolwyr wedi plannu planhigion dros ben sydd wedi'u tyfu o hadau a gasglwyd ar hyd a lled Sir Ddinbych mewn gwely newydd ei baratoi.

Unwaith y bydd y planhigion yn hadu, bydd yr hadau'n cael eu casglu a'u storio'n briodol yn barod i'w plannu'r tymor canlynol.

Dywedodd Keegan Blazey, Swyddog yn y Blanhigfa Goed: “Mae gennym gymuned wych o wirfoddolwyr yma yn y blanhigfa goed, mae’n wych eu helpu i ddysgu sgiliau newydd ac rydym hefyd yn dysgu drwyddyn nhw diolch i’r profiadau bywyd gwahanol maen nhw’n eu cynnig bob wythnos.

“Bu Francesca, un o’n myfyrwyr sy’n gwirfoddoli, yn ymdrechu’n galed i helpu i greu’r gwely hwn a fydd yn rhoi ffynhonnell hadau wych i ni ar y safle i’n helpu i barhau i ddiogelu a meithrin ein natur leol yn y dyfodol.”

Digwyddiad ymgysylltu â'r farchnad ar gyfer cynllun gwella parth cyhoeddus Prestatyn

Cynhelir digwyddiad ymgysylltu â'r farchnad ar gyfer cynllun gwella parth cyhoeddus Prestatyn ddydd Gwener 24 Ebrill, gan wahodd contractwyr, ymgynghorwyr a chyflenwyr i ddysgu mwy am y prosiect sydd ar y gweill.

Cynhelir y digwyddiad yn Llyfrgell Prestatyn rhwng 10:00am a 3:00pm a'i nod yw darparu gwybodaeth gynnar am gwmpas ac amcanion y cynllun.

Bydd cyfle i’r rhai sy’n mynychu cael trosolwg o’r cynigion ac ymgysylltu’n uniongyrchol â Thîm y Prosiect.

Mae'r digwyddiad ymgysylltu â'r farchnad yn rhan o'r broses cyd-gaffael a'i fwriad yw helpu i lunio'r broses o gyflawni'r cynllun drwy annog deialog gynnar â'r farchnad. Anogir sefydliadau sydd â diddordeb mewn mynychu i gofrestru drwy GwerthwchiGymru.

Mae'r digwyddiad ymgysylltu hwn ar agor i bob parti sydd â diddordeb ac mae'n rhoi cyfle i ddeall y prosiect, yr amserlenni disgwyliedig, a'r dull caffael.

Gorsaf trosglwyddo gwastraff yn croesawu ymweliad y Cabinet

Yn ddiweddar, croesawodd staff yng Ngorsaf Trosglwyddo Gwastraff y Cyngor yn Ninbych aelodau’r Cabinet i gael taith o gwmpas y cyfleuster.

Roedd yr ymweliad yn gyfle defnyddiol i weld yn uniongyrchol sut mae’r broses ailgylchu yn gweithio a sut caiff deunyddiau eu trin pan fyddant yn cyrraedd y safle.

Dangoswyd y gwahanol gamau sy’n rhan o’r broses o drin gwastraff y cartref ac eitemau i’w hailgylchu, gan eu helpu i gael gwell dealltwriaeth o’r gwaith a wneir gan y staff bob dydd.

Yn yr orsaf trosglwyddo gwastraff, caiff deunydd i’w ailgylchu a gesglir gan breswylwyr Sir Ddinbych eu didoli’n ofalus fel bod modd rhoi’r papur, cardfwrdd, plastigau, gwydr, metalau, eitemau trydanol a deunyddiau eraill a dderbynnir, yn y ffrydiau ailgylchu cywir.

Dangosodd y staff bwysigrwydd gwasanaethau ailgylchu effeithlon i’r staff, o ran diogelu’r amgylchedd, gwella cynaliadwyedd a gwneud y defnydd gorau o adnoddau ar draws Sir Ddinbych.

Trwy weld sut mae’r orsaf yn gweithio, roedd aelodau’r Cabinet yn gallu gweld heriau ymarferol a buddion systemau ailgylchu modern a’r rôl maen nhw’n ei chwarae, gyda chefnogaeth preswylwyr, er mwyn cefnogi dyfodol cynaliadwy cryfach ac amgylchedd glanach.

Mis o gydweithio ac effaith gadarnhaol i Sir Ddinbych yn Gweithio

Gwelodd mis Chwefror Sir Ddinbych yn Gweithio yn cyflawni gweithgarwch sylweddol ar lefel genedlaethol, leol a chymunedol, gan helpu i ehangu cyfleoedd i drigolion.

Ymunodd Sir Ddinbych yn Gweithio â phartneriaid yn nigwyddiad Trailblazer Cymru gyfan, gan ddod â’r tri ardal beilot Trailblazer ynghyd sef Blaenau Gwent, Sir Ddinbych a Chastell-nedd Port Talbot. Darparodd y digwyddiad lwyfan i archwilio arferion sy’n datblygu, trafod y gefnogaeth sy’n cael ei darparu i bobl â rhwystrau cymhleth a lluosog, ac amlygu’r arloesedd sy’n digwydd ar draws y tair ardal. Atgyfnerthodd sut mae dulliau lleol, sy’n seiliedig ar gymunedau, yn llywio datblygiad cynnar Trailblazer ac yn dylanwadu ar gyfeiriad ehangach cymorth cyflogadwyedd yng Nghymru.

Croesawodd Sir Ddinbych yn Gweithio newyddiadurwyr o The Guardian hefyd fel rhan o brosiect cenedlaethol parhaus y papur newydd, Against The Tide, sef cyfres fanwl sy’n archwilio profiadau pobl ifanc sy’n tyfu i fyny mewn trefi arfordirol ledled y DU.

Mae’r Rhyl yn un o’r cymunedau sy’n cael sylw yn y prosiect, a chanolbwyntiodd yr ymweliad ar yr heriau sy’n wynebu pobl ifanc leol yn ogystal â’r gwaith dan arweiniad y gymuned sy’n agor cyfleoedd newydd. Fel rhan o’r ymweliad, mynychodd y newyddiadurwyr sesiwn Pobi a Phitsa Sir Ddinbych yn Gweithio, a ddarparwyd mewn cydweithrediad â Use Your Loaf Training Bakery.

Darparodd y sesiwn amgylchedd lle gallai cyfranogwyr feithrin hyder, dysgu sgiliau ymarferol a chymryd rhan mewn gweithgareddau ystyrlon. Rhoddodd gipolwg i The Guardian ar brofiadau dydd i ddydd pobl ifanc sy’n ymgysylltu â gwasanaethau Sir Ddinbych yn Gweithio, gan gynnwys rhai o’r rhwystrau y maent yn eu hwynebu a’r partneriaethau cymunedol sy’n eu helpu i symud ymlaen.

Dangosodd yr ymweliad sut mae cefnogaeth gydlynol sy’n canolbwyntio ar yr unigolyn yn helpu trigolion i feithrin hyder, cysylltu ag eraill a chymryd camau tuag at ddyfodol gwell.

Gwelodd mis Chwefror hefyd gynnal Ffair Swyddi hynod lwyddiannus gan Sir Ddinbych yn Gweithio yn 1891 yn y Rhyl, gan ddod â dros 520 o drigolion ynghyd â mwy na 50 o arddangoswyr busnes.

Cysylltodd y digwyddiad geiswyr gwaith â chyflogwyr a darparwyr hyfforddiant ar draws ystod eang o sectorau, gan gynnwys lletygarwch, manwerthu, adeiladu, gofal a gwasanaethau cyhoeddus. Cafodd mynychwyr gyfle i gwrdd â recriwtwyr yn uniongyrchol, gofyn cwestiynau am swyddi gwag cyfredol, a chael mynediad at gefnogaeth ar y pryd gan staff Working Denbighshire.

Arweiniodd y niferoedd cryf at lawer o drigolion yn sicrhau cyfweliadau dilynol neu’n cofrestru ar gyfer cymorth ychwanegol i’w helpu i symud yn nes at gyflogaeth. Mae’r ymateb cadarnhaol gan gyflogwyr a chyfranogwyr fel ei gilydd yn adlewyrchu momentwm cynyddol gwaith cyflogadwyedd Sir Ddinbych yn Gweithio a’i ymrwymiad i greu cyfleoedd gwirioneddol ac ymarferol i bobl leol.

Dywedodd Melanie Evans, Prif Reolwr, Cyflogaeth Strategol:

“Roedd y gweithgareddau drwy gydol mis Chwefror yn atgyfnerthu pwysigrwydd cefnogaeth cyflogaeth a yrrir yn lleol, sy’n gydweithredol ac wedi’i seilio ar anghenion ein trigolion. Mae’r mewnwelediadau a gafwyd drwy’r digwyddiadau hyn yn dangos pa mor hanfodol yw’r gwaith hwn. Wrth symud ymlaen, bydd y profiadau hyn yn helpu i lunio’r ffordd rydym yn parhau i gefnogi pobl â rhwystrau cymhleth i gael mynediad at gyfleoedd.”

