Defnyddio Cartrefi Gwag Unwaith Eto

Yn ddiweddar gwerthwyd dau eiddo rhestredig, hanesyddol ym mhentref Llandyrnog i brynwr preifat.  Mae'r eiddo wedi bod yn wag ers sawl blwyddyn ac wedi dirywio i gyflwr gwael.

Gan fod yr eiddo wedi'u rhestru, bydd angen arweiniad arnynt i ddod yn ôl i ddefnydd.  Mae’r perchnogion newydd eisoes wedi holi ynglŷn â defnyddio cynllun benthyciad Troi Tai’n Gartrefi sy’n cael ei weinyddu gan dîm cartrefi gwag Sir Ddinbych.

Bydd y benthyciad yn cynorthwyo'r perchnogion newydd i ddod â'r eiddo gwag hirdymor yn ôl i ddefnydd er budd y gymuned.

Mae eiddo gwag hirdymor arall hefyd newydd ei werthu yn amodol ar gontract yn y pentref, ac mae'n debygol y bydd hwn yn cael ei ddefnyddio eto hefyd. Mae tri eiddo gwag hirdymor arall yn y pentref hefyd yn cael eu hailddefnyddio. Mae'r perchennog wedi adnewyddu dau yn sylweddol a bydd un arall yn cael ei gychwyn yn y dyfodol agos.  Bydd y rhain yn cael eu rhentu yn y sector rhentu preifat.

Mae'r perchennog wedi gweithio'n agos gyda'r tîm cartrefi gwag, sydd wedi ei gynghori ar hyd y ffordd, yn ystod y prosiectau adnewyddu.

Mae’r nod o ddefnyddio eiddo gwag hirdymor unwaith eto yn hollbwysig ar gyfer cynaladwyedd cymunedau gwledig, felly dylid dathlu’r stori newyddion da hon o Landyrnog.

Mae ailddefnyddio eiddo gwag hirdymor yn flaenoriaeth allweddol i Sir Ddinbych. Gan weithio’n agos gyda pherchnogion i gynnig rhai o’r benthyciadau a’r grantiau sydd ar gael iddynt, megis benthyciadau Troi Tai’n Gartrefi, cynllun Grant Cartrefi Gwag Cymru a gostyngiad mewn TAW ar gostau adeiladu.

Hefyd, gweithio'n agos gyda gwasanaethau digartrefedd i nodi eiddo a allai fod yn addas ar gyfer Cynllun Prydlesu Cymru, wrth nodi eiddo gwag y gallai perchnogion fod â diddordeb yn eu prydlesu i'r cyngor.

I gael rhagor o wybodaeth am gartrefi gwag a'r opsiynau sydd ar gael, cysylltwch â jeff.evans@sirddinbych.gov.uk neu 01824 706794 / 07721484142.