Cwnsela cyflogaeth newydd i gefnogi pobl ddi-waith yn Sir Ddinbych

Mae RCS yn falch o fod wedi cael dyfarniad drwy’r Gronfa Ffyniant Gyffredin ar gyfer rhaglen gwnsela newydd ar gyfer pobl ddi-waith a phobl sy’n anactif yn economaidd yn Sir Ddinbych.

Gan weithio’n agos gyda rhaglen Barod Sir Ddinbych yn Gweithio, bydd Gweithio’n Iach Sir Ddinbych yn cefnogi pobl ddi-waith a phobl sy’n anactif yn economaidd yn Sir Ddinbych, a’u prif rwystr rhag cyflogaeth yw cyflwr iechyd meddwl hirdymor.

Byddant yn derbyn hyd at naw sesiwn o gefnogaeth cwnsela gyfrinachol drwy dîm cwnsela mewnol RCS a darparwyr cysylltiedig.  Bydd y gefnogaeth yn helpu cyfranogwyr i: 

• Ddatblygu strategaethau ymdopi
• Gwella hunan-barch
• Meithrin gwydnwch
• Ymgysylltu’n effeithiol â chymorth cyflogadwyedd a symud yn nes at y farchnad lafur.

Mae adborth blaenorol wedi bod yn eithriadol o gadarnhaol:

“Teimlaf fy mod wedi cael gwrandawiad a gofal ac roedd y cwnsela yn eithriadol o ddefnyddiol.”

“Cefais fwynhad mawr a dysgais ffyrdd da o ymdopi.”

“Gwnaeth wirioneddol fy helpu yn ôl i gyflogaeth ar ôl blynyddoedd o salwch meddwl.”

Mae RCS yn edrych ymlaen at weithio gyda Barod a phartneriaid eraill i sicrhau bod cymaint o bobl â phosibl yn gallu elwa o’n cymorth arbenigol. 

Sut i gyrchu'r gwasanaeth

Os fyddech chi neu rywun rydych chi’n ei adnabod yn elwa o’r gwasanaeth hwn, cysylltwch heddiw workwell@rcs-wales.co.uk neu ffoniwch 01745 336442.