Gyda’i gilydd, mae’r ymgysylltiadau amlwg hyn yn dangos un o fisoedd mwyaf bywiog a chynhyrchiol Sir Ddinbych yn Gweithio hyd yma, gan amlygu’r galw cynyddol am ei wasanaethau.

Bydd Sir Ddinbych yn Gweithio yn parhau i gydweithio â phartneriaid a chymunedau i ddarparu cefnogaeth i unigolion sy’n chwilio am gyflogaeth, hyfforddiant a chyfleoedd datblygu personol.

I gael y wybodaeth ddiweddaraf am ddigwyddiadau sydd ar y gweill, cyfleoedd hyfforddi a’r cymorth sydd ar gael, ewch i’n gwefan.

Mae Sir Ddinbych yn Gweithio yn cael ei ariannu’n rhannol drwy Raglen Cymunedau am Waith a Mwy Llywodraeth Cymru.

Clirio sgwter plentyn oddi ar draeth ym Mhrestatyn wrth gasglu sbwriel

Cafodd sgwter plentyn ac eitemau eraill eu clirio oddi ar draeth Prestatyn yn ystod digwyddiad casglu sbwriel yn ddiweddar. 

Wedi'i drefnu gan Dîm Risg Llifogydd Cyngor Sir Dinbych, llwyddodd 8 gwirfoddolwr i gasglu 11 bag o sbwriel o draeth Barkby a'r cyffiniau ar y diwrnod. Darparodd Cadwch Gymru'n Daclus hefyd rywfaint o'r offer casglu sbwriel a ddefnyddiwyd yn y digwyddiad a gynhaliwyd yr wythnos hon trwy Hwb Casglu Sbwriel Cyngor Tref Prestatyn.

Daeth y grŵp o hyd i eitemau eraill hefyd yn cynnwys bymper car, rheiliau, bin a sgwter plentyn ar y traeth.

Trefnwyd y digwyddiad hwn i fynd i'r afael ag effaith sbwriel morol yn yr ardal a all greu rhwystrau mewn dyfrffyrdd a draeniau, gan atal llif y dŵr, ac arwain at fwy o berygl o lifogydd yn lleol yn bellach i fyny’r afon.

Gall cael gwared ar y sbwriel oddi ar y traeth hefyd gefnogi amddiffynfeydd naturiol fel glannau, twyni a dolydd morwellt gan eu bod yn gallu cynnal eu swyddogaeth naturiol fel amddiffynfeydd yn erbyn y môr yn well. Mae’r sesiwn casglu sbwriel, sydd wedi dod yn ddigwyddiad misol, hefyd yn helpu i wella’r amgylchedd i breswylwyr lleol ac ymwelwyr. 

Cyngor i ymgysylltu â busnesau'r Rhyl wrth i'r prosiect fynd rhagddo

Yn dilyn cymeradwyaeth y cabinet i brosiectau Adfywio Lleol a ariennir gan Lywodraeth y DU symud i'r cyfnod cyn-adeiladu, bydd y cyngor nawr yn ymgysylltu â busnesau a thrigolion canol tref y Rhyl i ddatblygu'r gwaith dylunio ar gyfer y prosiect ymhellach.

Yn dilyn cyfnod y Pasg, bydd y cyngor yn dechrau rhaglen o ymgysylltu â busnesau lleol i drafod y cynllun arfaethedig yn fanylach.

Bydd y trafodaethau hyn yn canolbwyntio ar faterion gweithredol allweddol, gan gynnwys danfoniadau a rheoli gwastraff, er mwyn sicrhau bod unrhyw aflonyddwch posibl yn cael ei leihau a bod effeithiau'n cael eu rheoli'n ofalus drwy gydol y cyfnod adeiladu.

Nod y prosiectau yw trawsnewid yr ardal o amgylch Tŵr y Cloc yn ofod sy'n gyfeillgar i gerddwyr, trwy ei wneud yn fwy deniadol, hygyrch a gwell ei gysylltiad â'r promenâd.

Am fwy o wybodaeth cliciwch yma.

Ysbrydoliaeth am beth i'w wneud yn Sir Ddinbych!

Ydych chi eisiau ysbrydoliaeth am y pethau gorau i’w gwneud yn Sir Ddinbych er mwyn cynllunio eich antur nesaf? Darllenwch y blogiau diweddaraf ar wefan Gogledd Ddwyrain Cymru.

Gwaith Paratoi Prawf Traffig Prestatyn

O 13 Ebrill ymlaen, bydd Cyngor Sir Ddinbych yn dechrau prawf i gael system ddwyffordd ar Ffordd y Bont ym Mhrestatyn, er mwyn gweld a fydd hynny’n lleddfu tagfeydd yn yr ardal.

Gofynnwyd am y prawf yn dilyn adborth y bu i’r Cyngor ei dderbyn mewn ymgynghoriadau diweddar â’r cyhoedd, fel rhan o’r prosiect gwella’r parth cyhoeddus ar Stryd Fawr Prestatyn.

Cyn i’r prawf dechrau, bydd gwaith paratoi yn digwydd ddydd Sadwrn a dydd Sul (11 a 12 Ebrill). Bydd hyn yn cynnwys:

• Bagio goleuadau ac arwyddion nad oes eu hangen yn ystod y prawf traffig
• Newid marciau ffordd, addasu signalau a chodi arwyddion cyfeiriadol ar gyfer y prawf.
• Bydd Ffordd y Bont ar gau o 8am ar 11 Ebrill a bydd yn ailagor unwaith y bydd y gwaith wedi'i gwblhau, gallai hyn fod mor hwyr â 11pm ar ddydd Sul 12 Ebrill.
• Bydd dargyfeiriad ar waith dros y penwythnos tra bod y gwaith paratoi yn digwydd.
• Bydd y traffig sy'n mynd allan o waelod y Stryd Fawr sy'n gadael wrth y gylchfan fach yn cael ei gyfeirio tuag at rhan isaf y Stryd Fawr i Ffordd Penisardre.
• Ar ddydd Sul 12 Ebrill, bydd lôn ar gau ar Ffordd Pendyffryn i Bridge Road (tua 4pm – 9pm) i guddio'r arwyddion gyda cherrig picker. Yn ystod yr amser hwn bydd dargyfeiriad unffordd ar waith.

Am ragor o wybodaeth am y prawf traffig cliciwch yma.

Gwaith gan wasanaethau stryd y Cyngor

Mae’r prosiect hwn wedi ei ariannu gan Llywodraeth y DU drwy Gronfa Ffyniant Gyffredin y DU.’

Rhoddwyd hwb i dwristiaeth yn y sir dros dymor yr haf 2025 drwy help gan Cronfa Ffyniant Gyffredin y DU.

Llwyddodd gwasanaethau stryd Cyngor Sir Ddinbych i sicrhau'r cyllid hwn o'r DU yn ystod tymor yr haf i alluogi'r tîm i ddarparu gwasanaethau glanhau strydoedd gwell drwy gydol y misoedd prysur sy’n denu twristiaid i’r sir.

Galluogodd y cyllid i’r gwasanaeth glirio a pharatoi ardaloedd cyhoeddus glân a chroesawgar yn ein prif drefi twristiaeth drwy gydol tymor yr haf.

Isod mae enghreifftiau o waith cyn ac ar ôl gan y tîm yn ystod tymor yr haf 2025.

Nod Cronfa Ffyniant Gyffredin y DU yw meithrin balchder mewn lle a chynyddu cyfleoedd bywyd ledled y DU gan fuddsoddi mewn cymunedau a lleoedd, a chefnogi busnesau lleol, a phobl a sgiliau.

I gael rhagor o wybodaeth, ewch i https://www.gov.uk/government/publications/uk-shared-prosperity-fund-prospectus/bd1a92ce-8acd-46b9-947c-45cb2e76d863

Gwelliannau i Barth Cyhoeddus Sgwâr San Pedr Rhuthun

Yn 2023, fe gadarnhaodd Llywodraeth y DU ei bwriad i roi £10.95 miliwn o gyllid grant i deg o brosiectau cyfalaf sy’n ceisio diogelu treftadaeth, lles a chymunedau gwledig unigryw Rhuthun.

Bydd y gwaith arfaethedig yn cael ei wneud gan OBR Construction ar Sgwâr Sant Pedr a bydd yn ceisio ehangu’r posibiliadau ar gyfer cynnal digwyddiadau ac adfywio adeiladau a thirnodau hanesyddol i gefnogi hunaniaeth leol, gan hyrwyddo balchder mewn lle a rhoi hwb i ddelwedd y dref ar yr un pryd.

