Gŵyl Ffuglen Llyfrgelloedd Sir Ddinbych

Roedd yn bleser cael dechrau’r Ŵyl yn Llyfrgell Dinbych hefo’r awdur poblogaidd Manon Steffan Ros.

Yn enillydd y Fedal Ddrama yn yr Eisteddfod Genedlaethol yn 2005 a 2006 ynghyd a’r Fedal Ryddiaith yn 2018 ac enillydd Gwobr Tir na n-Og ar fwy nag un achlysur, mae Manon yn nofelydd, dramodydd a sgriptiwr dawnus sydd wedi ysgrifennu nifer o nofelau i blant ac oedolion. Difyr iawn oedd gwrando ar sut i ddigwyddiadau trist bywyd ddylanwadu ar ei gwaith, a sut mae hi’n mynd ati i ysgrifennu, a’r broses o gyfieithu ei nofelau.

Manon Steffan Ros yn trafod ei gwaith yn Llyfrgell Dinbych

Cafwyd gyfarfod bywiog yn Llyfrgell Llanelwy gyda Diwrnod Awduron Lleol yn cynnal sesiwn cyfarfod awdur. Cafodd y gynulleidfa gyfle i sgwrsio gyda pedwar awdur am eu gwaith a dysgu am eu proses unigryw o ysgrifennu.

Croesawodd Llyfrgell Prestatyn yr awdur arobryn Kate Ellis. Cafodd y digwyddiad dderbyniad gwych, mae straeon Kate wedi hedfan oddi ar silffoedd y llyfrgell ers hynny! Diolch yn fawr i Kate am ddigwyddiad hynod lwyddiannus arall.

Er gwaethaf y tywydd stormus, roedd Noson Ddirgelwch Llofruddiaeth Llyfrgell Rhuddlan, yn seiliedig ar waith yr awdur Anne Cleeves ‘The Darkest Evening’ yn llwyddiant gwefreiddiol! Diolch yn fawr iawn i dîm y llyfrgell, y Cynghorydd Tref Mike Kermode, a phawb a ddaeth i'r afael â'r elfennau am noson hwyliog a chyffrous yn datrys dirgelwch y llofruddiaeth

Croesawodd Llyfrgell Llanelwy'r awdur hynod boblogaidd Simon McCleave ar gyfer ymweliad diddorol lle bu’n trafod ei nofelau trosedd. Roedd cynulleidfa niferus yno yn mwynhau'r drafodaeth a chael cyfle i holi’r awdur. Diolch yn fawr iawn I Simon am rannu ei weledigaeth i’w nofelau.

Daeth yr awdur plant lleol Pat Sumner i Lyfrgell Rhuthun i sôn am ei nofel ffantasi newydd ‘Globbatrotter’ ar gyfer plant 8-12 oed. Darllenodd yr awdur ddetholiad o’i nofel gan ddod a’r Globbatrotter yn fyw. Cafwyd cyfle i drafod a holi’r awdur a chael arwyddo copi o’i llyfr.

Trisha Ashley a Juliet Greenwood fu’n cynnal sesiwn cwrdd â’r awduron yn Llyfrgell y Rhyl yn ddiweddar. Mwynhaodd y gynulleidfa sgwrs ddiddorol gan y ddwy am eu llyfrau rhamant a hanesyddol.

Cafwyd Gŵyl hynod lwyddiannus gydag awduron o fri yn ymweld â’n llyfrgelloedd, roedd rhywbeth at ddant pawb o drosedd i ramant. Diolch i’r rhai a gefnogodd y digwyddiadau ac am gymorth ariannol gan Gronfa Ffyniant Gyffredin Llywodraeth y DU a weinyddir gan Hamdden Sir Ddinbych Cyf.