Taith Dywys yng Nghoed Bell, Gronant, gyda Chyfeillion yr AHNE

Yn ystod mis Mai, dan arweiniad y ceidwaid Steve ac Imogen, cynhaliwyd taith dywys o amgylch Coed Bell, Gronant i Gyfeillion yr AHNE. Roedd hwn yn gyfle i’r Cyfeillion weld gwaith penigamp y ceidwaid a’r gwirfoddolwyr yn ystod yr ychydig flynyddoedd diwethaf yn rheoli’r safle i wella’r arddangosfa clychau’r gog ac i ddysgu sut caiff y safle ei reoli er budd bioamrywiaeth.

Bu iddyn nhw hefyd fynd am dro at yr Heneb Gofrestredig yn ne’r safle. Mae’r ardal hon yn rhan o Gynllun Rheoli Cynaliadwy (Prosiect Pori) ac unwaith eto cafodd y Cyfeillion gyfle i weld gwaith y ceidwaid i leihau’r rhedyn a’r eithin er mwyn i anifeiliaid allu pori’r tir yn y dyfodol agos.

Roedd pawb wedi mwynhau'r ymweliad, ac ambell un wedi dweud mai hon oedd yr arddangosfa orau y maen nhw erioed wedi’i gweld o glychau’r gog!