Bydd y Contractwr yn dechrau trwy sefydlu eu compownd safle o 9 Chwefror 2026. Yna bydd y gwaith yn dechrau gyda mân waith ac arolygon o 23 Chwefror, a bydd paratoadau'n cael eu gwneud ar gyfer yr ardal waith cyn i'r deunyddiau gael eu danfon ym mis Mawrth. Er mwyn helpu’r Contractwr i sefydlu’r safle yn rhwydd ac i osgoi unrhyw oedi neu ddifrod i gerbydau, gofynnwn yn garedig bod yr ardal o’r maes parcio cyhoeddus at Ffordd y Parc (a amlygwyd yn y ddelwedd isod fel Compownd y Contractwr) yn cael ei gadw’n glir o gerbydau cyn y 9fed Chwefror.

Cedwir mynediad i gerddwyr ar draws yr holl hawliau tramwy cyhoeddus bob amser, a bydd hanner y maes parcio sydd agosaf at orsaf betrol Texaco yn dal i fod ar gael ar gyfer preswylwyr a'r cyhoedd.

Rydym yn deall y gall gwaith yng nghanol y dref fod yn anghyfleus, a bydd y Contractwr yn sicrhau bod yr aflonyddwch yn cael ei gadw i'r lleiafswm bob amser. Bydd y gwaith yn cael ei wneud fesul fel mai dim ond ardaloedd bach sy'n cael eu heffeithio ar unrhyw un adeg. Bydd manylion pob cyfnod yn cael eu cadarnhau cyn gynted â phosibl, a rhoddir rhybudd i bob preswylydd a busnes yn yr ardaloedd yr effeithir arnynt wythnos cyn i'r gwaith ddechrau.

Bydd y gwaith yn cael ei wneud rhwng 8:00yb a 6:00yp o ddydd Llun i ddydd Gwener. Os oes angen gwaith y tu allan i'r oriau hyn, byddwn yn rhoi rhybudd ymlaen llaw eto.

Drwy gydol y prosiect, bydd mynediad i gerddwyr yn cael ei reoli, bydd rampiau dros dro yn cael eu darparu ar gyfer hygyrchedd, bydd arwyddion clir a rhwystrau diogel yn eu lle. Bydd mynediad i eiddo a busnesau yn cael ei reoli, gyda chymorth ar gael os oes angen.

Bydd Swyddog Cyswllt y Busnes/Cyhoedd pwrpasol ar gael drwy gydol y gwaith i gynorthwyo gydag ymholiadau a threfniadau mynediad, a gellir cysylltu â nhw drwy e-bost: RuthinEnquiries@OBRConstruction.com

Diolch am eich amynedd a'ch dealltwriaeth tra bod y gwelliannau hyn yn cael eu cyflawni. Edrychwn ymlaen at gyflwyno cynllun gorffenedig a bydd o fudd i drigolion, busnesau ac ymwelwyr â Rhuthun. Os oes gennych unrhyw gwestiynau neu bryderon, mae croeso i chi gysylltu â ni: RuthinEnquiries@OBRConstruction.com neu swyddfarhaglencorfforaethol@sirddinbych.gov.uk      

Cymorth ariannol tuag at gost gwisg ysgol a phrydau ysgol am ddim

Mae cymorth ariannol ar gael tuag at gost gwisg ysgol a phrydau ysgol am ddim.

Mae rhagor o wybodaeth ynghylch a ydych chi'n gymwys ar gael ar y poster isod.

I wneud cais ewch i www.sirddinbych.gov.uk/budd-daliadau neu sganiwch y cod QR.

Diweddariad am Gyfleuster Ystafell Newid Gerddi’r Coroni

Mae Cyngor Sir Ddinbych yn chwilio am sefydliad partner i reoli a gweithredu y cyfleuster Ystafell Newid yng Ngerddi’r Coroni Rhyl.

Bydd y cyfleuster o reidrwydd ar gael i bob sefydliad chwaraeon sy’n defnyddio safle'r Gerddi.

Bydd y partner llwyddiannus sydd â diddordeb yn gyfrifol yn llwyr am gynnal a chadw'r adeilad, agor a chau'r cyfleuster yn ogystal â chymryd archebion mewn modd addas dros y ffôn neu drwy e-bost.

Rhagwelir y bydd yr ymgeisydd llwyddiannus yn ymrwymo i drefniant prydles gyda’r Cyngor fel y landlord sydd â chyfrifoldebau diffiniedig dros atgyweirio ynghyd â rhwymedigaethau rheoli.

Dylai unrhyw un sydd  â diddordeb anfon e-bost at property.services@denbighshire.gov.uk gyda’r teitl “Cyfleusterau Newid Gerddi’r Coroni” yn glir ar yr e-bost erbyn 24 Rhagfyr.

Annog pobl ifanc i hawlio eu cynilion

Gallai nifer o oedolion ifanc yn Sir Ddinbych fod â chyfartaledd o £2,200 yn aros amdanynt yn eu cyfrif Cronfa Ymddiriedolaeth Plant heb eu hawlio.

Cyflwynwyd Cronfeydd Ymddiriedolaeth Plant gan Lywodraeth y DU yn 2005. Agorwyd cyfrifon ar gyfer bron 6 miliwn o blant a anwyd yn y DU rhwng 1 Medi 2002 a 2 Ionawr 2011.

Mae bron hanner nifer y Cronfeydd Ymddiriedolaeth Plant yng Nghymru heb eu hawlio o hyd. Yn ôl y Share Foundation, mae oddeutu 1240 o gyfrifon heb eu hawlio o hyd yn Sir Ddinbych.

Gall pobl ifanc 16 oed neu’n hŷn gymryd rheolaeth o’u Cronfa Ymddiriedolaeth Plant eu hunain, er na ellir tynnu’r arian o’r gronfa tan fyddant yn 18 oed. Gall teuluoedd barhau i dalu hyd at £9,000 y flwyddyn yn ddi-dreth i’r Gronfa Ymddiriedolaeth Plant tan fydd y cyfrif yn aeddfedu.  Mae’r arian yn aros yn y cyfrif tan fydd y plentyn yn ei dynnu allan neu yn ei ail-fuddsoddi i mewn i gyfrif arall. Os nad oedd rhiant neu warcheidwad wedi gallu agor cyfrif i’w plentyn, bu i’r llywodraeth agor cyfrif cynilo ar ran y plentyn.

Bydd pob unigolyn 16 oed yn cael gwybodaeth am sut i ddod o hyd i’w Cronfa Ymddiriedolaeth Plant gan Gyllid a Thollau Ei Fawrhydi gyda’u llythyr Yswiriant Gwladol.  Os oes unrhyw un yn ansicr am eu sefyllfa, yna dylent wirio gyda’u banc neu gymdeithas adeiladu. Fel arall, gall oedolion ifanc a rhieni chwilio ar www.gov.uk/child-trust-funds i ddod o hyd i ble mae eu Cronfa Ymddiriedolaeth Plant yn cael ei gadw.

Dywedodd y Cynghorydd Delyth Jones, Aelod Arweiniol Cyllid, Perfformiad ac Asedau Strategol:

“Hoffwn annog yr holl bobl ifanc sy’n gymwys i wirio eu cyfrifon a hawlio yr hyn sy’n eiddo iddynt. Gellir symud y buddsoddiad i ISA oedolyn neu ei ddefnyddio ar gyfer eu haddysg, tai neu wersi gyrru.

Byddwn yn annog pobl ifanc i ddefnyddio’r adnodd ar-lein i’w olrhain, neu i rieni plant yn eu harddegau i siarad â nhw i sicrhau eu bod yn ymwybodol o’u Cronfa Ymddiriedolaeth Plant. Gallai hyn wneud gwahaniaeth gwirioneddol i’w cynlluniau ar gyfer eu dyfodol yn enwedig mewn cyfnod pan fo arian yn dynn.”

Bu i’r cynllun Cronfa Ymddiriedolaeth Plant gau ym mis Ionawr 2011 a bu i Gyfrifon Cynilo Unigol (ISA) Plant gymryd eu lle.

I gael rhagor o wybodaeth am Gronfeydd Ymddiriedolaeth Plant, ewch i www.gov.uk/child-trust-funds. Fel arall, ewch i https://www.meiccymru.org/do-you-have-money-hiding-in-a-child-trust-fund, anfonwch neges destun at 07943 114449 neu ffoniwch 080880 23456.

Darganfod Sir Ddinbych...

Eisiau darganfod mwy o Sir Ddinbych?

Beth am gael ysbrydoliaeth o'n mapiau cerdded a beicio am syniadau newydd o leoedd i ymweld â nhw.

Am fwy o ysbrydoliaeth ar weithgareddau yn Sir Ddinbych a'r cyffiniau ewch i - https://www.northeastwales.wales/cy/ 

Awydd dod yn Lysgennad Twristiaeth Sir Ddinbych?

