Carchar Rhuthun yn dathlu penblwydd arbennig!

Ddydd Sadwrn, 5 Ebrill, bydd Carchar Rhuthun, un o atyniadau treftadaeth mwyaf poblogaidd Gogledd Cymru, yn cynnal digwyddiad dathlu i nodi dechrau tymor 2025, a phen-blwydd eithaf trawiadol sy'n cael ei ganmol fel 250 mlynedd o Garchar Rhuthun!

Mae Carchar Rhuthun yn ailagor ddydd Mercher, 2 Ebrill, gyda'r digwyddiad Dathlu Pen-blwydd yn cael ei gynnal ddydd Sadwrn, 5 Ebrill, ac fe'ch gwahoddir i gyd fynychu seremoni swyddogol Datgloi'r Carchar am 11:00am a mwynhau hwyl a gemau teuluol am ddim a fydd ar gael drwy gydol y dydd yn y Cwrt blaen (mae ffioedd mynediad arferol yn berthnasol ar gyfer mynediad i'r Carchar ei hun).

Mae mwy o fanylion ar ein gwefan.