Canolfan Ieuenctid Llangollen yn ailagor

Mae Cyngor Sir Dinbych yn falch iawn o gyhoeddi ailagor Canolfan Ieuenctid Llangollen.

Bydd y ganolfan unwaith eto yn darparu lle croesawgar, diogel a chefnogol i bobl ifanc yn y gymuned.

Cynhelir sesiynau Clwb Ieuenctid Mynediad Agored bob dydd Mawrth o 6pm i 7.30pm yn ystod y tymor. Mae'r sesiynau ar agor i bobl ifanc rhwng 11 a 17 oed.

Mae'r adeilad hefyd yn cael ei ddefnyddio yn ystod y dydd gan y Gwasanaeth Ieuenctid i gefnogi pobl ifanc ag amrywiaeth o anghenion, gan gynnwys gwaith wedi'i dargedu, achredu, a gweithgareddau llais ieuenctid. Bydd yr adeilad hefyd yn gartref i amrywiaeth o sefydliadau partner i sicrhau ei fod yn cael ei ddefnyddio'n effeithiol ac i wasanaethu anghenion pobl ifanc a'r gymuned ehangach ledled Sir Ddinbych orau.

Mae cael lle dynodedig i bobl ifanc o fewn eu cymuned yn hynod bwysig, a'r nod yw creu amgylchedd bywiog a diogel i bobl ifanc a'r gymuned ehangach.

Yn dilyn buddsoddiad yn y ganolfan, bydd hwb newydd Teuluoedd yn Gyntaf a Dechrau'n Deg hefyd yn agor yn yr adeilad. Bydd tîm Teuluoedd yn Gyntaf a Dechrau'n Deg bellach yn gweithio ochr yn ochr â Gwasanaethau Ieuenctid Sir Ddinbych o’r Ganolfan Ieuenctid i helpu i ddarparu cefnogaeth, gweithgareddau a chyfleoedd i blant, pobl ifanc a theuluoedd lleol.

Bydd tîm Teuluoedd yn Gyntaf a Dechrau'n Deg yn cynnal digwyddiadau ymgysylltu o'r hwb, gan ddechrau'r wythnos nesaf tan ddiwedd gwyliau'r haf, lle gall y tîm ddod i adnabod y teuluoedd a darganfod beth yr hoffai teuluoedd ei gael gan y ganolfan.

Mae'r ailagor yn nodi cam pwysig wrth gryfhau darpariaeth ieuenctid leol a sicrhau bod gan bobl ifanc fynediad at gyfleoedd sy'n cefnogi eu datblygiad personol a chymdeithasol.

Dywedodd y Cynghorydd Diane King, Aelod Arweiniol dros Addysg, Plant a Theuluoedd:

“Rydym wrth ein bodd yn gweld Canolfan Ieuenctid Llangollen yn ailagor ei drysau i bobl ifanc yn y gymuned. Mae gwasanaethau ieuenctid yn chwarae rhan hanfodol wrth ddarparu mannau diogel lle gall pobl ifanc feithrin hyder, datblygu sgiliau newydd a ffurfio cyfeillgarwch cadarnhaol.

“Rwyf hefyd yn falch iawn o weld y bydd ein tîm anhygoel Teuluoedd yn Gyntaf a Dechrau’n Deg bellach yn gweithio ochr yn ochr â thîm y Gwasanaethau Ieuenctid yn y Ganolfan Ieuenctid.

“Bydd y dull integredig hwn yn caniatáu i deuluoedd a phobl ifanc gael y gorau o’r cymorth a’r gefnogaeth a gynigir gan y ddau wasanaeth.

“Mae’r ailagor hwn yn adlewyrchu ein hymrwymiad parhaus i fuddsoddi mewn darpariaeth ieuenctid ledled Sir Ddinbych a sicrhau bod gan bobl ifanc fynediad at gefnogaeth o ansawdd uchel yn agos at ble maen nhw’n byw.

 “Rydym wrth ein bodd yn gweld Canolfan Ieuenctid Llangollen yn ailagor ei drysau i bobl ifanc yn y gymuned. Mae gwasanaethau ieuenctid yn chwarae rhan hanfodol wrth ddarparu mannau diogel lle gall pobl ifanc feithrin hyder, datblygu sgiliau newydd a ffurfio cyfeillgarwch cadarnhaol.

Mae'r ailagor hwn yn adlewyrchu ein hymrwymiad parhaus i fuddsoddi mewn darpariaeth ieuenctid ledled Sir Ddinbych a sicrhau bod gan bobl ifanc fynediad at gefnogaeth o ansawdd uchel yn agos at ble maen nhw'n byw.”

Yn ogystal â’r ddarpariaeth yn Llangollen, mae sesiynau clwb ieuenctid mynediad agored hefyd ar gael yng Nghorwen bob nos Fercher rhwng 6pm ac 8pm yn ystod y tymor.

Mae rhagor o wybodaeth am glybiau a chanolfannau ieuenctid yn Sir Ddinbych ar gael ar wefan y Cyngor.  

Gallwch hefyd gysylltu â'r gweithwyr ieuenctid lleol, sef:

• Amanda Helsby, Gweithiwr Ieuenctid Ardal – 07345 216663
• Tudur Parry, Gweithiwr Ieuenctid Cymunedol – 07795 051832

Mae Canolfan Ieuenctid Llangollen, wedi ei lleoli ar Stryd y Fedwen, Llangollen, LL20 8HH. 2026.

Am fwy o wybodaeth am y gwasanaethau ar gael gan Teuluoedd yn Gyntaf a Dechrau’n Deg, ewch i’n gwefan.