Mae’r cynllun Llysgennad Twristiaeth Sir Ddinbych, yn gwrs hyfforddiant ar-lein am ddim i wella eich gwybodaeth am y sector twristiaeth yn Sir Ddinbych.

Mae 14 modiwl i ddewis ohonynt ar amrywiaeth o themâu gan gynnwys cerdded, becio. bwyd, celfyddydau, arfordir, hanes a thwristiaeth gynaliadwy.

Gwyliwch ein ffilm fer sy’n sôn am y cwrs.

Ewch i www.llysgennad.cymru a chychwyn arni heddiw.

Mwy o ardaloedd i dderbyn cymorth Dechrau’n Deg yn Sir Ddinbych

Mae mwy o ardaloedd yn Sir Ddinbych am dderbyn cymorth drwy gynllun gofal plant Dechrau’n Deg.

Mae’r ardaloedd ychwanegol yn cynnwys y Rhyl, Prestatyn, Gallt Melyd, Rhuddlan, Dyserth, Dinbych, Corwen, Llangollen, Llandrillo a Llanfair DC, ac mae’n berthnasol i deuluoedd sydd â phlentyn a gafodd ei ben-blwydd yn 2 oed rhwng 1 Medi 2024 a 31 Awst 2025.

Mae ehangu’r cynllun yn golygu y bydd teuluoedd yn yr ardaloedd newydd yn gymwys am 12 awr a hanner o ofal plant wedi’i ariannu yn ystod tymor yr ysgol. Gyda mwy o leoliadau yn cynnig Gofal Plant Dechrau'n Deg wedi'i ariannu, a chodau post newydd yn cael eu hychwanegu'n rheolaidd, anogir teuluoedd i wirio eu cod post gan ddefnyddio'r gwiriwr cod post ar y wefan.

Mae Dechrau’n Deg Sir Ddinbych yn rhaglen a ariennir gan Lywodraeth Cymru. Nod y rhaglen yw helpu plant i gael y cychwyn gorau posibl mewn bywyd er mwyn eu twf a’u datblygiad yn y dyfodol.

Meddai’r Cynghorydd Diane King, Aelod Arweiniol Addysg, Plant a Theuluoedd:

“Bydd yr ehangiad diweddaraf hwn i gynllun Dechrau’n Deg yn golygu y bydd mwy o deuluoedd Sir Dinbych bellach yn gallu cael mynediad at ddarpariaeth gofal plant am ddim. Mae’r cymorth hwn o fudd mawr i rieni a theuluoedd.

Gall preswylwyr yn yr ardaloedd newydd wirio a yw eu cod post yn gymwys gyda’r gwiriwr cod post.”

Am fwy o wybodaeth, ewch i: https://www.denbighshire.gov.uk/cy/gofal-plant-a-rhianta/teuluoedd-yn-gyntaf-a-dechraun-deg/dechraun-deg.aspx

Spotolau ar ein prif drefi

Mae ein Tîm Twristiaeth wedi bod yn tynnu sylw at bob un o'n prif drefi yn eu blog Gogledd-ddwyrain Cymru.

Mae mwy o wybodaeth yn eu blog. 

Gwaith cynnal a chadw i ddigwydd ar Bont Foryd

Bydd gwaith cynnal a chadw hanfodol yn digwydd ar Bont Foryd fis Mawrth.

Bydd y gwaith yn dechrau ar y bont ar Fawrth 2 a bydd yn para am ddwy noson.

Bydd y gwaith cynnal a chadw ar y bont yn digwydd o 9pm tan 5am bob nos ac yn ystod yr amser hwn bydd y bont ar gau, a bydd arwyddion ar lwybrau dargyfeirio.

Hoffai'r Cyngor ddiolch i drigolion a busnesau ger y lleoliad hwn am eu cefnogaeth ac i yrwyr sy'n defnyddio'r llwybr hwn am eu hamynedd tra bod y gwaith yn cael ei wneud. Mae rhagor o wybodaeth am waith Priffyrdd ar gael ar ein gwefan.

www.sirddinbych.gov.uk/ffyrdd.

Rhaglen Waith Sgwâr Sant Pedr

Dros y misoedd nesaf, cynhelir gwaith sydd wedi ei gynllunio'n ofalus i gwblhau cynllun gwella parth cyhoeddus Sgwâr Sant Pedr. Mae'r tabl isod yn rhoi trosolwg o'r camau gwaith arfaethedig, gan gynnwys ble a phryd y bydd pob cam yn digwydd.

Bydd systemau rheoli traffig a chau ffyrdd yn anochel a dim ond yn cael ei weithredu lle bo angen er mwyn amddiffyn y cyhoedd a gweithlu'r Contractwr. Bydd cau ffyrdd yn ystod gŵyl Rhuthun yn cael ei reoli gan isgontractwyr rheoli traffig y Contractwr er mwyn sicrhau dull cydlynol.

Mae'r holl ddyddiadau'n ddangosol* a gallai fod newid oherwydd y tywydd neu addasiadau i'r rhaglen, ond gwneir pob ymdrech i leihau'r aflonyddwch drwy gydol y cyfnod adeiladu.

 Yna mae gwaith gosod wyneb wedi ei gynllunio ar gyfer y cyfnod rhwng 9 a 18 Tachwedd 2026*.

Cyfnod 1 - Stryd y Ffynnon a’r ardal y tu ôl ac o amgylch ochr yr Hen Lys

Cyfnod 2 – Stryd y Castell

Cyfnod 3 – Sgwâr Sant Pedr – ochr ddwyreiniol a gorllewinol o amgylch y sgwâr a Stryd y Farchnad

Cyfnod 4 - Sgwâr Sant Pedr – ochr ogleddol y sgwâr a chyffyrdd â ffyrdd oddi ar y sgwâr

Y bwriad ar hyn o bryd yw cwblhau'r holl waith ail-wynebu gyda'r nos i leihau aflonyddwch.

Drwy gydol y prosiect, fe fydd mynediad i gerddwyr yn cael ei reoli, caiff rampiau dros dro eu darparu i sicrhau hygyrchedd, a bydd arwyddion clir a rhwystrau diogelu yn eu lle. Os oes unrhyw broblem, gellir cysylltu â’r Swyddog Cyswllt â’r Cyhoedd ar RuthinEnquiries@obrconstruction.com neu'r Tîm Prosiect ar swyddfarhaglencorfforaethol@sirddinbych.gov.uk.

Rydym yn gwerthfawrogi eich amynedd a’ch cyd-weithrediad yn ystod y gwaith adeiladu.

Cymorth i gefnogi byw'n annibynnol yn hwyrach mewn bywyd

Mae Cyngor ar Bopeth Sir Ddinbych wedi derbyn cyllid gan Independent Age ar gyfer prosiect newydd 3 blynedd sy'n cefnogi byw'n annibynnol yn hwyrach mewn bywyd.

Mae'r prosiect ar gyfer pobl dros 65 oed sy'n byw yn y Rhyl, Prestatyn a'r ardaloedd cyfagos a allai fod yn cael trafferth gyda phryderon ariannol, biliau cynyddol neu broblemau tai. Mae'r holl gefnogaeth am ddim, yn gyfrinachol ac yn ddiduedd.

Cysylltwch â Chyngor ar Bopeth Sir Ddinbych neu galwch heibio i un o'u sesiynau galw heibio. Mae mwy o wybodaeth am eu sesiynau galw heibio ar wefan Cyngor ar Bopeth Sir Ddinbych.

Cymorth gyda chostau ynni gan Cyngor ar Bopeth Sir Ddinbych

Ydych chi'n cael trafferth gyda chostau ynni? Gall Cyngor ar Bopeth Sir Ddinbych eich helpu.

Mae eu prosiect Fuel-Sense yn parhau i gefnogi pobl yn y Rhyl a Phrestatyn, ac mae ganddyn nhw becynnau cynhesrwydd Fuel-Sense ar gael o hyd i unrhyw un sydd eu hangen.

Mae'r pecynnau'n cynnwys eitemau arbed ynni ymarferol fel bylbiau LED, atalyddion drafft, amseryddion cawod a mwy - yn rhad ac am ddim.

Os gallech chi neu rywun rydych chi'n ei gefnogi elwa, cysylltwch ar 01745 346785 neu ewch i wefan Cyngor ar Bopeth Sir Ddinbych am ragor o wybodaeth.

Gwaredu tir yn ardal Ffrith, Prestatyn

Mae'r Cyngor yn ymwybodol o wybodaeth anghywir sy'n cael ei rannu mewn fforymau lleol i Brestatyn bod y Cyngor yn bwriadu gwaredu tir cyhoeddus yn Nhraeth Ffrith ym Mhrestatyn. Nid yw hyn yn gywir.

Yn ddiweddar, cyhoeddodd y Cyngor hysbysiad 'gwaredu tir' yn ymwneud â 26 erw o dir sy'n eiddo i'r Cyngor sydd ar hyn o bryd yn cael ei reoli'n breifat o dan brydles i Lakeside Ltd, perchnogion Parc Carafanau Teithio Traeth Ffrith. Mae hyn yn golygu, os bydd y cytundeb gwaredu tir arfaethedig yn mynd yn ei flaen, y bydd Lakeside Ltd yn dod yn berchnogion rhydd-ddaliadol ar oddeutu 22 erw o dir sydd eisoes dan brydles ganddynt gan y Cyngor ar hyn o bryd. Defnyddir y 22 erw hwn o dir ar hyn o bryd fel parc carafanau ac ni fydd unrhyw newid defnydd o dan y cynigion.

Bydd 4 erw arall o dir sydd ar brydles i Lakeside Ltd ar hyn o bryd yn cael ei ddychwelyd i reolaeth y Cyngor a bydd tîm Mannau Agored y Cyngor yn gofalu amdano. Dyma'r darn bach o dir rhwng Parc Carafanau Traeth Ffrith, a Chanolfan Bowlio Dan Do Ffrith.

Mae'r map isod yn dangos yr ardal dan sylw ac yn egluro'r cynigion yn ardal Ffrith:

Ar hyn o bryd mae gan aelodau'r cyhoedd fynediad i'r darn hwn o dir trwy ganiatâd y llesddeiliaid presennol, Lakeside Ltd. Nid oes hawl tramwy cyhoeddus ac nid yw'n cael ei gynnal gan y Cyngor ar hyn o bryd. Mae dychwelyd y darn bach hwn o dir i reolaeth y Cyngor yn sicrhau'r tir fel man agored cyhoeddus ac yn sicrhau bod ei ddefnydd fel ffordd o gyrraedd y traeth yn ddiogel ar gyfer cenedlaethau'r dyfodol.

Mae Traeth Ffrith ei hun yn dir hygyrch i'r cyhoedd sydd am ddim i bawb ei fwynhau, a bydd yn parhau i fod felly.

Cofrestru Llety Ymwelwyr yng Nghymru

Deddf newydd i gofrestru llety ymwelwyr yng Nghymru: Cyhoeddi gweminarau i helpu darparwyr i baratoi

Bydd gofyn i unrhyw un sy'n derbyn archebion ar gyfer llety dros nos yng Nghymru — o westeion achlysurol i weithredwyr gwestai mawr — gofrestru eu llety gydag Awdurdod Cyllid Cymru (ACC) pan fydd y gofrestr yn lansio'r hydref hwn.

Mae deddfwriaeth Llywodraeth Cymru yn golygu y bydd angen i bob darparwr sy'n cynnig llety i ymwelwyr, boed yn ystafell sbâr sengl, bwthyn gwyliau, gwely a brecwast, neu westy gwasanaeth llawn, gwblhau proses gofrestru ffurfiol. Mae'r gofyniad yn berthnasol p'un a yw gwesteion yn aros am un noson neu sawl wythnos.

Bydd y cynllun cofrestru llety ymwelwyr newydd yn lansio yn hydref 2026. Cyn hyn, mae'r ACC yn annog gwesteiwyr a busnesau i gofrestru am ddiweddariadau fel y gallant dderbyn nodyn atgoffa, canllawiau, a'r wybodaeth ddiweddaraf wrth i'r dyddiad cofrestru agosáu. Mae’r broses gofrestru’n rhad ac am ddim ac mae’n orfodol i bob darparwr llety gofrestru hyd yn oed os na chaiff yr Ardoll Ymwelwyr ei chyflwyno yn y pen draw yn y sir. Gallai gall darparwyr sy'n methu â chofrestru wynebu cosbau.

Gweminarau i Gefnogi Gwesteiwyr a Llwyfannau Archebu

Er mwyn helpu i baratoi'r sector, mae Awdurdod Cyllid Cymru yn cynnig cyfres o weminarau am ddim wedi'u hanelu at ddarparwyr llety ymwelwyr, llwyfannau archebu a chyrff twristiaeth. Bydd y sesiynau hyn yn darparu diweddariadau diweddaraf ar y gofynion cofrestru newydd a chanllawiau clir, ymarferol ar sut y gall darparwyr llety gydymffurfio. Bydd hefyd sesiwn holi ac ateb gydag arbenigwyr ACC.

Dyddiadau'r Gweminarau

Sesiynau Saesneg:

• Dydd Mawrth 24 Mawrth 2026, 11am–12pm
• Dydd Mawrth 24 Mawrth 2026, 6pm–7pm

Sesiwn Cymraeg:

• Dydd Iau 26 Mawrth 2026, 11am–12pm

Sut i Gofrestru ar gyfer Gweminar

Gallwch gofrestru ar gyfer gweminar ar y ddolen ganlynol - https://www.llyw.cymru/awdurdod-cyllid-cymru/hyfforddiant-digwyddiadau

Am ragor o wybodaeth ac i gofrestru ar gyfer hysbysiadau am y cynllun cofrestru newydd, ewch i https://registervisitoraccommodation.service.gov.wales/email-signup

Etholiad y Senedd 2026

Bydd Cymru yn cael ei rhannu’n 16 etholaeth newydd ar gyfer etholiad y Senedd ar 7 Mai 2026. Bydd gan bob un o’r etholaethau newydd chwe Aelod, sy’n gwneud cyfanswm o 96 Aelod yn cael eu hethol i’r Senedd.

Os ydych chi'n byw yn Sir Ddinbych, gallwch chi fod yn pleidleisio mewn un o dair etholaeth:

✅ Clwyd (yn cwmpasu'r rhan fwyaf o'r sir)

✅ Bangor Conwy Môn

✅ Gwynedd Maldwyn

Gallwch wirio eich etholaeth ar wefan Senedd Cymru drwy deipio eich cod post i'r map.

Cofiwch - ni fydd y cyfrif yn digwydd yn Sir Ddinbych eleni felly i ddilyn y canlyniadau'n fyw, edrychwch ar dudalennau’r cyngor perthnasol:

🔹 Clwyd 👉 www.facebook.com/CSyFflint

🔹 Bangor Conwy Môn 👉 www.facebook.com/ConwyCBC

🔹 Gwynedd Maldwyn 👉 www.facebook.com/CyngorGwyneddCouncil

Gall unrhyw un sy'n 16 oed neu'n hŷn ar 7 Mai 2026 ac yn byw yng Nghymru, bleidleisio yn etholiad nesaf y Senedd. Dyma bum ffaith allweddol am y Senedd:

1. Mae gan Gymru ei senedd ei hun – sef Senedd Cymru. Mae’r Senedd yn pasio deddfau am bob math o bethau sy'n effeithio ar fywyd trigolion bob dydd yng Nghymru.
2. Y Senedd sy’n penderfynu ynghylch pethau fel ysbytai a meddygon teulu, ysgolion ac addysg, trafnidiaeth ffyrdd a rheilffyrdd, ffermio, diwylliant, yr amgylchedd a’r Gymraeg.
3. Ar 7 Mai 2026 bydd gan unrhyw un sy'n 16 oed neu'n hŷn un bleidlais i ddewis y blaid neu’r ymgeisydd annibynnol y maent am iddyn nhw gynrychioli eu hardal nhw yn y Senedd.
4. Bydd gan yr Aelodau o’r Senedd a gânt eu hethol ym mis Mai 2026 y pŵer i wneud penderfyniadau sy’n effeithio ar bawb yng Nghymru.
5. Gallwch ddarganfod popeth sydd angen ei wybod am etholiad y Senedd ar wefan bwrwpleidlais.cymru

2026 Dyddiadau ar gyfer gwiriad pwysau carafanau am ddim a chyngor ar ddiogelwch

Mae Safonau Masnach Sir Ddinbych a Chonwy yn cynnig sesiynau pwyso a chyngor am ddim ar gyfer carafanau a faniau gwersylla.

Gall preswylwyr sy’n mynd ar wyliau mewn carafán neu fan wersylla wneud yn siŵr nad ydynt yn gorlwytho eu carafán a rhoi eu hunain mewn perygl.

Mae’r sesiynau pwyso a chyngor am ddim ar gyfer carafanau ar gael i drigolion Sir Ddinbych a Chonwy, ac i’r rheini mewn ardaloedd awdurdodau lleol eraill os gallant deithio i’r lleoliad.

Sesiwn gyngor yw hwn, ac ni chymerir unrhyw gamau os canfyddir gorlwytho neu faterion eraill, ond byddwn yn gweithio gyda chi i leihau'r llwyth. Bydd swyddogion y cyngor yng nghwmni swyddog o adran Diogelwch Cymunedol Heddlu Gogledd Cymru a fydd yn rhoi cyngor diogelwch ymarferol i gadw'ch car a'ch carafan yn ddiogel.

Bydd y gwiriadau pwysau rhad ac am ddim yn cael eu cynnal ar y bont bwyso ar yr A525 rhwng Rhuddlan a Llanelwy ar y dyddiadau a’r amseroedd canlynol:

• Dydd Gwener 22/05 – 10am-3pm
• Dydd Gwener 17/07 – 10am-3pm
• Dydd Gwener 28/08 – 10am-3pm

Nid oes angen apwyntiad ar gyfer y sesiynau yma ac mae croeso i breswylwyr fynychu unrhyw un o’r sesiynau a restrir a darganfod a ydynt o fewn y pwysau cyfreithlon ar gyfer eu cerbydau.

Gellir dod o hyd i'r bont bwyso ar ffordd yr A525 rhwng Rhuddlan a Llanelwy, tua thri chwarter milltir o Ruddlan, a leolir yn y gilfan, bydd arwyddion yn nodi bod y bont bwyso ar waith.

Os oes gennych unrhyw gwestiynau am yr uchod, cysylltwch ag adran Safonau Masnach Sir Ddinbych ar tradingstandards@denbighshire.gov.uk ewch i'w tudalen Facebook, yn yr un modd cysylltwch â Safonau Masnach Conwy ar trading.standards@conwy.gov.uk

A wyddoch chi y gallwch wylio cyfarfodydd y Cyngor arlein?

Gallwch weld gweddarllediadau byw ac wedi eu recordio o gyfarfodydd pwyllgorau’r Cyngor ar unrhyw adeg.

Mae'r holl bapurau hefyd i'w gweld gan gynnwys yr agenda a phenderfyniadau.

Os hoffech chi ddarganfod mwy am beth syn digwydd yn y Cyngor, edrychwch ar y calendr cyfarfodydd i weld beth sy’n mynd ymlaen.

A wyddoch chi mai 0.9% o wariant Treth y Cyngor sy'n mynd ar Wasanaeth Treftadaeth y sir?

Mae Gwasanaeth Treftadaeth Sir Ddinbych yn cyfrif am 0.9% o wariant Treth y Cyngor.

Am hyn, mae'n cadw ac yn hyrwyddo hanes unigryw'r sir, gan ofalu am safleoedd hanesyddol pwysig gan gynnwys Carchar Rhuthun, Plas Newydd, Nantclwyd Y Dre, Amgueddfa'r Rhyl (wedi'i lleoli yn y llyfrgell) a storfa gasgliadau fawr.

Drwy ddiogelu'r rhain mae'r gwasanaeth yn sicrhau bod hanes cyfoethog Sir Ddinbych yn parhau i fod yn hygyrch ar gyfer addysg, lles a mwynhad.

Trwy ein hatyniadau, digwyddiadau a rhaglenni dysgu, rydym yn cefnogi balchder lleol, twristiaeth ddiwylliannol a'r economi wrth amddiffyn treftadaeth ar gyfer cenedlaethau'r dyfodol.

I ddarganfod mwy am sut caiff Treth y Cyngor ei wario ewch i'n gwefan

A wyddoch chi bod Tîm Trwyddedu’r Cyngor wedi lansio eu safonau gwasanaeth newydd.

Bod Tîm Trwyddedu’r Cyngor wedi lansio eu safonau gwasanaeth newydd. Mae’n egluro beth allwch chi ei ddisgwyl wrth wneud cais am drwyddedau, yn ystod archwiliadau a gorfodi, a sut i gysylltu neu roi adborth. Am ragor o wybodaeth ewch i’n gwefan.

Sir Ddinbych yn Gweithio yn cynnig sesiynau llesiant yn wythnosol

Fod Sir Ddinbych yn Gweithio yn cynnig sesiynau llesiant wythnosol am ddim ledled y sir – gan gynnwys galwadau heibio, teithiau cerdded llesiant, cefnogaeth i bobl ifanc, a gweithgareddau i hybu hyder. Maen nhw ar agor i holl drigolion Sir Ddinbych 16+ oed, ac yn hollol rhad ac am ddim! Edrychwch ar yr amserlen a’r digwyddiadau diweddaraf yma. 

Llawrlwytho eLyfrau, llyfrau sain, papurau newydd ac yn y blaen

Gallwch chi lawrlwytho eLyfrau, llyfrau sain, cylchgronau digidol a phapurau newydd am ddim gan ddefnyddio ap Borrowbox? Y cyfan sydd ei angen arnoch chi yw eich cerdyn llyfrgell a'ch PIN. Ddim yn aelod o'r llyfrgell? Mae ymuno ar-lein am ddim www.sirddinbych.gov.uk/llyfrgelloedd.  

A wyddoch chi fod 1.1% o wariant Treth y Cyngor yn mynd tuag at y gwasanaeth Cefn Gwlad?

Mae 1.1% o wariant Treth Cyngor yn mynd tuag at y Gwasanaeth Cefn Gwlad sy'n rheoli dros 80 o safleoedd cefn gwlad, dros 1,200 hectar o fannau gwyrdd ar gyfer hamdden a chadwraeth.

Mae'r rhain yn amrywio o Barc Gwledig Loggerheads a Moel Fammau, Planhigfa Goed y Sir yn Llanelwy, Pwll Brickfield yn y Rhyl, Prestatyn Dyserth Way, Llantysilio Green yn Nyffryn Dyfrdwy a nifer o safleoedd cymunedol llai ar draws y Sir.

Mae gan y Gwasanaeth dîm arbenigol yn y maes Ecoleg a Choed ledled y Sir,  y dynodiad Tirwedd Genedlaethol, hamdden a hawliau tramwy, sy'n trefnu teithiau cerdded natur ar gyfer iechyd ac yn rheoli'r Ganolfan Cefn Gwlad yn Loggerheads ac arlwyo ym Mhlas Newydd.

I ddarganfod mwy am sut caiff Treth y Cyngor ei wario ewch i'n gwefan

Mae Treth y Cyngor yn cynrychioli dim ond 25% o arian y Cyngor

Mae Treth y Cyngor ond yn cyfrif am 25% o gyfanswm cyllid y Cyngor. Pan fyddwch yn talu eich bil Treth y Cyngor blynyddol, mae 1.8% o hwnnw’n talu am gasgliadau gwastraff ac ailgylchu – sy’n cyfateb i £32.89 y flwyddyn (yn seiliedig ar dreth gyngor eiddo Band D o £1,799.48 y flwyddyn). Mae'r rhan fwyaf o wariant Treth y Cyngor yn mynd tuag at y rhai mwyaf agored i niwed mewn cymdeithas - ysgolion ac addysg yw'r gwariant mwyaf sy'n cyfrif am 36.7% tra bod gofal oedolion a gofal cymdeithasol yn cyfrif am 29.8%. Darganfyddwch fwy ar ein gwefan.

Prydau ysgol am ddim

Mae pob plentyn oed cynradd yn gymwys i gael prydau ysgol am ddim drwy'r cynllun Prydau Ysgol Cynradd Cynradd Cyffredinol. Mae hon yn fenter gan Lywodraeth Cymru sydd wedi'i sefydlu i helpu gyda'r costau byw cynyddol. Gallwch ddarganfod rhagor o wybodaeth ar wefan y Cyngor.

A wyddoch chi bod rhan o'ch Treth Cyngor yn mynd tuag at y Gwasanaeth Tân?

Oeddech chi'n gwybod bod rhan o'ch Treth Cyngor yn mynd tuag at y Gwasanaeth Tân?

Nid yw'r holl Dreth Cyngor a gesglir yn talu am ddim ond gwasanaethau'r cyngor, mae 2.5% yn mynd tuag at y Gwasanaeth Tân. I ddarganfod mwy am sut caiff Treth y Cyngor ei wario ewch i'n gwefan.

A wyddoch chi bod 64% o gyllideb y Cyngor yn mynd ar addysg, ysgolion a gofal cymdeithasol?

Mae 64% o gyllideb y Cyngor yn mynd ar addysg, ysgolion a gofal cymdeithasol? Mae 14% arall wedi'i neilltuo i bethau fel cynllun cenedlaethol Cymru gyfan ar gyfer budd-dal y Dreth Gyngor a'r ardoll y mae'n rhaid i ni ei thalu i Awdurdod Tân ac Achub Gogledd Cymru, sydd wedyn ond yn gadael 22% ar ôl ar gyfer holl wasanaethau eraill y Cyngor gan gynnwys gwagio biniau ac ailgylchu, cynllunio a diogelu'r cyhoedd, diogelu atyniadau treftadaeth, cludo disgyblion i'r ysgol.

Gallwch ddysgu mwy am ble mae'r gyllideb yn mynd ar y tudalennau newyddion.

A wyddoch chi?

Mae 36.7% o'ch Treth Cyngor yn cael ei wario ar ysgolion ac addysg, a 29.8% yn cael ei wario ar ofal cymdeithasol, sy'n golygu bod dros 66% o'ch Treth Cyngor yn mynd ar amddiffyn y mwyaf bregus yn ein cymdeithas.

I ddarganfod mwy am sut caiff Treth y Cyngor ei wario ewch i'n gwefan.

A wyddoch chi fod gan Sir Ddinbych yn Gweithio tudalennau ar ein gwefan?

Mae gan Sir Ddinbych yn Gweithio dudalennau ar wefan y Cyngor.

Mae Sir Ddinbych yn Gweithio yma i helpu preswylwyr 16 oed a hŷn a allai fod yn ei chael yn anodd neu sy’n poeni am arian. P’un ai a ydych chi’n chwilio am waith neu angen cefnogaeth i godi eich hun yn ôl ar eich traed, mae nhw yma i’ch arwain chi tuag at ddyfodol gwell. Ewch i'n gwefan i gael gweld beth sydd gennyn nhw i gynnig.

A wyddoch chi fod 1.8% o wariant Treth Cyngor yn mynd tuag at ffyrdd ac isadeiledd?

Mae 1.8% o wariant eich Treth Cyngor yn mynd tuag at ffyrdd ac isadeiledd.

O fewn hyn mae’r gwasanaeth yn gyfrifol am 1,419km o briffyrdd (ag eithrio cefnffyrdd), 601 o bontydd priffyrdd a cheuffosydd, 302 o waliau cynnal a 26,000 o geunentydd.

I ddarganfod mwy am sut caiff Treth y Cyngor ei wario ewch i'n gwefan

A wyddoch chi bod 29.8% o wariant Treth Cyngor yn mynd tuag at ofal cymdeithasol i blant ac oedolion?

Mae 29.8% o wariant Treth Cyngor yn mynd tuag at ofal cymdeithasol i blant ac oedolion.

A gyda 36.7% yn mynd i ysgolion ac addysg, mae hyn yn golygu bod dros 66% o’ch Treth Cyngor yn mynd i warchod y mwyaf bregus yn ein cymdeithas.

I ddarganfod mwy am sut caiff Treth y Cyngor ei wario ewch i'n gwefan.

Gwasanaeth Ieuenctid Sir Ddinbych

Mae Gwasanaeth Ieuenctid Sir Ddinbych yn agored i bawb 11 i 25 oed. Mae nhw yn cynnig gweithgareddau a chyfleoedd cymdeithasol i ddatblygu diddordebau yn ogystal â helpu a chefnogi unrhyw un sydd ei angen. I ddod o hyd i glwb ieuenctid lleol neu i gael cymorth a chefnogaeth i blant a phobl ifanc, ewch i’n gwefan.

A wyddoch chi bod 2.9% o wariant Treth Cyngor yn mynd ar drafnidiaeth ysgol?

Mae 2.9% o wariant Treth Cyngor yn mynd ar drafnidiaeth ysgol.

Am hyn, mae'r Cyngor yn cludo oddeutu 2,871 o ddisgyblion yn ddiogel i 75 ysgol ledled y sir.

I ddarganfod mwy am sut caiff Treth y Cyngor ei wario ewch i'n gwefan

A wyddoch chi fod 0.8% o wariant Treth Cyngor yn mynd tuag at oleuadau stryd?

Mae 0.8% o wariant Treth Cyngor yn mynd tuag at oleuadau stryd.

Am hyn, mae’r Cyngor yn cynnal 11,763 o oleuadau stryd a 1,547 o arwyddion a physt wedi’u goleuo

I ddarganfod mwy am sut caiff Treth y Cyngor ei wario ewch i'n gwefan

Wyddoch chi mai 1.8% o wariant Treth Cyngor sy’n mynd ar wagu biniau ac ailgylchu?

Mae 1.8% o wariant eich Treth Cyngor yn mynd ar wagio biniau ac ailgylchu sy’n cyfateb i £32.89 y flwyddyn (yn seiliedig ar eiddo Band D).

Am hyn, mae’r Cyngor yn casglu oddeutu 73,000 o finiau o fwy na 47,000 o gartrefi bob wythnos ar draws y sir.

I ddarganfod mwy am sut caiff Treth y Cyngor ei wario ewch i'n gwefan

A wyddoch chi fod 1.9% o wariant Treth y Cyngor yn mynd tuag at Warchod y Cyhoedd ac Iechyd yr Amgylchedd?

Mae 1.9% o wariant Treth y Cyngor yn mynd tuag at Warchod y Cyhoedd ac Iechyd yr Amgylchedd ac fel rhan o hyn, mae'r Cyngor yn archwilio oddeutu 720 o fwytai, caffis a lleoliadau pryd ar glud bob blwyddyn i sicrhau eu bod yn gweithredu'n ddiogel ar gyfer trigolioin Sir Ddinbych.

Yn ogystal, mae'r Cyngor yn ymateb i dros 1,200 o geisiadau bob blwyddyn sy'n berthnasol i dai a llygredd.

I ddarganfod mwy am sut caiff Treth y Cyngor ei wario ewch i'n gwefan

A wyddoch chi sut i rhoi eich enw i lawr ar gyfer y Gofrestr Tai?

Ydych chi'n gwybod beth mae SARTH yn ei olygu? Mae SARTH yn sefyll am ‘Single Access Route to Housing’ sef 'Llwybr Mynediad Sengl i Dai’. Dyma lle, os ydych chi am gael eich cynnwys ar y Gofrestr Tai, dim ond un cais y bydd yn rhaid i chi ei wneud. Yn lle gwneud cais i wahanol gymdeithasau tai ar wahân, rydych chi'n cwblhau un cais sy'n cael ei rannu ar draws yr holl landlordiaid hynny sy'n rhan o'r cynllun. Mae ‘Llwybr Mynediad Sengl i Dai’ (SARTH) yn cael ei rannu gan bob darparwr tai cymdeithasol yn Sir Ddinbych. Ar ôl i chi wneud cais i fynd ar y Gofrestr Tai, yna caiff eich angen chi am dy gael ei asesu a'ch bod chi'n cael eich rhoi mewn band blaenoriaeth, gan helpu i sicrhau bod tai'n cael eu dyrannu mewn ffordd deg a thryloyw i'r rhai sydd eu hangen fwyaf.

Mae'r holl wybodaeth sydd angen i chi ei gwybod am y cynllun, a sut i wneud cais, ar ein gwefan.

Grŵp Casglu Sbwriel Morol

Mae Tîm Perygl Llifogydd Cyngor Sir Ddinbych a gwirfoddolwyr wedi dod at ei gilydd i gasglu dros 30 bag o sbwriel ar hyd arfordir Prestatyn. 

Mae nifer o ddigwyddiadau wedi’u cynnal eleni i fynd i'r afael ag effaith sbwriel morol yn yr ardal a all greu rhwystrau mewn dyfrffyrdd a draeniau, gan atal llif y dŵr ac arwain at fwy o berygl o lifogydd yn lleol yn bellach i fyny’r afon.

Gall cael gwared ar y sbwriel oddi ar y traeth hefyd gefnogi amddiffynfeydd naturiol fel glannau, twyni a dolydd morwellt gan eu bod yn gallu cynnal eu swyddogaeth naturiol fel amddiffynfeydd yn erbyn y môr yn well.

Gwyliwch y clip yma am fwy o wybodaeth.

Cofrestru Llety Ymwelwyr yng Nghymru

Bydd gofyn i unrhyw un sy'n derbyn archebion ar gyfer llety dros nos yng Nghymru — o westeion achlysurol i weithredwyr gwestai mawr — gofrestru eu llety gydag Awdurdod Cyllid Cymru (ACC) pan fydd y gofrestr yn lansio'r hydref hwn.

Bydd y cynllun cofrestru llety ymwelwyr newydd yn lansio yn hydref 2026. Cyn hyn, mae'r ACC yn annog gwesteiwyr a busnesau i gofrestru am ddiweddariadau fel y gallant dderbyn nodyn atgoffa, canllawiau, a'r wybodaeth ddiweddaraf wrth i'r dyddiad cofrestru agosáu.

Am ragor o wybodaeth ac i gofrestru ar gyfer hysbysiadau am y cynllun cofrestru newydd, ewch i wefan Awdurdod Cyllid Cymru.

Gwobr Aur Cymraeg Campus

Yn ystod tymor y Gwanwyn, dyfarnwyd Gwobr Aur Cymraeg Campus i Ysgol Cefn Meiriadog, gan eu gwneud yr ail ysgol yn unig yn Sir Ddinbych i ennill y wobr.

Mae gwobr Campws Cymraeg yn fenter iaith Gymraeg a gynlluniwyd ar gyfer ysgolion i hyrwyddo'r iaith Gymraeg a meithrin ethos Cymreig cryf ym mywyd bob dydd. Mae'r wobr hon yn gyflawniad gwych i Ysgol Cefn Meiriadog ac mae'n dyst i waith caled ac ymrwymiad y staff a'r dysgwyr i hyrwyddo'r iaith a'r diwylliant Cymraeg ar draws yr ysgol. Yn ystod tymor y Gwanwyn, ymunodd aelodau o'r Corff Llywodraethol a Chyngor Sir Dinbych â'r ysgol ar gyfer gwasanaeth dathlu a gyflwynwyd gan aelodau o'r Criw Cymraeg. Mae Criw Cymraeg yr ysgol yn helpu i arwain ymdrechion yr ysgol trwy drefnu gwasanaethau wythnosol, arwain gemau maes chwarae i gydnabod disgyblion sy'n ymdrechu'n galed i siarad Cymraeg a hyrwyddo'r iaith Gymraeg drwy gydol y diwrnod ysgol.

Dywedodd y Pennaeth Laura Martin: "Mae'r wobr hon yn dyst i waith caled cymuned gyfan yr ysgol, dan arweiniad Mrs Pitt-Lacey a'n Criw rhagorol.

"Fel ysgol rydym yn gweithio'n galed iawn i hyrwyddo'r iaith a'r diwylliant Cymraeg ac rydym wrth ein bodd bod hyn wedi cael ei gydnabod. Rwy'n hynod falch o ymdrech ac ymrwymiad pawb a gymerodd ran ac rwyf wrth fy modd fy mod wedi derbyn aur."

Dywed Cadeirydd y Llywodraethwyr, Shannon Gage "Ar ran y Corff Llywodraethol cyfan, hoffwn estyn ein llongyfarchiadau cynhesaf i'r ysgol ar ennill Gwobr Aur Cymraeg Campus. Mae'r wobr hon yn adlewyrchiad o'r ymroddiad a'r gwaith caled a ddangoswyd gan gymuned gyfan ein hysgol ac yn tynnu sylw at ein hymrwymiad diysgog i ddatblygu'r iaith a'r diwylliant Cymraeg yn Ysgol Cefn Meiriadog. Rydym yn hynod falch o'r cyflawniad hwn ac yn edrych ymlaen at adeiladu ar y llwyddiant hwn dros y blynyddoedd nesaf."

Da iawn ti Mason o Ysgol Santes Ffraid!

Cymerodd Mason Green (yn y llun ar y dde isod), disgybl o Ysgol Santes Ffraid, Dinbych, ran yng nghylch cyntaf pencampwriaeth Cymdeithas Tynnu Tractorau Prydain ar y 9fed a’r 10fed o Fai ym Maes Sioe Scorton yn Swydd Gaerhirfryn. Daeth cystadleuwyr o bob rhan o’r DU ynghyd gyda’u tractorau wedi’u haddasu i gymryd rhan yn yr ŵyl gyffrous hon o geffylau pŵer uchel. Mae cystadleuwyr yn cystadlu mewn fformat cynghrair mewn digwyddiadau ledled y DU drwy gydol misoedd yr haf.

Mae’r gystadleuaeth yn defnyddio tractorau wedi’u haddasu i dynnu sled trosglwyddo pwysau ar hyd trac 100m. Roedd Mason yn cystadlu yn Nosbarth Addasedig Gardd 500kg, lle ychwanegodd ef a’i dîm injan beic modur, llawer o bwysau ychwanegol, cewyll diogelwch a gwaith paent anhygoel at beiriant torri gwair safonol i’w droi’n gerbyd cystadlu. Yn ystod y ras, mae Mason yn gyrru’n gyflym i lawr y trac wrth i 500kg gael ei ychwanegu’n raddol at lwyth y tractor nes nad yw’r tractor yn gallu tynnu rhagor. Dywedodd am ei rediad: “Byddwn i wedi mynd ymhellach ar yr ail rediad, ond roeddwn i’n gallu teimlo’r turbo yn ysgwyd a’r peth olaf rwyt ti eisiau pan rwyt ti’n rhoi popeth iddo yw chwythu’r turbo.” Geiriau doeth iawn yn wir.

Dyfernir pwyntiau yn seiliedig ar y pellter a deithiwyd dros ddau rediad yn erbyn maes o 12 cystadleuydd yn y digwyddiad hwn. Gorffennodd Mason yn y 3ydd safle yn gyffredinol yn y digwyddiad cyntaf hwn o’r flwyddyn, gan gasglu 27 pwynt cynghrair yn y broses. Mae ef a’i dîm wrthi’n gweithio ar gael ychydig mwy o geffylau pŵer allan o’r injan wrth baratoi ar gyfer y digwyddiad nesaf yn Swydd Aberdeen ym mis Mehefin. Gorffennodd Mason yn yr ail safle yn gyffredinol yng nghystadleuaeth y llynedd, ond mae’n anelu at fynd un yn well eleni. Byddwn ni yma yn Ysgol Santes Ffraid yn cadw llygad barcud ar ei gynnydd.

Dywedldd penaeth Ysgol Santes Ffraid, Mrs Leah Crimes, “Rydym yn hynod falch o Mason a’i lwyddiannau mewn camp mor heriol ac unigryw. Mae ei ymroddiad, ei waith tîm a’i angerdd yn adlewyrchiad gwych o’r gwerthoedd rydym yn eu dathlu yma yn Ysgol Santes Ffraid. Mae ei weld yn cystadlu ar lefel genedlaethol ac yn sicrhau canlyniad mor drawiadol ar ddechrau’r tymor yn wirioneddol ysbrydoledig. Dymunwn bob llwyddiant i Mason wrth iddo barhau â’i daith bencampwriaeth.”

Llu Cadetiaid Cyfun Ysgol Santes Ffraid

Mae'r Llu Cadetiaid Cyfun (Combined Cadet Force - CCF) yn weithgaredd allgyrsiol a ddarperir o fewn yr ysgol sy'n anelu at helpu i ddatblygu unigolion i ddod yn aelodau gwell o gymdeithas pan fydd y myfyrwyr yn gadael yr ysgol yn y pen draw.

Mae'r flwyddyn academaidd hon wedi gweld y CCF yn cefnogi sawl digwyddiad proffil uchel. Aeth 12 o gadetiaid a 2 Wirfoddolwr Oedolion y Llu Cadetiaid (CFAVs) i'r Gwasanaeth Gŵyl Goffa yn Neuadd Frenhinol Albert a chafodd Sarjant Hedfan y Cadetiaid Alannah Davies y fraint o gario lumen CCF Genedlaethol. Y bore canlynol gwelwyd y cadetiaid a'r CFAVs yn gorymdeithio ochr yn ochr â phersonél gwasanaeth a chyn-filwyr yn yr orymdaith heibio'r Senotaff yn Llundain o flaen Ei Mawrhydi y Brenin.

Ym mis Chwefror eleni gwahoddwyd CCF Santes Brigid i ddarparu 12 cadetiaid i gefnogi gwasanaeth Arian Maundy yn Eglwys Gadeiriol Llanelwy lle cyflwynodd Ei Mawrhydi y brenin Arian Maundy i 154 o dderbynwyr, 77 o ddynion a 77 o fenywod yn cynrychioli oedran y Brenhinoedd. Roedd y cadetiaid fel aelodau o ysgol Santes Brigid a'r CCF yn glod i'r ysgol a'r sefydliad cadetiaid gan ddenu'r sylwadau canlynol gan y Cyrnol Edwyn Launders, Rheolwr, Swyddfa'r Arglwydd Siambrlen i ddiolch i'r cadetiaid am, "Mor wych yn cefnogi'r Gwasanaeth Brenhinol Maundy yn Eglwys Gadeiriol Llanelwy ddydd Iau 2 Ebrill. Ni allem fod wedi gobeithio am grŵp mwy clyfar, mwy proffesiynol ac effeithlon o bobl ifanc i'n helpu i ofalu am yr holl westeion."

Mae'r CCF yn rhoi cyfle i bobl ifanc ddatblygu sgiliau bywyd, cynyddu annibyniaeth a magu hyder wrth gymryd rhan mewn pethau fel cynllun Gwobr Dug Caeredin {DofE}, mynd i'r awyr a phrofi hedfan neu gefnogi digwyddiadau fel y rhai a amlygwyd uchod, gan roi cyfleoedd i bobl ifanc na fyddent fel arall wedi'u cael.

Llwyddiant Ysgol y Gwernant yn y Cwis Siarter Iaith!

Llongyfarchiadau i ddisgyblion Blwyddyn 5 a 6 ar ddod yn gydradd gyntaf yn rownd derfynol Cwis Siarter Iaith.

Rydym yn hynod falch o’u llwyddiant a’u hymroddiad i’r Gymraeg.